ແກ່ຢ່າງມີຄຸນະພາບ ຊະລາຢ່າງມີຄວາມສຸກ

1 ຢ່າລືມເອົາຈິດໄປພັກຜ່ອນ

ຫຼາຍຄົນເມື່ອບຳນານແລ້ວ ມັກໃຊ້ເວລາຫາຄວາມສຸກທາງກາຍ ພາກາຍໄປທ່ຽວ ໄປພັກຜ່ອນສູດອາກາດ ໄປກິນອາຫານດີໆ ແຕ່ກັບເບິ່ງຂ້າມບໍ່ຄິດເອົາຈິດໄປພັກຜ່ອນ ທັ້ງທີ່ ຮ່າງກາຍກັບຈິດນັ້ນ ສຳພັນ ແລະ ມີອິດທິພົນຕໍ່ກັນ ຖ້າເຮົາມີໂອກາດໄດ້ມີໄລຍະເວລາໃນການຜັກຜ່ອນດົນໆ ຄວນຖືໂອກາດເອົາຈິດໄປຜັກຜ່ອນດ້ວຍການບວດ ກໍຈະເຮັດໃຫ້ຈິດເຮົາສະຫງົບ ຜ່ອນຄາຍ ໄປພ້ອມຮ່າງກາຍກໍໄດ້ພັກຜ່ອນບໍວຸ້ນວາຍໃນທາງໂລກ ກໍເຮັດໃຫ້ເຮົາມີຄວາມສຸກໄດ້.

2 ໃຊ້ຊິວິດຢ່າງມີສະຕິ

ເຊັ່ນ: ມີສະຕິໃນການກິນ ແທນທີ່ຈະກິນຕາມໃຈປາກ ສະໜອງຄວາມຢາກຂອງຕົວເອງ ແລ້ວຕ້ອງມາໃຫ້ແພດໝໍຈ່າຍຢາລົດໄຂມັນ ລົດນ້ຳຕານ ເປັນຫຍັງເຮົາບໍ່ລອງປ່ຽນມາລົດ ປາກ ຂອງຕົນເອງ ດ້ວຍການໃຊ້ສະຕິພິຈາລະນາຢ່າງມີເຫດຜົນທຸກຄັ້ງກ່ອນຈະກິນ.

3 ເຝິກການໃຫ້ໂດຍຫັວງຜົນຕອບແທນ

ບຳນານແລ້ວຢ່າເອົາແຕ່ຢູ່ບ້ານລ້າໆ ແຕ່ໃຫ້ພະຍາຍາມຫາເລື່ອງຊ່ວຍຄົນອື່ນ ເທົ່າທີ່ຮ່າງກາຍຂອງເຮົາຈະເຮັດໄດ້ ຮັກສາຮ່າງກາຍໃຫ້ແຂງແຮງ ເພຶ່ອເຮັດປະໂຫຍດໃຫ້ແກ່ຜູ້ອື່ນໂດຍບໍ່ຫວັງສິ່ງຕອບແທນ ໃຫ້ຫຍັງກໍໄດ້ ບໍ່ຈຳເປັນຕ້ອງເປັນ ເງິນທອງ ຫຼື ສິ່ງຂອງເທົ່ານັ້ນ ໃຫ້ຄວາມຮູ້, ໃຫ້ຄຳແນະນຳ, ໃຫ້ຮອຍຍິ້ມທີ່ເປັນມິດ ໃຫ້ແລ້ວສະບາຍໃຈ ນັ້ນຄືຄວາມສຸກທີ່ແທ້ຈິງ.

4 ເຝິກລະນຶກເຖິງ ການມໍລະນະ

ທຸກຄົນລ້ວຍແຕ່ຕ້ອງຕາຍ ບໍ່ວ່າໃຜກໍຕາມຕ້ອງພົບກັບຄວາມຕາຍເທົ່າທຽມກັນໝົດທຸກຄົນ ເມື່ອເບິ່ງເຫັນຄວາມຍຕາຍເປັນເລື່ອງທຳມະດາ ຈະເຮັດໃຫ້ເຮົານິ່ງກັບຄວາມຕາຍຫຼາຍຂຶ້ນ.

5 ຢູ່ຢ່າງສະຫງ່າ ຕາຍຢ່າງສະຫງົບ

ຕອນມີຊີວິດຢູ່ ຕ້ອງມີຄວາມສະຫງ່າງາມໃນຕົວເອງ ທຸກຢ່າງຕ້ອງຊ່ວຍເຫຼືອຕົວເອງໄດ້ ໃຜເຫັນກໍໃຫ້ຄວາມເຄົາລົບນັບຖື ແລະ ເມື່ອເຖິງເວລາຕາຍ ກໍຕາຍຢ່າງສະຫງົບ ບໍ່ຕ້ອງຍ້ານຄວາມຕາຍ ຈະຍິ່ງໃຫຍ່ເທົ່າໃດ ເມື່ອຕາຍແລ້ວ ກຽດຕິຍົດ ເງິນທອງທີ່ສະສົມໄວ້ເທົ່າໃດກໍຕອງສົ່ງຄືນໝົດ ສິ່ງດຽວທີ່ເຫຼືອໄວ້ຄືຄວາມເປັນຕົວຕົນຂອງເຮົາ ຖ້າປະກອບກັບຄຸນງາມຄວາມດີໄວ້ ຄົນກໍຍັງລະນຶກເຖິງ ແຕ່ຖ້າປະກອບຄວາມຊົ່ວໄວ້ຫຼາຍ ຄົນກໍຍັງປ້ອຍດ່າຈົນເຖິງລູກຫຼານ.

6 ລ່າເລິງ ລື່ນເລິງ ຄຶກຄື້ນ

ເພາະຈິດເປັນເລື່ອງສຳຄັນ ຕ້ອງມີອາລົມຫົວຕະຫຼອດເວລາ ເບິ່ງເຫັນທຸກຢ່າງເປັນເລື່ອງມ່ວນຊື່ນ ຈຶ່ງສາມາດເຮັດວຽກໄດ້ສຳເລັດຢ່າງໄວ ແລະ ມີປະສິດທິພາບ ເມື່ອເຮົາມີຄວາມລ່າເລີງ ຍິ້ມແຍ້ມແຈ່ມໃສ ບັນຍາກາດຮອບຕົວ ຄົນອ້ອມຂ້າງທີ່ຢູ່ກັບເຮົາກໍມີຄວາມສຸກບໍ່ຄຽດ.

7 ບໍ່ໃຈຮ້າຍ

ທຸກຄັ້ງທີ່ໃຈຮ້າຍ ມັກຈະເກີດຄວາມເສຍຫາຍ ຫາກຄຸມອາລົມບໍ່ຢູ່ໃນທຸກເລື່ອງຍາມໃດກໍຕາມທີ່ມີເລື່ອງມາກະທົບໃຈ ແຕ່ລອງຄິດປ່ຽນອາລົມ ເບິ່ງໃຫ້ເຫັນເປັນເລື່ອງມ່ວນຊື່ນ ຫຼືວ່າເປັນເລື່ອງທົດສອບຈິດໃຈເທົ່ານີ້ທຸກຢ່າງກໍຈົບດ້ວຍດີ.

8 ດຳເນີນຊີວິດຢູ່ໃນຄວາມດີ ແລະຖືກຕ້ອງສະເໝີ

ໂດຍຢຶດຫຼັກທຳມະທີ່ຕ້ອງມີທັງສອງຢ່າງຄື ທັງຄວາມດີ ແລະ ຄວາມຖືກຕ້ອງ ເພາະບາງຢ່າງ ຖ້າດີ ແຕ່ບໍ່ຖືກຕ້ອງ ບາງຢ່າງຖືກຕ້ອງແຕ່ບໍ່ດີ ການກະທຳຂອງເຮົາຈະຕ້ອງຖືກກວດສອບຢູ່ຕະຫຼອດເວລາ ຈະເປັນທຳຫຼືບໍ່ ນັ້ນຄື ດີ ແລະ ຖືກຕ້ອງຫຼືບໍ່ດ້ວຍສະເໝີ.

9 ຮັກສາກາຍ ແລະ ຈິດໃຈໃຫ້ດີ

ຜູ້ສູງອາຍຸຕ້ອງຮັກສາກາຍ ແລະ ຈິດໃຈໃຫ້ດີ ເພາະເງິນທອງຈຳນວນຫຼາຍບໍ່ມີປະໂຫຍດ ຂໍໃຫ້ແຕ່ພໍພຽງຕໍ່ຊີວິດຄວາມເປັນຢູ່ແຕ່ລະວັນກໍພໍ ທີ່ເຫຼືອເປັນສ່ວນເກີນທີ່ເຮົາບໍ່ໄດ້ໃຊ້ ເລື່ອງຈິດມີຄວາມສຳຄັນ ຈິດຕ້ອງປອດໂປ່ງ ຢ່າໄປຂຸ້ນມົວໂດຍທີ່ໄຮ້ປະໂຫຍດ ໃຫ້ຄິດໄວ້ວ່າ ເວລາຢູ່ໃນໂລກນີ້ເຫຼືອສັ້ນແລ້ວ ດັ່ງນັ້ນຢ່າເສຍເວລາເປັນທຸກແຕ່ໃຫ້ Enjoy last minute (ມີຄວາມສຸກນາທີສຸດທ້າຍ).