ສຸນິສາ ລີ ນັກກິລາຢິມນາສຕິກ ເຜົ່າມົ້ງລາວ ສັນຊາດອາເມຣິກາ ຄົນທຳອິດ ໄດ້ເຂົ້າຮ່ວມງານມະຫາກຳກິລາໂອແລມປິກສາກົນ ໂດຍສະເພາະ ໂອແລມປິກເກມ 2020 ທີ່ເລື່ອນມາແຂ່ງຂັນໃນປີນີ້ ຢູ່ນະຄອນຫລວງໂຕກຽວ ປະເທດຍີ່ປຸ່ນ ແລະ ສາມາດພິຊິດ 1 ຫລຽນຄຳ 1 ຫລຽນເງິນ ຈາກລາຍການ All-around ລວມທຸກອຸປະກອນ ປະເພດຍິງດ່ຽວ ແລະ ລາຍການທີມຍິງ All-around. ຫລ້າສຸດໄດ້ອີກ 1 ຫລຽນທອງຈາກ ລາຍການ ຫ່າວຕ່າງລະດັບ (Uneven bars) ໄດ້ 14.500 ຄະແນນ, ຫລຽນຄຳເປັນຂອງ ນີນ້າ ດາວາວ ແຊ້ມໂລກຄັ້ງຫລ້າສຸດຈາກເບວຢ້ຽມ (ແບນຊິກ) ໄດ້ 15.200 ຄະແນນ, ຫລຽນເງິນ ຈາກຣັດເຊຍ ໄດ້ 14.833 ຄະແນນ. ສຸນິສາ ລີ ຍັງກຽມລຸ້ນຫລຽນ ປະເພດດ່ຽວ ລາຍການ ຄານຊົງຕົວ (Balance beam) ໃນວັນທີ 3 ສິງຫານີ້.
.
.
ສຳລັບ ສຸນິສາ ລີ ອາຍຸ 18 ປີ ເກີດຢູ່ ເຊົາເຊັນພໍລ, ລັດມິນເນໂຊຕ້າ ສະຫະລັດ ອາເມຣິກາ, ພໍ່ແມ່ເປັນເຜົ່າມົ້ງລາວ ອົບພະຍົກຈາກ ສປປ ລາວ ໄປຢູ່ອາເມຣິກາແຕ່ນ້ອຍ. ສຸນິສາ ລີ ຫັດແອບຢິມນາສຕິກມາແຕ່ນ້ອຍ ແລະ ກ້າວຕິດທີມຊາດອາເມຣິກາ ໃນປີ 2017 ເຖິງປະຈຸບັນ, ເຄີຍໄດ້ຫລຽນຄຳຊິງແຊ້ມໂລກປະເພດທີມ ໃນປີ 2019 ທີ່ສະຕຸດກາດ ປະເທດເຢຍລະມັນ ພ້ອມກັນດຽວນັ້ນ ກໍໄດ້ຫລຽນເງິນ ລາຍການ Floor Exercise ແລະ ຫລຽນທອງ ລາຍການ Uneven Bars.
Photo: Tokyo 2020, International Gymnastics Federation – FIG, Team USA,
U.S. Embassy Vientiane
