ແຂວງເຊກອງ ໄດ້ຈັດກອງປະຊຸມສະຫຼຸບວຽກງານກວດກາປະຈຳປີ 2020, ປະຈໍາ 5 ປີ ໃນວັນທີ 6-7 ເມສານີ້ ທີ່ແຂວງເຊກອງ ໂດຍການໃຫ້ກຽດເປັນປະທານຮ່ວມຂອງສະຫາຍ ນາງ ຈັນຫອມ ມະ ຫາໄຊ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ; ສະຫາຍ ສີໃນ ມຽງລາວັນ ຮອງເລຂາ ຄະນະພັກ ຮອງປະທານຄະນະກວດກາສນກາງພັກ ຮອງປະທານອົງການກວດກາແຫ່ງລັດ, ມີພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ອ່ອນ ມະນີຈັນ ຮອງປະທານກວດກາພັກ-ລັດແຂວງ ໃຫ້ຮູ້ວ່າ: ໃນໄລຍະ 5 ປີຜ່ານ ມາແມ່ນໄດ້ຕິດຕາມ, ຊຸກຍູ້ການປະຕິບັດໂຄງການລົງທຶນຂອງລັດຕາມຫາງສຽງ-ຕາມການສະເໜີລາຍ ງານຈຳນວນໜຶ່ງ, ໄດ້ດຳເນີນການກວດກາການຟື້ນຟູໄພພິບັດທົ່ວແຂວງເຊກອງ 12 ໂຄງການ, ກວດ ກາໂຄງການລົງທຶນຂອງລັດເລີ່ມແຕ່ຫົວທີ 12 ໂຄງການ ລວມມູນຄ່າ 70.265.320.000 ກີບ, ດຳເນີນການກວດກາໂຄງການລົງທຶນຂອງລັດທີ່ມີມູນຄ່າ 10 ຕື້ຂຶ້ນໄປ ຮ່ວມກັບຄະນະສະເພາະກິດຂັ້ນ ສູນກາງ 7 ໂຄງການ, ດໍາເນີນການກວດກາໂຄງການລົງທຶນຂອງລັດທີ່ມີມູນຄ່າ 10 ຕື້ລົງມາ 15 ໂຄງ ການ, ດໍາເນີນການກວດກາກ່ຽວກັບບັນຫາການລັກລອບຕັດໄມ້ເຂດຊາຍແດນລາວ-ຫວຽດນາມ ທີ່ເມືອງ ກະລຶມ ແລະ ເມືອງດາກຈຶງ ສາມາດຢຶດໄມ້ທີ່ລັກລອບເຄື່ອນຍ້າຍຜິດກົດໝາຍປະເພດໄມ້ທ່ອນ ຈໍານວນ 3.835 ທ່ອນ, ບໍລິມາດ 7.728,83 ແມັດກ້ອນ ແລະ ປະເພດໄມ້ຕັບ 267 ຕັບ, ຢຶດພາຫະນະໄດ້ 15 ຄັນ, ປັບໄໝ 555.325.000 ກີບ; ນອກນີ້ຍັງໄດ້ສົມທົບກັບຂະແໜງການທີ່ກ່ຽວຂ້ອງ ດຳເນີນ ການກວດກາ ແລະ ສືບສວນ-ສອບສວນ ພະນັກງານທີ່ມີພຶດຕິກຳສໍ້ລາດບັງຫຼວງຢູ່ລັດວິສາ ຫະກິດໄປສະນີລາວ ສາຂາແຂວງເຊກອງ ຈຳນວນ 2 ຄົນ ພົບເຫັນມູນຄ່າເສຍຫາຍ 937 ລ້ານກວ່າ ກີບ ປັດຈຸບັນສໍານວນຄະດີດັ່ງກ່າວຢູ່ໃນຂັ້ນຕອນການຄົ້ນຄວ້າ, ພິຈາລະນາຢູ່ຂັ້ນສານປະຊາຊົນສູງສຸດ.
ສະຫາຍ ນາງ ຈັນຫອມ ມະຫາໄຊ ເນັ້ນໃຫ້ເພີ່ມຄວາມເຂັ້ມງວດໃນການຕິດຕາມ, ກວດກາ ດ້ວຍຄວາມຮັບຜິດຊອບຂອງສະຫາຍເລຂາຄະນະພັກແຕ່ລະຂັ້ນຢ່າງໃກ້ຊິດ ຊີ້ນໍາຊຸກຍູ້ການຜັນຂະຫຍາຍ ມະຕິກອງປະຊຸມໃຫຍ່ຂອງພັກສະໄໝທີ XI, ມະຕິ X ຂອງອົງຄະນະພັກແຂວງ ແລະ ມະຕິກອງ ປະຊຸມໃຫຍ່ຂອງບັນດາຮາກຖານພັກຂັ້ນຕົນ.
ເພີ່ມຄວາມເຂັ້ມງວດໃນການຕິດຕາມ, ກວດກາການປະຕິບັດພາລະບົດບາດ, ໜ້າທີ່ຂອງບັນດາ ຂະແໜງການ, ອົງການຢ່າງແທດເຖິງ, ເປັນປົກກະຕິ ເພື່ອໃຫ້ຂະແໜງການເຫຼົ່ານັ້ນຍົກສູງຄວາມ ຮັບຜິດຊອບຄວາມເປັນເຈົ້າການໃນການປະຕິບັດໜ້າທີ່ຂອງຕົນຢ່າງເຕັມສ່ວນ, ມີກົນໄກການປະສານ ງານລະຫວ່າງຂະແໜງການດ້ວຍກັນຢ່າງກົມກຽວເປັນລະບົບ.
ຂ່າວ: ຄະນະກວດກາສູນກາງພັກ
