ໃນວັນທີ 4 ກຸມພາ 2022 ນີ້ ຢູ່ທີ່ສະໂມສອນໃຫ່ຍຂອງເມືອງໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງກຳມະບານລາວຄົບຮອບ 66 ປີ ໂດຍໃຫ້ກຽດ ປາຖະກະຖາ ທ່ານ ທອງດີ ດວງພະຈັນ ຮອງເລຂາພັກເມືອງ,ມີຄະນະບໍລີງານ,ປະທານໜ່ວຍກຳມະບານ, ຕະຫຼອດຮອດສະມາຊິກກຳມະບານອ້ອມຂ້າງເມືອງເຂົ້າຮ່ວມ.
ໃນພິທີ ທ່ານ ໄດ້ຍົກໃຫ້ເຫັນກ່ຽວກັບວັນສ້າງຕັ້ງກຳມະບານລາວ ແລະປະຫວັດແຫ່ງການກຳເນີດ ແລະ ເຕີບໃຫ່ຍຂະຫຍາຍຕົວຂອງອົງການຈັດຕັ້ງກຳມະບານລາວ ວັນທີ 1 ກຸມພາ 1956 – 1 ກຸມພາ 2022, ບາງຜົນງານທີ່ພົ້ນເດັ່ນ ຂອງສູນກາງສະຫະພັນກຳມະບານລາວແຕ່ລະຄັ້ງ, ຜົນງານທີ່ພົ້ນເດັ່ນໄລຍະ 66 ປີຂອງອົງການຈັດຕັ້ງກຳມະບານລາວໃນການປະກອບສ່ວນພາລະກິດປະຕິວັດຂອງແຕ່ລະໄລຍະ, ເສີມຂະຫຍາຍທາດແທ້ ລັກສະນະດີເລີດຂອງຊົນຊັ້ນກຳມະກອນລາວ ແລະ ມູນເຊື້ອອັນດີງາມ 66 ປີຂອງອົງການກຳມະບານລາວ, ທ່ານໄດ້ກ່າວຕືມວ່າ ຊົນຊັ້ນກໍາມະກອນ ແລະ ຊາວຜູ້ອອກແຮງງານລາວບັນດາເຜົ່າ ເປັນຜູ້ປະກອບສວນໂດຍກົງ
ເພືອເຮັດໃຫ້ການພັດທະນາເສດຖະກິດ-ສັງຄົມ ມີການເຕີບໃຫຍ່ມີການຂະຫຍາຍຕົວ ສ້າງຄວາມຮັ່ງມີເຂັ້ມແຂງໃຫ້ແກ່ປະເທດຊາດ, ເປັນເຈົ້າຂອງໃນການທ້ອນໂຮມປົກປັກຮັກສາ ແລະ ສ້າງສາປະເທດຊາດເພື່ອຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າໃນແຕ່ລະຍຸກ ແຕ່ລະສະໄໝໄດ້ສຶບທອດກັນມາຈົນເຖິງປະຈຸບັນຄື ດັ່ງຄຳຂວັນທີວ່າ ປຸກລະດົມ ນຳໃຈວັນທີ 1 ກຸມພາໝັ້ນຍືນ, ອອກແຮງງານແຂ່ງຂັນຈັດຕັ້ງຜັນຂະຫຍາຍມະຕິກອງປະຊຸມໃຫ່ຍສະຫະພັນກຳມະບານລາວທົ່ວປະເທດ ໃຫ້ປະກົດຜົນເປັນຈິ່ງ, ການປາຖະກະຖາໃນຄັ້ງນີ້ ເພື່ອເຮັດໃຫ້ສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ ເຫັນໄດ້ມູນເຊື້ອ ປະຫວັດຄວາມເປັນມາແຫ່ງການເຕີບໃຫຍ່ຂະຫຍາຍຕົວ ຂອງວັນສ້າງຕັ້ງກໍາມະບານລາວ ຕະຫຼອດລະຍະ 66 ປີຜ່ານມາ ແລະ ເປັນການປູກຈິດສໍານຶກໃຫ້ແກ່ພະນັກງານ, ສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານໄດ້ຮັບຮູ້ ແລະ ເຂົ້າໃຈເນື້ອໃນວັນສໍາຄັນດັ່ງກ່າວຢ່າງເລິກເຊິ່ງ; ເພື່ອນໍາໄປຜັນຂະຫຍາຍເຂົ້າໃນວຽກງານຕົວຈິງ ປະກອບສ່ວນຢ່າງຕັ້ງຫນ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ, ປົກປ້ອງສິດຜົນປະໂຫຍດອັນຊອບທຳຂອງກຳມະກອນ, ຊາວຜູ້ອອກແຮງງານລາວບັນດາເຜົ່າ, ເດີນຕາມແນວທາງຂອງພັກ, ກ້າວສູ່ສັງຄົມນິຍົມເທື່ອລະກ້າວ; ນອກຈາກນີ້ ຕິດພັນກັບການປາຖະກະຖາມູນເຊື້ອ ແຫ່ງການກຳເນີດ, ເຕີບໃຫຍ່ຂະຫຍາຍຕົວ ແລະ ຜົນງານທີ່ພົ້ນເດັ່ນ ຕະຫຼອດໄລຍະ 66 ປີ ຂອງສະຫະພັນກຳມະບານລາວ
ຂ່າວ ສົມເພັດ ໄຊມີກອນ ນັກຂ່າວ ເມືອງໂພນທອງ ແຂວງຫຼວງພະບາງ.
