ເນື່ອງຈາກວ່າ ຝົນຕົນລິນຕິດຕໍ່ກັນເປັນເວລາຫຼາຍວັນ ແຕ່ຄືນຂອງວັນທີ 18-21 ກໍລະກົດ 2021, ເຮັດໃຫ້ຫ້ວຍນໍ້າ ແລະ ແມ່ນໍ້າສາຍຕ່າງໆ ມີປະລິ ມານນ້ຳເພີ່ມສູງຂຶ້ນຢ່າງກະທັນຫັນ ເຮັດໃຫ້ພື້ນຖານໂຄ່ງລ່າງມີຄວາມເສຍຫາຍຫຼາຍພໍສົມຄວນ ໂດຍສະເພາະແມ່ນແມ່ນໍ້າມະ-ແມ່ນໍ້າລອງມີປະລິ ມານເພີ່ມສູງຂຶ້ນ ແລະ ໄຫຼເຂົ້າຖ້ວມເນື້ອທີ່ທໍາການຜະລິດເຂົ້ານາປີ, ສ່ວນອ້ອຍ ແລະ ຊົນລະປະທານເສຍຫຼາຍແຫ່ງ.

.

.

ນອກຈາກນີ້, ຍັງມີເຮືອນຂອງປະຊາຊົນ ຈໍານວນ 10 ຫຼັງຄາເຮືອນທີ່ຂື້ນກັບບ້ານສະ, ບ້ານໂພຄໍາ ແລະ ບ້ານຄົກຫີນ ໄດ້ຖືກນໍ້າຖ້ວມ.

.

ຕາມການລົງເກັບກໍາຂໍ້ມູນໃນເບື້ອງຕົ້ນຂອງພາກສ່ວນທີ່ກ່ຽວຂ້ອງຂອງເມືອງເຫັນວ່າ: ປັດຈຸ ບັນ, ເສັ້ນທາງເລກທີ 17B ໄດ້ຖືກນໍ້າເຊາະເຈື່ອນ ຈໍານວນ 5 ຈຸດ. ໃນນີ້, ຈຸດບ້ານສີວິໄລ ລົດບັນທຸກໜັກບໍ່ສາມາດແລ່ນຜ່ານໄດ້, ຊົນລະປະທານປະ ມານ 70 ແຫ່ງໄດ້ຮັບຄວາມເສຍຫາຍ, ເນື້ອທີ່ຜະລີດເຂົ້ານາປີປະມານ 30 ເຮັກຕາ ແລະ ສວນອ້ອຍຂອງປະຊາຊົນ ປະມານ 10 ເຮັກຕາ ໄດ້ຖືກນໍ້າຖ້ວມ ແລະ ເສາະເຈື່ອນ.

.

ຕໍ່ກັບບັນຫາໄພພິບັດໃນຄັ້ງນີ້, ທາງຄະນະນໍາຂັ້ນເມືອງ ກໍໄດ້ສົ່ງກອງກໍາລັງເຈົ້າໜ້າທີ່ປ້ອງກັນຊາດ ແລະ ພາກສ່ວນທີ່ກ່ຽວຂ້ອງລົງຊ່ວຍພໍ່-ແມ່ປະຊາ ຊົນ. ນອກຈາກນີ້, ບໍລີສັດ ຈຸງຫຽວ ທີ່ຮັບເໝົາການກໍ່ສ້າງເຂື່ອນໄຟຟ້ານໍາລອງ 2 ກໍໄດ້ຮັບຜົບກະທົບເຊັນດຽວກັນ. ໃນນີ້, ມີຈັກຂົບຫີນ 1 ຊຸດ, ລົດດາມ ຈໍານວນ 3 ຄັນ, ລົດຈົກ 2 ຄັນ, ລົດຕັກ 1 ຄັນ, ເຄື່ອງເຈາະຫີນ 6 ເຄື່ອງ, ຖັງເກັບນໍ້າມັນ 4.000 ລິດ, ພັດລົມດູອາກາດ 4 ເຄື່ອງ, ແຄ້ມພັກຂອງພະນັກງານ ແລະ ອຸປະກອນອີກຈໍານວນໜຶ່ງ ໄດ້ຖືກກະແສ່ນໍ້າພັດໄຫຼ ແລະ ຖ້ວມເຂດກໍ່ສ້າງເຂື່ອນໄຟຟ້ານໍ້າລອງ 2 ລວມມູນຄ່າຄວາມເສຍຫາຍ ປະມານ 500.000 ໂດລາສະຫະລັດ.

.

ສໍາລັບເນື້ອທີ່ທໍາການຜະລິດຂອງປະຊາຊົນ ທີ່ໄດ້ຮັບຜົນກະທົບ ແລະ ມູນຄ່າຄວາມເສຍຫາຍຕົວຈິງນັ້ນ ແມ່ນຍັງບໍ່ສາມາດປະເມີນໄດ້ ລາຍລະອຽດຜູ້ສື່ຂ່າວຂອງແຂວງຫຼວງນ້ຳທາ ຈະລາຍງານໃຫ້ຮັບຊາບຕາມພາຍຫຼັງ.

.

( ຂ່າວ: ບຸນສີ ໄຊຍະລາດ ນັກຂ່າວເມືອງລອງ, ແຂວງຫຼວງນໍ້າທາ 030 2844822

ກົດລິ້ງນີ້ເພື່ອສັ່ງອາຫານ ແລະ ຮັບສ່ວນຫຼຸດທັນທີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here