ເພື່ອເປັນການສ້າງຂະບວນການ ຂໍ່ານັບຮັບຕ້ອນໃນວັນສຳຄັນຕ່າງໆຂອງຊາດ – ຂອງພັກ ດັ່ງນັ້ນໃນລະຫວ່າງວັນທີ 31 ມັງກອນ ຜ່ານມານີ້ ທ່ານ ສີສຸວັນ ໂອລິຍະວົງ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງ ພ້ອມຄະ ນະໄດ້ລົງໄປ ຊຸກຍູ້ຕິດຕາມໃນການກໍ່ສ້າງຂົວຂ້າມຫ້ວຍໂລ້ ຂອງພໍ່ແມ່ປະຊາຊົນບ້ານບຶງສານເທິງ ຫາ ບ້ານນາມັນປາ ໂດຍການຊີ້ນຳໆພາຂອງ ທ່ານ ສຳນຽງ ແສງສອນດີ ນາຍບ້ານໆບຶງສານເທິງ ພ້ອມຄະນະນາຍບ້ານທັງສອງບ້ານຕະ ຫຼອດຮອດພໍ່ແມ່ປະຊາຊົນ.
ໃນການກໍ່ສ້າງຂົວຂ້າມຫ້ວຍໂລ້ໃນຄັ້ງນີ້ ມີຄວາມຍາວ 15 ແມັດ, ກວ້າງ 5 ແມັດ ແລະ ໄດ້ໄດ້ຕັດແລວທາງ
ໃໝ່ໃນຄວາມຍາວ 700 ແມັດ, ກວ້າງ 6 ແມັດ ທັງນີ້ກໍ່ເພື່ອເຮັດໃຫ້ການສັນຈອນໄປມາ ຂອງພໍ່ແມ່ປະຊາຊົນພາຍໃນບ້ານບຶງສານເທິງ ແລະ ບ້ານອື່ນໆ ໃຫ້ມີສະດວກໃນການສັນຈອນໄປມາ ແລະ ໃນການກໍ່ສ້າງຂົວນີ້ ແມ່ນໄດ້ມີການເລີ້ມລົງມືກໍ່ສ້າງແຕ່ວັນທີ ວັນທີ 3 ມັງກອນ 2022 ເຊິ່ງມາຮອດປະຈຸບັນນີ້ ສາມາດສ້າງໄດ້ 80% ເຊິ່ງໃນການກໍ່ສ້າງ ອາດຈະໃຫ້ສຳເລັດໃນກາງ ເດືອນ ກຸມພາ ແມ່ນໃຫ້ສຳເລັດ 100% ຮູບການກໍ່ສ້າງແມ່ນໄດ້ນຳໃຊ້ແຮງງານຂອງພໍ່ແມ່ປະ ຊາຊົນພາຍໃນບ້ານ ແລະ ໄດ້ນຳໃຊ້ປູນຊີເມັນຈຳນວນ 178 ກະສອບ ໃນຈຳນວນເງິນ 35 ລ້ານກວ່າກີບ ສ່ວນທຶນແມ່ນໄດ້ມາຈາກກາລະດົມນໍາພໍ່ແມ່ປະຊາຊົນພາຍໃນບ້ານ ແລະ ບັນດາພໍ່ຄ້າ ຊາວຂາຍ ອ້ອມຂ້າງເມືອງ.
.
.
ແຂວງຄໍາມ່ວນ
