ພະແນກສຶກສາທິການ ແລະ ກິລາ, ນະຄອນຫຼວງວຽງຈັນ ອອກແຈ້ງການ ເລກທີ 2443/ສກ.ນວ, ລົງວັນທີ 20ຕຸລາ2021 ເຖິງຫົວໜ້າຫ້ອງການສຶກສາທິການ ແລະ ກິລາ ເມືອງ 9ຕົວເມືອງ, ປກສ ກຸ່ມບ້ານ, ນາຍບ້ານ, ພໍ່ແມ່ປະຊາຊົນ ແລະ ເຈົ້າຂອງຫົວໜ່ວຍທຸລະກິດກິລາກາຍຍະກໍາທົ່ວນະຄອນຫຼວງວຽງຈັນເລື່ອງ ຫ້ າ ມຈັດ ການຈັດການແຂ່ງຂັນກິລາເຮືອຊ່ວງນັບແຕ່ວັນທີ 20- 30ຕຸລາ2021.
ອີງຕາມແຈ້ງການຂອງຄະນະສະເພາະກິດ ນະຄອນຫຼວງຽງຈັນ, ສະບັບເລກທີ 38/ ສພກ.ນວ, ລົງວັນທີ15ຕຸລາ2021, ກ່ຽວກັບການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ການແກ້ໄຂການລະບາດຂອງໂຄວິດຢູ່ນະຄອນຫຼວງວຽງຈັນໃນໄລຍະ 16ຫາ30ຕຸລາ2021.
ອີງຕາມຮີດຄອງປະເພນີອັນດີງາມຂອງປະຊາຊົນລາວບັນດາເຜົ່າທີ່ບັນພະບູລຸດພວກເຮົາເຄີຍສືບທອດປະຕິບັດກັນມາແຕ່ດົນນານ, ອີງຕາມຄວາມເປັນເອກະພາບຂອງຄະນະພະແນກສຶກສາທິການ ແລະ ກິລາ ນະຄອນຫຼວງວຽງຈັນຄັ້ງວັນທີ 20ຕຸລາ2021.
ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງ ທ່ານ ຫົວໜ້າຫ້ອງການສຶກສາທິການ ແລະ ກິລາ ເມືອງ 9 ຕົວເມືອງ, ຫົວໜ້າ ປກສ ກຸ່ມບ້ານ, ນາຍບ້ານ, ພໍ່ແມ່ປະຊາຊົນ ແລະ ຜູ້ປະກອບການຫົວໜ່ວຍທຸລະກິດກິລາ ໃນທົ່ວນະຄອນຫຼວງວຽງຈັນ ຫ້າມຈັດການແຂ່ງຂັນກິລາ ເຮືອຊ່ວງທຸກປະເພດ ເຊິ່ງເປັນການແຂ່ງຂັນກິລາປະເພນີ ໂດຍສະເພາະແມ່ນ ວັນບຸນອອກພັນສາປະວໍລະນາ ທີ່ປະຊາຊົນລາວເຮົາເຄີຍສືບທອດກັນມາ. ແຕ່ຍ້ອນການແຜ່ລະບາດຂອງໂຄວິດ ຢູ່ໃນນະຄອນຫຼວງວຽງຈັນ ເຫັນວ່າຍັງມີກໍລະນີ ຜູ້ຕິດເຊື້ອໃນຊຸມຊົນເພີ່ມຂຶ້ນຫຼາຍຊຶ່ງມີຄວາມສ່ຽງສູງທີ່ຈະເກີດການແຜ່ລະບາດໃນຊຸມຊົນ ແລະ ຂະຫຍາຍເປັນວົງກ້ວາງເພື່ອເຮັດໃຫ້ການຈັດຕັ້ງປະຕິບັດ ແຈ້ງການສະບັບນີ້ໃຫ້ໄດ້ຮັບຜົນດີ, ມອບໃຫ້ຂະແໜງກິລາມວນຊົນສົມທົບກັບຫ້ອງການສຶກສາທິການ ແລະ ກິລາເມືອງ, ພາກສ່ວນທີ່ກ່ຽວຂ້ອງລົງກວດກາ, ຕິດຕາມ ແລະ ເເນະນໍາໃຫ້ທຸກພາກສ່ວນຈົ່ງໄດ້ຈັດຕັ້ງປະຕິບັດແຈ້ງການສະບັບນີ້ຢ່າງເຂັ້ມງວດ.
