ພັຕ ອຸດົມພອນ ໄຊຍະຈັກ ຮອງຫົວໜ້າພະແນກຕໍາຫຼວດ ກອງບັນຊາການ ປກສ ເມືອງຫຼວງນໍ້າທາ ໃຫ້ຮູ້ວ່າ: ນັບແຕ່ທ້າຍເດືອນມິຖຸນາ ຫາຕົ້ນເດືອນກໍລະກົດ 2021, ໄດ້ຮັບແຈ້ງຄວາມວ່າ: ມີກຸ່ມຄົນບໍ່ດີເຄື່ອນໄຫວເສບ ແລະ ຄ້າ ຂ າ ຍ ຢ ເ ສ ບ ຕິ ດ ຢູ່ເຂດບ້ານນໍ້າແດງໃຕ້ ເມືອງ-ແຂວງຫຼວງນໍ້າທາ.
ຈຶ່ງໄດ້ແຕ່ງຕັ້ງກໍາລັງວິຊາການລົງສົມທົບກັບ ປກສ ກຸ່ມບ້ານຫ້ວຍດໍາ ແລະ ກຸ່ມບ້ານບວມພຽງ ຂຶ້ນເປັນເປົ້າໝາຍຕິດ ຕາມ.
ຜ່ານການຕິດຕາມເປົ້າໝາຍ ຈຶ່ງສາມາດຈັບກຸມຜູ້ຖືກຫາໄດ້ 4 ຄົນ ຄື:
1. ທ້າວ ເກີຢາງ ອາຍຸ 30 ປີ ບ້ານນໍ້າແດງໃຕ້ ພ້ອມຂອງກາງຢາບ້າ 13 ເມັດ
2. ທ້າວ ຈາຍເປິງ ອາຍຸ 24 ປີ ພ້ອມຂອງກາງຢາບ້າ 83 ເມັດ
3. ທ້າວ ຫວາດ ອາຍຸ 22 ປີ ຂອງການຢາບ້າ 12 ເມັດ
4. ທ້າວ ວັນດີ ອາຍຸ 23 ປີ ພ້ອມຂອງກາງຢາບ້າ 12 ເມັດ.
ພວກກ່ຽວທັງ 3 ເປັນປະຊາຊົນ ຢູ່ບ້ານນໍ້າແງ້ນ ເມືອງຫຼວງນໍ້າທາ ແລະ ຜ່ານການສືບສວນ-ສອບສວນ ໃນເບື້ອງຕົ້ນ ພວກກ່ຽວສາລະພາບວ່າ: ຢ ຈໍານວນ 138 ເ ມັ ດ ແມ່ນຂອງພວກກ່ຽວແທ້ ໄດ້ຮພາກັນຊື້ມາໄວ້ເສບ ແລະ ຄ້າຂາຍຍ່ອຍກິນກໍາໄລໃຫ້ກັບຜູ້ຮ່ວມຂະບວນການດຽວກັນ.
ພັຕ ອຸດົມພອນ ໄຊຍະຈັກ ຍັງໃຫ້ຮູ້ຕື່ມອີກວ່າ: ປັດຈຸບັນ, ຜູ້ຖືກຫາທັງ 4 ຄົນ ທາງເຈົ້າໜ້າທີ່ໄດ້ກັກຕົວໄວ້ທີ່ຫ້ອງກັກຄັງຊົ່ວຄາວ ປກສ ເມືອງຫຼວງນໍ້າທາ ເພື່ອດໍາເນີນການສືບສວນຂະຫຍາຍພັກພວກກຸ່ມແກ້ງໄປດໍາເນີນຄະດີຕາມລະບຽບກົດໝາຍ.
.
ກົດລິ້ງນີ້ເພື່ອສັ່ງອາຫານ ແລະ ຮັບສ່ວນຫຼຸດທັນທີ
