ໃນຕອນແລງມື້ນີ້ 10 ທັນວາ 2022 ທີ່ສະໜາມບານເຕະໄຫຫີນຂະໜາດວອມ ການສະແດງ ໃນຈຳນວນ 1.100 ຄົນ ຈາກ 5 ລາຍການ ຊຶ່ງມີຜູ້ຊົມເຂົ້າຮ່ວມຊົມການສະແດງເຖິງ 6 ພັນກວ່າຄົນ ກໍຍັງຄືກຄັກ ຕື່ນຕາຕື່ນໃຈໄດ້ເຖີງຂະໜາດນີ້ ຮອດສະແດງຕົວຈິງໃນວັນທີ 13 ທັນວາ 2022 ຈະຄືກຄັກກວ່ານີ້ຂະໜາດໃດ.
ສຳລັບ 5 ລາຍການ ທີ່ຈະທຳການສະແດງໃນພິທີເປີດ: 1. ລາຍການຍິນດີຕ້ອນຮັບ. 2. ຮ້ອງເພງລວມໝູ່ຍິງ-ຊາຍ ມີທັງໝົດ 3 ບົດເພງ ປະກອບມີ ເພງ ໄຊຊະນະ ຊຽງຂວາງ, ຫວນຄືນເມືອງໄຊ, ຊຽງຂວາງ ເກມ. 3. ສະແດງມວຍລາຍລາວ, 4. ແອ່ນນ້ອຍລອຍລົມ ແລະ 5. ມ່ວນຊື່ນງານມະຫາກຳກິລາແຫ່ງຊາດ.
ສະໜາມບານເຕະໄຫຫີນ ສາມາດບັນຈຸຜູ້ເຂົ້າຊົມໄດ້ເຖີງ 11.000 ຄົນ.
ການຝຶກຊ້ອມໃຫຍ່ຄັ້ງນີ້ ແມ່ນເປັນການຝຶກຊ້ອມຕົວຈິງຢ່າງເຕັມຮູບແບບເພື່ອກະກຽມຄວາມພ້ອມດ້ານຕ່າງໆ ໃຫ້ແກ່ມື້ເປີດງານຕົວຈິງນັບແຕ່ຂັ້ນຕອນການສະແດງຄອນເສີດ, ການເດີນຂະບວນສວນສະຫນາມຂອງຄະນະນໍາ, ຄູຝຶກ ແລະ ນັກກິລາຈາກແຕ່ລະພາກສ່ວນທີ່ເຂົ້າຮ່ວມການແຂ່ງຂັນ, ການສະແດງສິລະປະທຸກລາຍການປະກອບກັບໄຟແສງສີຕົວຈິງ ແລະ ອື່ນໆ.
ສໍາລັບງານມະຫະກຳກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ ທີ່ແຂວງຊຽງຂວາງ ໄດ້ຮັບກຽດເປັນເຈົ້າພາບຈະຈັດຂຶ້ນຢ່າງເປັນທາງການໃນລະຫວ່າງວັນທີ 13-22 ທັນວາ 2022 ໂດຍມີນັກກິລາ 3.003 ຄົນ, ຍິງ 1.029 ຄົນ ຈາກ 17 ແຂວງ, 1 ນະຄອນຫລວງວຽງຈັນ ແລະ 4 ກະຊວງເຂົ້າຮ່ວມແຂ່ງຂັນ ໃນ 25 ປະເພດກິລາ ຊຶ່ງມີກາຍຊີງໄຊທັງໝົດ 1.311 ຫຼຽນ, ໃນນັ້ນ ມີ 385 ຫຼຽນຄຳ, 385 ຫຼຽນເງິນ ແລະ 581 ຫຼຽນທອງ ໂດຍເລືອກເອົາໄຫຫີນເປັນສັນຍາລັກ ແລະ ເລືອກເອົານົກແອ່ນເປັນສັດນໍາໂຊກ.
ລາຍງານໂດຍ : ລາຍການພັດທະນາການສຶກສາແລະກິລາແຂວງບໍລິຄຳໄຊ
.
.
.
.
.
.
.
.
