ໃນວັນທີ 9 ມີຖຸນາ 2021 ນີ້ ທ່ານ ພັອ ຄໍາແພນ ວິລື້ທໍາ ເຈົ້າເມືອງວຽງທອງ ໄດ້ລົງຊຸກຍູ້ຕິດຕາມເບີ່ງການສ້ອມແປງຄືນຊົນລະປະທານນໍ້າຊັ່ງຂອງປະຊາຊົນບັນດາເຜົ່າບ້ານທອງມີໄຊ, ເມືອງວຽງທອງ, ແຂວງບໍລິຄໍາໄຊ ທີ່ເປ່ເພໃນປີຜ່ານມາ.
.
.
ໃນການສ້ອມແປງຄັ້ງນີ້ແມ່ນສ້ອມແປງຄືນຫົວງານທີ່ຖືກເປ່ເພໃຊ້ການບໍ່ໄດ້ໃຫ້ກັບຄືນມາໃຊ້ໄດ້ເປັນປົກກະຕິ, ການສ້ອມແປງມີຄວາມຍາວ 10 ແມັດ, ກ້ວາງ 2 ແມັດ, ສູງ 2 ແມັດກ່ວາ, ການສ້ອມແປງແມ່ນເຮັດແບບລັກສະນະຝາຍກວຍຫີນຄື: ນໍາເອົາໄມ້ແກ່ນມາເຮັດເປັນເສົາຄໍ້າ, ເອົາຕາໜ່າງເຫຼັກມາສານເປັນກວຍແລ້ວເກັບຫີນມາຄັບໃສ່ເພື່ອຕັນໃຫ້ນໍ້າໄຫຼເຂົ້າຮັບໃຊ້ການຜະລິດນາປີ, ເມື່ອສ້ອມແປງສໍາເລັດແລ້ວຈະສາມາດນໍານໍ້າເຂົ້າຫົດເນື້ອທີ່ນາປີໄດ້ປະມານ 20 ກ່ວາເຮັກຕາ.
.
.
.
.
.
.
ການລົງມືສ້ອມແປງຄັ້ງນີ້ມີແຮງງານຈາກປະຊາຊົນບັນດາເຜົ່າບ້ານທອງມີໄຊ, ກອງຮ້ອຍທະຫານຊາຍແດນ 251, ພະນັກງານກອງກໍ່ສ້າງຮາກຖານ 921, ພະນັກງານບໍລິສັດພັດທະນາເຂດພູດອຍ, ບໍລິສັດແກ້ວອຸດອນ ເຂົ້າຮ່ວມ.
.
.
.
.
.
.
.
.
