ເມື່ອບໍ່ດົນມານີ້, ພາກສ່ວນຫຼັງຄາຂອງຊານສະຖານີລົດໄຟຫຼວງພະບາງໄດ້ເລີ່ມທົດລອງເປີດໄຟຢ່າງແຈ້ງສະຫວ່າງ ເຊິ່ງແສງສີໃນຍາມກາງຄືນໄດ້ສາດຊ່ອງແຈ້ງສະຫວ່າງສະໄຫວ ແລະເປັນທີ່ສະດຸດຕາເປັນພິເສດ ຖືໄດ້ວ່າເມືອງຫຼວງພະບາງ ທີ່ເປັນເມືອງມໍລະດົກໂລກ ກໍາລັງຕ້ອນຮັບສະຖານີລົດໄຟທີ່ທັນສະໄຫມແຫ່ງທໍາອິດ.

ສະຖານີລົດໄຟຫຼວງພະບາງໄດ້ຮັບເຫມົາກໍ່ສ້າງໂດຍກຸ່ມບໍລິສັດກໍ່ສ້າງທາງລົດໄຟ ສປ ຈີນ ເຊິ່ງໄດ້ອອກແບບຕິດຕັ້ງເປັນ 2 ຊານສະຖານີ, 4 ສາຍທາງ ສາມາດຮອງຮັບຜູ້ໂດຍສານໄດ້ຫຼາຍເຖິງ 1200 ຄົນ ແລະໄດ້ນໍາໃຊ້ໂຄງສ້າງຊະນິດພິເສດທີ່ເປັນແບບລູກຄືນ ເຊິ່ງອອກແບບໃຫ້ສອດຄ່ອງກັບໂຄງສ້າງຫຼັກຂອງສະຖານີທີ່ມີຄວາມຫມາຍທີ່ວ່າ “ດິນແດນບໍລິສຸດຂອງເມືອງໂບຮານ”.

ສະຖານີແຫ່ງນີ້ກໍ່ຖືເປັນສະຖານີທີ່ມີຄວາມໂດດເດັ່ນທີ່ສຸດ, ສ່ວນພາກສ່ວນຫຼັງຄາຂອງຊານ ສະຖານີແຫ່ງນີ້ມີຄວາມຍາວຢູ່ທີ່ 900 ແມັດ, ກວ້າງ10.5ແມັດ, ວາງສາຍໄຟແລ້ວ 22000 ແມັດ, ຕິດຕັ້ງດອກໄຟ 456 ດອກ.

ຕາມຂໍ້ມູນຍັງໃຫ້ຮູ້ວ່າ: ໃນໄລຍະການລະບາດຂອງ ໂ ຄ ວິ ດເຖິງວ່າຈະພົບວິກິດການກໍ່ຕາມ ແຕ່ທາງໂຄງການກໍ່ໄດ້ໃຊ້ຄວາມພະຍາຍາມເອົາຊະນະຜົນກະທົບທາງດ້ານຕ່າງໆບໍ່ວ່າຈະເປັນດ້ານບຸກຄະລາກອນ, ດ້ານການຂົນສົ່ງ, ດ້ານການນໍາວັດສະດຸເຂົ້າສູ່ສະຫນາມ ແລະໄດ້ຈັດຕັ້ງປະຕິບັດໃຫ້ສໍາເລັດການປິດໂຄງສ້າງຫຼັກ ແລະສໍາເລັດພາກສ່ວນດ້ານຫຼັງຄາ. ປັດຈຸບັນນີ້ ສະຖານີລົດໄຟຫຼວງພະບາງກໍ່ໄດ້ກໍາລັງ ສືບຕໍ່ເນີນວຽກງານດ້ານການຕົບແຕ່ງ ແລະວຽກງານຕິດຕັ້ງອຸປະກອນໄຟຟ້າ ພ້ອມດຽວກັນນັ້ນ ກໍ່ໄດ້ເລັ່ງສຸມໃສ່ເປົ້າໝາຍໃນເດືອນກັນຍານີ້ ເພື່ອໃຫ້ປະກົດຮູບໂສມທັງຫມົດ.

ຂ່າວ: GUOCHUANLE)

ກົດລິ້ງນີ້ເພື່ອສັ່ງອາຫານ ແລະ ຮັບສ່ວນຫຼຸດທັນທີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here