ວັນທີ 29 ກໍລະກົດ 2021 ທີ່ຫ້ອງການສະພາການຄ້າແຂວງຫຼວງນໍ້າທາ ໄດ້ຈັດກອງປະຊູມວີດີໂອທາງໄກ ປຶກສາຫາລືແລກປ່ຽນຄຳຄິດຄໍາເຫັນ ແລະ ທັດສະນະລະຫວ່າງ ຜູ້ປະກອບການ ລາວ-ໄທ ໃນຫົວຂໍ້ ທິດທາງທຸລະ ກິດຂົນສົ່ງໃນຮູບແບບການຄວບຄູມອຸນຫະພູມ(ລະບົບຫ້ອງເຢັນ) Cold Chain Logistics ແລະ ການສົ່ງເສີມມາດຕະ ຖານຂົນສົ່ງສີນຄ້າທາງບົກ ໃນເສັ້ນທາງ ອາ 3 ເອ ລະຫວ່າງ ລາວ-ໄທ. ມີທ່ານ ພີມແກ້ວ ທຳລະສີນ, ຫົວ ໜ້າພະແນກກະສິກຳ ແລະ ປ່າໄມ້ແຂວງຫຼວງນ້ຳທາ, ທ່ານ ບຸນສົງ ແກ້ວມະນີວົງປະທານສະພາການຄ້າ ແລະ ອຸດສາຫະກຳແຂວງ, ພ້ອມດ້ວຍພາກ ສ່ວນກ່ຽວຂ້ອງທັງສອງຝ່າຍເຂົ້າຮ່ວມ.
ກອງປະຊູມ ໄດ້ນໍາສະເໜີໂຄງການພັດທະນາເຄືອຂ່າຍອຸດສາຫະກໍາການຂົນສົ່ງ ການຜະລິດ ແລະ ການກະຈາຍສີນຄ້າໃນຮູບແບບການຄວບຄູມອຸນຫະພູມ (ລະບົບຫ້ອງເຢັນ), ການສົ່ງເສີມການຂົນສົ່ງທາງບົກໃຫ້ມີຄວາມປອດໄພ ແລະ ມີປະສິດທິພາບ, ທິດທາງທຸລະກິດການຂົນສົ່ງໃນຮູບແບບການຄວບຄູມອຸນຫະພູມ(ລະບົບຫ້ອງເຢັນ) ໃນເສັ້ນທາງການຄ້າຊາຍແດນລາວ-ໄທ, ພ້ອມນີ້ ໄດ້ປືກສາຫາລືກັນຢ່າງກົງໄປກົງມາເພື່ອຫາວິທີແກ້ໄຂບັນຫາຕ່າງໆໃນການຂົນສົ່ງສີນຄ້າທາງບົກ ໃຫ້ມີຄວາມປອດໄພ ແລະ ມີປະສິດທິພາບ ໂດຍມີວັດຖຸປະສົງເພື່ອພັດທະນາການຮ່ວມມື ລະ ຫວ່າງ ຜູ້ປະກອບການຂົນສົ່ງສີນຄ້າກະສິກຳ ແລະອາຫານດ້ວຍລົດບັນທຸກ ແລະ ຜູ້ມີສ່ວນໄດ້ເສຍທີເໝາະສົມ ແລະ ມີປະສິດທິພາບ.
ທັງໝົດນີ້ ເພື່ອແນ່ໃສ່ໃນການພັດທະນາປະສິດທິພາບ ການຂົນສົ່ງສີນ ຄ້າທາງບົກ ບົນເສັ້ນທາງເສດຖະກິດ ອາ 3 ເອ ພາຍໃຕ້ໂຄງການພັດທະນາເຄືອຂ່າຍອຸດສາຫະກຳການຂົນສົ່ງ,ການຜະລິດ ແລະ ການກະຈາຍສີນຄ້າ ໃນຮູບແບບການຄວບຄູມອຸນຫະພູມ (ລະບົບຫ້ອງເຢັນ)ເພື່ອສົ່ງເສີ່ມການຂົນສົ່ງທາງບົກໃຫ້ມີຄວາມປອດໄພ ແລະ ມີປະສິດທິພາບສູງກວ່າເກົ່າ.
.
ຂ່າວ: ອຸ້ມ ສົມນໍວັນ, ຂ່າວສານແຂວງຫລວງນໍ້າທາ
ກົດລິ້ງນີ້ເພື່ອສັ່ງອາຫານ ແລະ ຮັບສ່ວນຫຼຸດທັນທີ
