ໃນຕອນເຊົ້າວັນທີ 19 ມີນາ 2021 ນີ້ເມືອງໄຊຍະບູລີໄດ້ເປີດຂະບວນການອະນາໄມເພື່ອປ້ອງກັນພະຍາດໄຂ້ຍຸງລາຍປະຈຳປີ 2021 ຂື້ນ. ເຊີ່ງນຳພາໂດຍທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ, ມີຫົວໜ້າ, ຮອງຫົວໜ້າຫ້ອງການຂອງເມືອງ, ພະນັກງານວິຊາການຈາກພະແນກການຂອງແຂວງ, ຫ້ອງການການຂອງເມືອງພ້ອມດ້ວຍອົງການປົກຄອງບ້ານເຂົ້າຮ່ວມ.
ໃນພິທີທ່ານ ບຸນແທນ ທີແກ້ວ ເຈົ້າເມືອງໄຊຍະບູລີໄດ້ກ່າວເປີດພິທີເປີດຂະບວນການອະນາໄມເພື່ອປ້ອງກັນພະຍາດໄຂ້ຍຸງລາຍປະຈຳປີ 2021 ເຊີ່ງທ່ານໄດ້ໃຫ້ຮູ້ວ່າ: ພະຍາດໄຂ້ຍຸງລາຍເປັນພະຍາດໜື່ງທີ່ເຄີຍເກີດຂື້ນ ແລະ ລະບາດຢູ່ແຂວງໄຊຍະບູລີ ກໍ່ຄືເມືອງໄຊຍະບູລີເກືອບທຸກໆປີ ກໍລະນີທີ່ເກີດໄຂ້ຍຸງລາຍຫຼາຍກວ່າໝູ່ແມ່ນປີ 2013 ແລະ ປີ 2019; ປີ 2013 ມີຜູ້ເປັນພະຍາດໄຂ້ຍຸງລາຍ 259 ກໍລະນີແຕ່ບໍ່ມີກໍລະນີເ ສ ຍ ຊີ ວິ ດ, ປີ 2019 ມີກໍລະນີໄຂ້ຍຸງລາຍເກີດຂື້ນ 499 ກໍລະນີ, ມີ ຜູ້ ເ ສ ຍ ຊີ ວິ ດ 2 ຄົນ ໃນຈຳນວນ 58 ບ້ານ; ບ້ານທີ່ມີຄົນເຈັບໄຂ້ຍຸງລາຍຫຼາຍກວ່າໝູ່ແມ່ນບ້ານປາງຄອມ ມີ 60 ກໍລະນີ ແຕ່ບໍ່ມີຜູ້ເສຍຊິວິດ, ສຳລັບປີ 2020 ຜ່ານມີກໍລະນີໄຂ້ຍຸງລາຍເກີດຂື້ນ 147 ກໍລະນີ, ບໍ່ມີຜູ້ເສຍຊິວິດ ໃນຈຳນວນ 31 ບ້ານ, ນັບຕັ້ງແຕ່ເດືອນມັງກອນ 2021 ເປັນຕົ້ນມາທົ່ວແຂວງໄຊຍະບູລີ ກໍ່ຄືເມືອງໄຊຍະບູລີ ຍັງບໍ່ມີຜູ້ຕິດເຊື້ອໄຂ້ຍຸງລາຍເທື່ອ.
ເພື່ອເຮັດໃຫ້ການຕ້ານ ແລະ ຄວບຄຸມພະຍາດໄຂ້ຍຸງລາຍປີ 2021 ໄດ້ຮັບຜົນດີບໍ່ມີຜູ້ເຈັບຍ້ອນພະຍາດດັ່ງກ່າວ. ທ່ານເຈົ້າເມືອງໄຊຍະບູລີໄດ້ຮຽກຮ້ອງມາຍັງພະແນກການທີ່ກ່ຽວຂ້ອງ, ສຳນັກງານ, ອົງການ, ໂຮງຮຽນ, ໂຮງຫມໍ, ບໍລິສັດຕະຫຼອດຮອດອົງການປົກຄອງບ້ານ ຫົວໜ່ວຍຄອບຄົວຕ້ອງໄດ້ເອົາໃຈໃສ່ປ້ອງກັນພະຍາດໄຂ້ຍຸງລາຍດ້ວຍການປະຕິບັດ 5 ປໍຄື: 1 ປິດຝາພາສະນາຢູ່ໃນເຮືອນ ແລະ ນອກເຮືອນເພື່ອບໍ່ໃຫ້ຍຸງລາຍມາໄຂ່ໃສ່, 2 ປ່ຽນນໍ້າເຊັດພາສະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖານໂຕ່ງນ້ຳທາງຫຼັງຕູ້ເຢັນ, 3 ປ່ອຍປາຫາງນົກຍຸງເພື່ອກີນໜອນນ້ຳ, 4 ປັບປຸງສຸຂະອານະໄມບໍ່ໃຫ້ມີນ້ຳຄ້າງຂັງກະໂປະ, ກະປອງ, ຮາງລີນ, ຮາງຕີນລົດເກົ່າ, ໃນແຕ່ລະຄອບຄົວໃຫ້ມີການກວດກາ ແລະ ຈຳກັດແຫຼ່ງເພາະທັນຂອງຍຸງລາຍອາທິດ 1 ລະຄັ້ງໃນຂອບເຂດທີ່ຢູ່ອາໄສຂອງຕົນ, 5 ປະຕິບັດເປັນປະຈຳທຸກໆອາທິດຖ້າເປັນໄຂ້ໃຫ້ໄປປີ່ນປົວຢູ່ໂຮງໝໍໃກ້ບ້ານທ່ານ ທັງນີ້ກໍ່ເພື່ອບໍ່ໃຫ້ມີໄຂ້ຍຸງລາຍ, ບໍ່ມີຜູ້ເປັນໄຂ້ຍຸງລາຍຢູ່ພາຍໃນເມືອງໄຊຍະບູລີ, ຈາກນັ້ນໃນພິທີທ່ານເຈົ້າເມືອງໄຊຍະບູລີ ແລະ ຜູ້ເຂົ້າຮ່ວມກໍ່ເຂົ້າຮ່ວມອະນາໄມຕາມແຄມເສັ້ນທາງໃນເມືອງ ແລະ ຂອບເຂດບ້ານຂອງຕົນຮັບຜິດຊອບຕື່ມອີກ.
ຂ່າວພາບ: ສົມພົງ ສີສະຫັວດ.
