22.1 C
Laos
Thursday, October 28, 2021

ເຈົ້າໜ້າທີ່ຄາດວ່າມີຜູ້ຮ່ວມຂະບວນການ 3 ຄົນໃນການປຸ້ນເອົາຄໍາສອງຜົວເມຍຢູ່ ເມືອງທ່າແຂກ

ຂ່າວເດັ່ນອາທິດນີ້

ໜັງສືພີມວຽງຈັນທາຍ: ກອງບັນຊາການປ້ອງກັນຄວາມສະຫງົບ ແຂວງ ຄຳມ່ວນ ແຈ້ງໃຫ້ຮູ້ວ່າ: ຈາກກໍລະນີທີ່ມີຄົນຮ້າຍໃຊ້ປືນສັ້ນຍິງສອງຜົວເມຍເຈົ້າຂອງຮ້ານຂາຍຄໍາເສຍຊີວິດເພື່ອປຸ້ນເອົາຄໍາຊຶ່ງເຫດເກີດເມື່ອວັນ 20 ກຸມພາ 2021ຜ່ານມາທີ່ຕະຫຼາດຫຼັກ 2 ເມືອງທ່າແຂກ ແຂວງຄໍາມ່ວນນັ້ນ, ຮອດປັດຈຸບັນນີ້ຍັງບໍ່ສາມາດຈັບຕົວຄົນຮ້າຍໄດ້ເທື່ອພົບເຫັນພຽງແຕ່ລົດຈັກ, ປື ນ ສັ້ນທີ່ໃຊ້ໃນການກໍ່ເຫດ, ກະເປົາໃສ່ຄໍາ ແລະ ເຄື່ອງນຸ່ງຜູ້ກໍ່ເຫດທີ່ຖີ້ມໄວ້ຢູ່ໃນປ່າເຂດເມືອງທ່າແຂກ ແລະ ຄາດວ່າມີ 3 ຄົນທີ່ຮ່ວມຂະບວນການ ໃນການກໍ່ເຫດຄັ້ງນີ້.

May be an image of outdoors

.

May be an image of motorcycle

.

May be an image of scooter, motorcycle and outdoors

.

May be an image of outdoors

ທ່ານ ພົນໂທ ສຸວອນພົນ ສີສົມບູນ ຫົວໜ້າຫ້ອງການກອງບັນຊາການປ້ອງກັນຄວາມສະຫງົບ ແຂວງ ຄຳມ່ວນໄດ້ກ່າວຕໍ່ທີມງານວຽງຈັນທາຍກ່ຽວກັບການປຸ້ນເອົາຄໍາດັ່ງກ່າວເມື່ອວັນທີ 22 ກຸມພາ 2021 ທີ່ຜ່ານມາວ່າ: ສອງຜົວເມຍທີ່ເສຍຊີວິດເປັນເຈົ້າຂອງຮ້ານຂາຍຄໍາຢູ່ຕະຫຼາດຫຼັກ 2 ຖືກຍິງໃນເວລາປະມານ17 ໂມງຂອງວັນເສົາໃນຂະນະທີ່ຖືກະເປົາໃສ່ຄໍາຈະກັບເມືອເຮືອນຍ້ອນປິດຮ້ານ ແລະ ມີຜູ້ຖືກລູກຫຼົງໄດ້ຮັບບາດເຈັບ 1 ຄົນຖືກຍິງທີ່ຂາ ຊຶ່ງຄາດວ່າມີຜູ້ຮ່ວມຂະບວນການໃນການກໍ່ເຫດໃນຄັ້ງນີ້ປະມານ 3 ຄົນ. ມື້ຕໍ່ມາ, ຕຳຫຼວດໄດ້ພົບເຫັນລົດຈັກ, ປືນສັ້ນທີ່ໃຊ້ໃນການກໍ່ເຫດ, ກະເປົາໃສ່ຄໍາ ແລະ ເຄື່ອງນຸ່ງຜູ້ກໍ່ເຫດທີ່ຖິ້ມໄວ້ຢູ່ໃນປ່າ ແຕ່ຍັງບໍ່ສາມາດຈັບຕົວຜູ້ກໍ່ເຫດໄດ້ເທື່ອ ແລະ ຍັງບໍ່ຮູ້ຈໍານວນຄໍາທີ່ຖືກປຸ້ນໄປ ຊຶ່ງເຈົ້າໜ້າທີ່ກໍາລັງແກະຮອຍຄົນຮ້າຍ ຫຼື ຜູ້ຕ້ອງສົງໃສມາດໍາເນີນຄະດີຕາມກົດໝາຍ.

May be an image of 1 person and standing

.

May be an image of 3 people, motorcycle and outdoors

ຂ່າວ: ວຽງຈັນທາຍ

- Advertisement -
- Advertisement -

ເລື່ອງລາວຫຼ້າສຸດມື້ນີ້