ໃນວັນທີ 12 ເມສາ 2021 ນີ້, ຫ້ອງການເມືອງກອງບັນຊາການທະຫານແຂວງອຸດົມໄຊ ໄດ້ຈັດພິທີມອບເງິນນະໂຍບາຍອຸດໜູນ-ບຳນານໃຫ້ພະນັກງານທີ່ຮັບການປະຕິບັດນະໂຍບາຍພັກການເຂົ້າຮັບບໍານານ ແລະອຸດໜູນ ຈໍານວນ 3 ສະຫາຍ ລວມເປັນ ເງິນທັງໝົດ 219.000.000 ກີບ, ໂດຍການເຂົ້າຮ່ວມ ແລະມອບເງິນຂອງສະຫາຍ ພັນໂທ ພອນຄຳ ຫວ່າງສະຫງວນ ຫົວໜ້າພະແນກໂຄສະນາກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະບັນຊາກົມກອງ, ພະແນກການກ່ຽວຂ້ອງ ແລະພະນັກງານຮັບບຳນານ-ອຸດໜູນເຂົ້າຮວ່ມ.

May be an image of 9 people and people standing

ເພື່ອເປັນການປະຕິບັດຕາມກົດໝາຍປະກັນສັງຄົມ ສະບັບເລກທີ 54/ສພຊ ລົງວັນທີ 27.6.2018 ແລະກົດໝາຍວ່າດ້ວຍນາຍທະຫານກອງທັບປະຊາຊົນລາວ ສະບັບເລກທີ 43/ສພຊ ລົງວັນທີ 14.6.2018. ໝວດ 1 ມາດຕາ 33 ແລະ 34 ວ່າດ້ວຍ ການອະນຸມັດໃຫ້ນາຍທະຫານພັກການຮັບບຳນານ, ທັງເປັນການປະຕິບັດນະໂຍບາຍລວມຂອງພັກ-ລັດທີ່ມີຕໍ່ນາຍ ແລະພົນທະຫານຖັນແຖວກອງທັບປະຊາຊົນລາວທີ່ໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດ, ກໍ່ຄືກົມກອງຕາມໜ້າທີ່ວຽກງານທີ່ໄດ້ຮັບມອບໝາຍຕະຫຼອດໄລຍະຜ່ານມາ ແລະມອບເງິນອຸດໜູນໃຫ້ເພື່ອຕອບບຸນແທນຄຸນທີ່ແຕ່ລະສະຫາຍໄດ້ເສຍສະຫຼະແຮງກາຍສະຕິປັນຍາໂຕເອງ ເພື່ອພາລະກິດລວມຂອງຊາດກໍ່ຄືປະກອບສ່ວນເຂົ້າໃນການປັບປຸງກໍ່ສ້າງກົມກອງໃນໄລຍະຜ່ານມາ, ເງິນຈໍານວນດັ່ງກ່າວມອບໃຫ້ເພື່ອເປັນທຶນໃນການປັງປຸງພັດທະນາຊີວິດການເປັນຢູ່ໃນຄອບຄົວໃຫ້ດີຂຶ້ນເປັນກ້າວໆ.

ຂ່າວ-ພາບ: ທະນູວັນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here