ໃນວັນທີ 27 ມີນາ 2021, ທ່ານ ສີສະຫວັດ ເກີດກອງ, ຮອງຜູ້ອໍານວຍການ, ໃນນາມຫົວໜ້າຄະນະລະດົມທຶນເຄື່ອງຊ່ວຍເຫຼືອຜູ້ທຸກຍາກ, ກອງທຶນຫຼຸດຜ່ອນຄວາມທຸກຍາກ, ກະຊວງກະສິກໍາ ແລະ ປ່າໄມ້ພ້ອມດ້ວຍຄະນະ ມອບເຄື່ອງນຸ່ງຫົ່ມ ແລະ ອຸປະກອນການຮຽນ ຈໍານວນໜຶ່ງໃຫ້ ອົງການປົກຄອງທ້ອງຖິ່ນເມືອງຂວາແຂວງຜົ້ງສາລີ ເພື່ອສົ່ງຕໍ່ໄປຊ່ວຍເຫຼືອຜູ້ທຸກຍາກ ໃນເຂດຊົນນະບົດ ຈໍານວນ 5 ເປົາໃຫຍ່, ຄິດເປັນມູນຄ່າ 2.800.000 ກີບ.
ເພື່ອຊ່ວຍບັນເທົາທຸກໄພໝາວຂອງພໍ່ແມ່ປະຊາຊົນບັນດາເຜົ່າ ຢູ່ເຂດຊົນນະບົດຫ່າງໄກສອກຫຼີກ ທີ່ກໍາລັງປະເຊີນໜ້າ ກັບອາກາດໜາວຢູ່ໃນປະຈຸບັນ, ໂດຍສະເພາະແມ່ນເຂດທຸກຍາກຫ່າງໄກສອກຫຼີກໃນພື້ນທີ່ເປົ້າໝາຍຂອງ ກອງທຶນຫຼຸດຜ່ອນຄວາມຍາກ (ທລຍ).
