ສປປ ລາວ ພົບຜູ້ຕິດເຊື້ອໂຄວິດ ລາຍໃໝ່ 1 ຄົນ ໃນວັນທີ 12.04.2021 ເປັນຄົນ ອົດສະຕຣາລີ ເພດຊາຍ ອາຍຸ 48 ປີ ເດີນທາງ ມາ ສປປ ລາວ (ເປັນກໍລະນີ ນໍາເຂົ້າ) ! ຜູ້ກ່ຽວ ແຂງແຮງດີ ບໍ່ມີອາການຫຍັງສະແດງອອກ ແລະ ຍັງບໍ່ທັນໄດ້ຮັບການສັກຢາ ກັນພະຍາດໂ ຄ ວິ ດ ເທື່ອ. ກ່ອນມາເຖິງ ສປປ ລາວ ໄດ້ກວດເຊື້ອ ຊອກຫາໂຄວິດ ໃນວັນທີ 08 ເມສາ 2021 ຢູ່ປະເທດ ອີລັກ, ຜົນກວດ ແມ່ນບໍ່ພົບເຊື້ອ.
ວັນທີ 9 ເມສາ 2021 ເດີນທາງຈາກສະໜາມບິນ Doha, ປະເທດອີຣັກ ຫາ ສະໜາມບິນ Kuala Lumpur, ປະເທດມາເລເຊຍ ແລະ ມາຮອດ ສປປ ລາວ ໃນວັນທີ 11 ເມສາ 2021, ພວກເຮົາໄດ້ເກັບຕົວຢ່າງກວດ, ຜົນກວດ ຢັ້ງຢືນ ພົບເຊື້ອ ໂ ຄ ວິ ດ.
ປະຈຸບັນ ຜູ້ກ່ຽວໄດ້ເຂົ້າແຍກປ່ຽວ, ປິ່ນປົວ ແລະ ຕິດຕາມອາການ ຢູ່ໂຮງໝໍ ມິດຕະພາບ.
ພວກເຮົາໄດ້ຕິດຕາມຜູ້ສຳຜັດໃກ້ຊິດທັງໝົດ 26 ຄົນ, ໄດ້ເກັບຕົວຢ່າງມາກວດວິເຄາະ ແລະ ຜົນກວດທັງໝົດ ແມ່ນບໍ່ພົບເຊື້ອ, ພ້ອມດຽວກັນ ພວກເຮົາຍັງໄດ້ສືບຕໍ່ເຝົ້າລະວັງ ແລະ ຈຳກັດບໍລິເວນຜູ້ສຳຜັດໃກ້ຊິດຈົບຄົບ 14 ວັນ.
ຖ້າທ່ານ ມີອາການສົງໃສ ຫຼື ຕ້ອງການລາຍງານ ການພົບເຫັນ ຜູ່ລັກລອບ ຂ້າມມາບໍ່ຖືກກົດໝາຍ ຫຼື ລົບໜີ ຈາກການກັກໂຕ ໃຫ້ໂທແຈ້ງຫາສາຍດ່ວນ 165, 166 ຕະຫຼອດ 24 ຊມ.
---------------
ຢ່າລືມກົດຕິດຕາມເພຈ All in LAOS
------------------------------
