26.1 C
Laos
Tuesday, October 26, 2021

ຊົມເຊີຍ! ປກສ ເມືອງສີສັດຕະນາກ ມອບລົດຈັກທີ່ຖືກລັກຄືນໃຫ້ເຈົ້າຂອງເດີມ

ຂ່າວເດັ່ນອາທິດນີ້

ໃນວັນທີ 4 ມິຖຸນາ 2021, ທີ່ກອງບັນຊາການ ປກສ ເມືອງສີສັດຕະນາກ ນວ ໄດ້ມອບລົດຈັກ ຮອນດ້າເວບ 100 ຄືນໃຫ້ເຈົ້າຂອງເດີມ ຈໍານວນ 1 ຄັນ. ກ່າວມອບໂດຍ ພັທ ສຸບັນໄຊ ບຸນມະວົງ ຮອງຫົວໜ້າພະແນກຕໍາຫຼວດ ປກສ ເມືອງສີສັດຕະນາກ ນວ ພ້ອມຄະນະ ມອບໃຫ້ ທ້າວ ສອນເພັດ ອາຍຸ 50 ປີ, ອາຊີບຄ້າຂາຍ ຢູ່ບ້ານນາໄຊ ເມືອງໄຊເສດຖາ ນວ ຜູ້ເປັນເຈົ້າຂອງ.

ພັທ ສຸບັນໄຊ ບຸນມະວົງ ໄດ້ໃຫ້ຮູ້ວ່າ: ລົດຈັກທີ່ນໍາມາມອບຄັ້ງນີ້ ແມ່ນໄດ້ມາຈາກ ການເປີດກວ້າງດໍາເນີນຄະດີ ກຸ່ມເເກ້ງລັກລົດ ທັງໝົດເກັບກູ້ມາໄດ້ 8 ຄັນ, ຜ່ານການດໍາເນີນຄະດີລະອຽດຈະແຈ້ງຮູ້ຜູ້ເປັນເຈົ້າຂອງລົດຈັກ ເຈົ້າໜ້າທີ່ຈຶ່ງໄດ້ມອບຄືນເພື່ອໄປຄຸ້ມຄອງນໍາໃຊ້, ແຕ່ເນື່ອງຈາກວ່າ ໄລຍະນີ້ມີການແຜ່ລະບາດພະຍາດໂຄວິດ ເປັນບໍລິເວນກວ້າງ, ເພື່ອຮັກສາບໍ່ໃຫ້ມີການຕິດເຊື້ອພະຍາດ, ເຈົ້າໜ້າທີ່ ກອງບັນຊາການ ປກສ ເມືອງສີສັດຕະນາກ ນວ ຈຶ່ງຈັດພິທີມອບລົດຈັກໃຫ້ເຈົ້າຂອງເທື່ອລະຄົນ ແລະ ຈະມອບໃຫ້ຄົບ 8 ຄັນພາຍໃນເວລາອັນຄວນ.

ເພື່ອເຮັດໃຫ້ບັນຫາການລັກຊັບຂອງພົນລະເມືອງຫຼຸດໜ້ອຍຖອຍລົງ. ກອງບັນຊາການ ປກສ ນວ ຮຽກຮ້ອງມາຍັງພໍ່ແມ່ປະຊາຊົນ, ເວົ້າສະເພາະ ຊາວນະຄອນຫຼວງວຽງຈັນ ຈົ່ງເອົາໃຈໃສ່ປົກປັກຮັກສາຄຸ້ມຄອງຊັບສິນຂອງຕົນ, ຕິດຕາມ ແລະ ສຶກສາອົບຮົມລູກຫຼານບໍ່ໃຫ້ໄປເຄື່ອນໄຫວກະທຳຜິດຕໍ່ລະບຽບດຳລົງຊີວິດຂອງສັງຄົມ, ພ້ອມກັນນັ້ນຂໍໃຫ້ປະຕິບັດພັນທະຂອງຕົນຊ່ວຍເຈົ້າໜ້າທີ່ ຖ້າພົບເຫັນການເຄື່ອນໄຫວທີ່ແຕະຕ້ອງກົດໝາຍ-ລະບຽບການນຳໄປສູ່ຄວາມບໍ່ສະຫງົບ ໃຫ້ຮີບຮ້ອນລາຍງານເຈົ້າໜ້າທີ່ ຫຼື ຊ່ອງທາງ ເບີວອດແອັບ 02028899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

- Advertisement -
- Advertisement -

ເລື່ອງລາວຫຼ້າສຸດມື້ນີ້