ມາໃນວັນທີ 11 ພຶດສະພາ 2021, ບໍລິສັດເຊື້ອໄຟເປໂຕລີເມັກລາວຈຳກັດ ຮ່ວມກັບເຈົ້າຂອງປໍ້ານໍ້າມັນຫຼັກ 10 ໄດ້ນຳເອົາເຄື່ອງຊ່ວຍເຫຼືອ ມາມອບໃຫ້ແກ່ກອງບັນຊາການທະຫານແຂວງສະຫວັນນະເຂດ, ເຄື່ອງທີ່ນຳມາມອບໃນຄັ້ງນີ້ລວມມີ: ເຂົ້າສານໜຽວ 1 ໂຕນ, ໄຂ່ໄກ່ 15 ແຕະ, ຜ້າອັດປາກ-ອັດດັງ 15 ກັບ, ນໍ້າດື່ມ 70 ແພັກ, ລວມມູນຄ່າ 8 ລ້ານກວ່າກີບ. ໃຫ້ກຽດມອບເຄື່ອງດັ່ງກ່າວນີ້ໂດຍ ທ່ານ ສິດ ວົງເດືອນ ຫົວໜ້າບໍລິສັດເຊື້ອໄຟ ເປໂຕລີເມັກລາວຈຳກັດ ແລະ ເຈ້ ແອັມ ເຈົ້າຂອງປໍ້ານໍ້າມັນຫຼັກ 10 ໃຫ້ກຽດມອບ.
ກ່າວຮັບເຄື່ອງຊ່ວຍເຫຼືອຈຳນວນນີ້ໂດຍ ທ່ານ ພັນເອກ ຄຳເພັດ ສຸລິຍະວົງ ຫົວໜ້າການທະຫານ ກອງບັນຊາການທະຫານແຂວງສະຫວັນນະຂດ ເຊິ່ງເຄື່ອງຊ່ວຍເຫຼືອຈຳນວນດັ່ງກ່າວນີ້ຈະນຳໄປມອບໃຫ້ອ້າຍທະຫານທີ່ປະຈຳການຢູ່ຕາມກົມກອງຕ່າງໆຕາມເຂດຊາຍແດນ
.
.
