ເນື່ອງໃນໂອກາດກຽມຂ່ຳນັບຮັບຕ້ອນວັນສຳຄັນຕ່າງໆ ຂອງຊາດ-ຂອງກອງທັບ, ໃນວັນທີ 7ເມສາ 2021 ນີ້, ອົງການຈັດຕັ້ງຊາວໜຸ່ມ-ແມ່ຍິງ ກອງພົນທະຫານຮາບທີ 4 ໄດ້ຈັດຕັ້ງສ້າງຂະບວນການອອກແຮງງານລວມ ຢູ່ທີ່ອ້ອມຂ້າງຕຶກຫ້ອງການຫຼັງໃໝ່ ໂດຍການ ນຳພາຂອງ ສະຫາຍ ພັນໂທ ກິທອງ ຈັນທະລັງສີ ຮອງຫົວໜ້າພະແນກຊາວໜຸ່ມກອງພົນທະຫານຮາບທີ 4, ມີຄະນະບໍລິຫານງານຊາວໜຸ່ມ-ແມ່ຍິງແຕ່ລະກົມກອງ, ພ້ອມດ້ວຍຊາວໜຸ່ມ – ແມ່ຍິງອ້ອມຂ້າງກອງພົນທີ 4 ເຂົ້າຮ່ວມຢ່າງເປັນຂະບວນຟົດຟື້ນ.
.
ສະຫາຍ ພັທ ກິທອງ ຈັນທະລັງສີ ຮອງຫົວໜ້າພະແນກຊາວໜຸ່ມ ກອງພົນທະຫານຮາບທີ 4ໃຫ້ຮູ້ວ່າ: ການສ້າງຂະບວນການອອກແຮງງານອານາໄມລວມຄັ້ງນີ້: ມີຊາວໜຸ່ມເຂົ້າຮ່ວມທັງໝົດ 360 ສະຫາຍ, ຍິງ 37 ສະຫາຍ ໄດ້ອະນາໄມຂອບເຂດອ້ອມຂ້າງຕຶກຫ້ອງການຫຼັງໃໝ່, ແລະ ຂອບເຂດຖະໜົນຫົນທາງ ໃນນັ້ນໄດ້ຖາງປ່າໄມ້ໃຫຍ່ນ້ອຍອ້ອມຂ້າງ, ເກັບຂີ້ເຫຍື່ອ, ຕັດຫຍ້າ ເພື່ອຄວາມສະອາດຈົບງາມເວົ້າລວມ ເວົ້າສະເພາະ ເພື່ອສ້າງຂະບວນການ ສ້າງຜົນງານຂ່ຳນັບຮັບຕ້ອນ ວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ເວົ້າລວມ, ເວົ້າສະເພາະແມ່ນຂ່ຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ (5 ເມສາ 1961-5 ເມສາ 2021) ແລະ ວັນສ້າງຕັ້ງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຄົບຮອບ 66 ປີ (14 ເມສາ 1955 – 14 ເມສາ 2021)ໃຫ້ເປັນຂະບວນການຟົດຟື້ນມ່ວນຊື່ນຢ່າງຕໍ່ເນື່ອງ ເພື່ອຮັບຕ້ອນໃຫ້ແກ່ວັນ ສຳຄັນດັ່ງກ່າວ ໃຫ້ເຕັມໄປດ້ວຍເນື້ອໃນຄວາມໝາຍຢ່າງເລິກເຊິ່ງ.
.
.
ຂ່າວໂດຍ: ບົວຄຳ ທອງລັດສະໝີ (ນັກຂ່າວກອງພົນທີ 4)
ພາບໂດຍ: ສຸລິວັນ ແສນບຸດຕະລາດ (ນັກຂ່າວກອງພົນທີ 4)
