ປກສ ແຂວງບໍ່ແກ້ວ ຈັບຜົວເມຍຄ້າຢາ ພ້ອມຂອງກາງ 6.608.000 ເມັດ
ວັນທີ 6 ສິງຫາ 2022 ເວລາປະມານ 12:00 ໂມງ,ເຈົ້າໜ້າທີ່ ປກສ ເມືອງຕົ້ນເຜິ້ງ ສາມາດຈັບເປົ້າໝາຍຢາລາຍໃຫຍ່ ໄດ້ 2 ຄົນ ຊື່ ທ້າວ ພອນ ອາຍຸ 45 ປີ ແລະ ນາງ ມອນ ອາຍຸ 43 ປີ ຢູ່ບ້ານສີບຸນເຮືອງ ເມືອງຕົ້ນເຜີ້ງ ແຂວງບໍ່ແກ້ວ (ຜົວເມຍ).
ຜ່ານການກວດຄົ້ນເຄຫະສະຖານພົບເຫັນຂອງກາງ ຢາບ້າ ຈຳນວນ 3.304 ມັດ ເທົ່າກັບ 6.608.000 ເມັດ, ນ້ຳໜັກລວມ 733 ກິໂລກຼາມ ແລະ ຢາໄອສ໌ 1ກິໂລກຼາມ, ລົດປຼາໂດ 1 ຄັນ, ລົດກະບະລີໂວ 1 ຄັນ, ລົດກະບະນິດສັນ 1 ຄັນ, ເງິນກີບ 80.000.000 ກີບ, ເງິນບາດ 4.109.000 ບາດ, ເງິນຢວນ 10.000 ຢວນ ແລະ ເຄື່ອງຂອງກາງອີກຈຳນວນໜຶ່ງ.
ປັດຈຸບັນ.ຄະດີດັ່ງກ່າວ,ເຈົ້າໜ້າທີ່ ປກສ ແຂວງບໍ່ແກ້ວ ພວມດຳເນີນການສອບສວນຂະຫຍາຍຜົນ ເພື່ອສືບຕໍ່ດຳເນີນຄະດີຕາມຂັ້ນຕອນຂອງກົດໝາຍ.
ທີ່ມາ: ປກສ ແຂວງບໍ່ແກ້ວ.
