ຄະນະສະເພາະກິດ ລາຍງານ ສະພາບການລະບາດພະຍາດໂຄວິດ-19 ຢູ່ ສປປ ລາວ ໃນເຊົ້າວັນທີ 15 ກັນຍາ 2021 ນີ້ວ່າ, ມາຮອດວັນທີ 14 ກັນຍາ 2021: ໄດ້ກວດວິເຄາະທັງໝົດ 5,233 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 223 ຄົນເຊິ່ງຕິດເຊື້ອໃນຊຸມຊົນ 158 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 65 ຄົນ ຈາກ ແຂວງສະຫວັນນະເຂດ 27 ຄົນ, ນະຄອນຫຼວງ 19 ຄົນ, ຈໍາປາສັກ 9 ຄົນ, ຄຳມ່ວນ 4 ຄົນ, ສາລະວັນ 3 ຄົນ ແລະ ຫຼວງພະບາງ 3 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກຕ່າງປະເທດ ເຂົ້າຕາມຈຸດຜ່ານແດນສາກົນ.
ສໍາລັບການຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ແລະ ບັນດາແຂວງແມ່ນມີລາຍລະອຽດດັ່ງນີ້:

ນະຄອນຫຼວງ 2 ຄົນ:

ຜູ້ທີ່ 1 ເປັນ ເພດຊາຍ, ອາຍຸ 29 ປີ, ບ້ານນາທົ່ມ, ເມືອງໄຊທານີ, ອາຊີບ: ພະນັກງານ ປກສ, ບໍ່ມີພະຍາດປະຈຳໂຕ, ໄດ້ສັກວັກຊີນຄົບໂດສ. ຜູ້ກ່ຽວປະຈຳການຢູ່ສູນຈຳກັດບໍລິເວນ ມຊ ແຕ່ວັນທີ 6 ຫາ 31 ສິງຫາ 2021 ( ວັນທີ 30 ສິງຫາ 2021 ຜູ້ກ່ຽວກວດບໍ່ພົບເຊື້ອ ແຕ່ໝູ່ຂອງຜູ້ກ່ຽວ ກວດພົບເຊື້ອ ). ວັນທີ 1 ກັນຍາ 2021 ເຂົ້າຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ ຈົນມາຮອດ ວັນທີ 14 ກັນຍາ ໄດ້ເກັບຕົວຢ່າງກວດຄັ້ງທີ 2 ຈຶ່ງພົບເຊື້ອ. ແລະ

ຜູ້ທີ 2 ເພດຊາຍ, ອາຍຸ 58 ປີ, ບ້ານດ່ານຊ້າງ, ເມືອງໄຊທານີ, ອາຊີບ: ພະນັກງານ ປກສ, ບໍ່ມີພະຍາດປະຈຳໂຕ, ໄດ້ສັກວັກຊີນຄົບໂດສ. ຜູ້ກ່ຽວເປັນຜູ້ສຳຜັດໃກ້ຊິດກັບຜູ້ຕິດເຊື້ອ. ວັນທີ 6 ຫາ 8 ກັນຍາ ຜູ້ກ່ຽວເຂົ້າຮ່ວມກອງປະຊຸມທາງໄກຢູ່ຫ້ອງການ ມີເພື່ອນຮ່ວມງານ 10 ກວ່າຄົນ: ວັນທີ 11 ຫາ 12 ກັນຍາ ຢູ່ບ້ານ, ວັນທີ 13 ກັນຍາ ມາການປົກກະຕິ, ວັນທີ 14 ກັນຍາ ຄອບຄົວ (ພັນລະຍາຕິດເຊື້ອ) ຈຶ່ງໄດ້ໄປກວດ ແລະ ພົບເຊື້ອ.

ເຂດສ່ຽງ/ສະຖານທີ່ ທີ່ຜູ້ຕິດເຊື້ອໄດ້ເດີນທາງໄປ ໃນນະຄອນຫຼວງວຽງຈັນ: ຫ້ອງການ ປກສ ນະຄອນຫຼວງ.

ຄຳມ່ວນ 17 ຄົນ: ປະກອບມີ ບ້ານ ໂພນສະອາດ, ເມືອງ ທ່າແຂກ 4 ຄົນ, ບ້ານ ນາຫຍາຫວາຍ, ເມືອງ ທ່າແຂກ 3 ຄົນ, ບ້ານ ດົງມ່ວງໄຂ່, ເມືອງ ທ່າແຂກ 2 ຄົນ, ບ້ານ ສັນຕິສຸກ, ເມືອງ ທ່າແຂກ 2 ຄົນ, ບ້ານ ຈອມແກ້ວ, ເມືອງ ທ່າແຂກ 1 ຄົນ, ບ້ານ ຈອມເພັດ, ເມືອງ ທ່າແຂກ 1 ຄົນ, ບ້ານ ຈອມທອງ, ເມືອງ ທ່າແຂກ 1 ຄົນ, ບ້ານ ສຸກສະຫວັນ, ເມືອງ ທ່າແຂກ 3 ຄົນ

ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້. ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 17,905 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງໝົດ 4,266 ຄົນ.

ຟັງຖະແຫຼງຂ່າວ

.

ກົດລິ້ງນີ້ເພື່ອສັ່ງອາຫານ ແລະ ຮັບສ່ວນຫຼຸດທັນທີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here