ຂະບວນການ ໂຄສະນາຫາສຽງຂອງຜູ້ລົງສະໝັກເລືອກຕັ້ງເປັນສະມາຊິກສະພາແຫ່ງຊາດຊຸດທີ IX ( ສສຊ ) ແລະ ສະມາຊິກສະພາແຂວງຊຸດທີ II ( ສສຂ ) ໄດ້ລົງເຄື່ອນໄຫວ ໃນວັນທິ 9 ກຸມພາ 2021 ເຊິ່ງເລີ່ມຕົ້ນຢູ່ສະໂມສອນບ້ານຫ້ວຍໂລ ເມືອງປາກອູ ແຂວງຫຼວງພະບາງ ໂດຍການນໍາພາຂອງທ່ານ ຄໍາຫຼ້າ ລຽນປະດິດ ຄະນະປະຈໍາພັກແຂວງ ປະທານກວດກາພັກ-ລັດ ແຂວງຫຼວງພະບາງ ທັງເປັນຄະນະກໍາມະການເລືອກຕັ້ງສະພາຂັ້ນແຂວງ,ມີຄະນະຮັບຜິດຊອບລົງໂຄສະນາ ແລະ ຄະນະການປ່ອນບັດຂັ້້ນແຂວງ-ເມືອງ ແລະ ມີຄະນະຮັບຜິດຊອບການເລືອກຕັ້ງສະມາຊິກສະພາຂັ້ນເມືອງ ພ້ອມດ້ວຍພະນັກງານ,ເລຂາພັກບ້ານນາຍບ້ານຫ້ວຍໂລ ແລະ ປະຊາຊົນຜູ້ມີສິດເລືອກຕັ້ງພາຍໃນບ້ານໄດ້ໃຫ້ການຕ້ອນຮັບຢ່າງເປັນຂະບວນການຟົດຟື້ນ.
ທ່ານ ເພັດສາຄອນ ຄຸນບຸນເຮືອງ ຄະນະກໍາມະການເລືອກຕັ້ງຂັ້ນເມືອງ ທັງເປັນຫົວໜ້າໜ່ວຍປ່ອນບັດເລືອກຕັ້ງຈຸດກຸ່ມບ້ານຫ້ວຍໂລ ໄດ້ກ່າວຕ້ອນຮັບ ພ້ອມທັງລາຍງານ ສະພາບຂອງບ້ານຫ້ວຍໂລ ໃຫ້ຜູ້ລົງສະໝັກສະມາຊິກສະພາແຫ່ງຊາດ ແລະ ສະພາປະຊາຊົນແຂວງ ທີ່ລົງໂຄສະນາຫາສຽງຄັ້ງນີ້ ຊາບວ່າ: ກຸ່ມບ້ານ ຫ້ວຍໂລ ມີພົນລະເມືອງຜູ້ມີສິດເລືອກຕັ້ງທີ່ມີໜ້າຕົວຈິງ 632 ຄົນ,ຍິງ 311 ຄົນ.ປັດຈຸບັນກຸ່ມບ້ານຫ້ວຍໂລແມ່ນມີຄວາມພ້ອມ 100% ໃນບັ້ນເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ທີ່ຈະໄດ້ມີການປ່ອນບັດໃນຄັ້ງວັນທີ 21 ກຸມພາ 2021 ທີ່ຈະມາເຖິງນີ້.
ຈາກນັ້ນບັນດາ ສສຊ ແລະ ສສຂ ກໍ່ໄດ້ພັດປ່ຽນກັນ ນໍາສະເໜີປະຫວັດຂອງຕົນໃນການເຄື່ອນໄຫວຂອງຕົນ.ຕາມເລກລຳດັບທີ່ລົງສະໜັກເປັນສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 6 ຈໍານວນ 13 ທ່ານ,ຕາມເນື້ອໃນຈິດໃຈ ມະຕິ 118/ກມສພ ວ່າດ້ວຍການເພີ່ມທະວີ,ການຊີ້ນໍາໆພາຂອງຄະນະພັກຕໍ່ບັ້ນເລືອກຕັ້ງ ສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ, ປະກອບມີ 3 ທັດສະນະໃຫຍ່ຄື: ການເລືອກຕັ້ງຊຸດນີ້ ເປັນການສືບຕໍ່ປັບປຸງ,ບູລະນະລະບອບປະຊາທິປະໄຕປະຊາຊົນ,ຈາກປະຊາຊົນ ໂດຍປະຊາຊົນ ແລະ ເພື່ອຜົນໂຫຍດຂອງປະຊາຊົນ,ການເລືອກຕັ້ງ ເປັນພາກສ່ວນໜື່ງໃນການປັບປຸງບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ຂັ້ນສູນກາງ ແລະ ທ້ອງຖີ່ນ ເປັນການເລືອກເຟັ້ນ ແລະ ສັບຊ້ອນພະນັກງານຮັບຜິດຊອບໃນວຽກງານຕ່າງໆ ແລະ ການເລືອກຕັ້ງຊຸດນີ້ ເປັນຄວາມຮັບຜິດຊອບຂອງຄະນະພັກທຸກຂັ້ນ ແລະ ຂອງທົ່ວປວງຊົນ. ທັງເລືອກໄດ້ຜູ້ທີ່ມີມາດຖານ, ເງື່ອນໄຂຄົບຖ້ວນ ທັງສູນກາງ, ທ້ອງຖິ່ນ, ເພດ,ເຜົ່າ, ຜູ້ເກົ່າ ແລະ ຜູ້ໃໝ່.
ສໍາລັບເມືອງປາກອູ ມີຜູ້ມີສິດປ່ອນບັດເລືອກຕັ້ງທັງໝົດ 17.478 ຄົນ,ຍິງ 8.715 ຄົນ,ປະກອບມີ 8 ກຸ່ມບ້ານ.ໄລຍະຜ່ານມາ ອົງການປົກຄອງເມືອງ ກໍ່ໄດ້ສຳເລັດການແຕ່ງຕັ້ງຄະນະຮັບຜິດຊອບຂັ້ນເມືອງ, ແຕ່ງຕັ້ງພະນັກງານຮັບຜິດຊອບ ໝ່ວຍປ່ອນບັດແມ່ນສຳເລັັດພ້ອມນີ້ຍັງໄດ້ຈັດຝຶກອົບຮົມ ແລະແນະນຳວີທີການຕ່າງໆກ່ຽວກັບການປ່ອຍບັດໃຫ້ຮັບຜິດຊອບຫີບບັດ,ນອກນີ້ຍັງໄດ້ໂຄສະນາໃຫ້ປະຊາຊົນຜູ້ມີສິດປ່ອນບັດໃຫ້ເຂົາເຈົ້າໄດ້ມີຄວາມເຂົ້າໃຈຕໍ່ກັບຄວາມສຳຄັນຂອງການປ່ອຍບັດ ແລະນຳໃຊ້ສິດຂອງຕົນໃຫ້ໄດ້ 300ຮ້ອຍສ່ວນຮ້ອຍ.
ຂະບວນລົງໂຄສະນາຫາສຽງຂອງສສຊ-ສສຂ ດັ່ງກ່າວນີ້ ຍັງຈະໄດ້ສືບຕໍ່ລົງໂຄສະນາຫາສຽງ ຢູ່ບັນດາເມືອງເຫນືອ ຂອງແຂວງ ໃນນັ້ນມີເມືອງປາກອູ,ນໍ້າບາກ,ເມືອງງອຍ,ໂພນທອງ ແລະ ເມືອງວຽງຄໍາຕຶ່ມອີກ.ນອກນີ້ຍັງມີຂະບວນລົງໂຄສະນາຫາສຽງ ທີ່ເຄືອນໄຫວລົງໂຄສະນາຫາສຽງຢູ່ບັນດາເມືອງທາງໃຕ້ຂອງແຂວງ ມີເມືອງຈອມເພັດ, ຊຽງເງິນ, ເມືອງນານ, ພູຄູນ, ປາກແຊງ, ເມືອງໂພນໄຊ ແລະ ນະຄອນ-ຫລວງພະບາງ.ເຊິ່ງທົ່ວແຂວງມີທັງໝົດ 24 ຈຸດ ເມືອງລະ 2 ຈຸດ ໃນ 11 ເມືອງ ແລະ 1 ນະຄອນ.
.
.
.
ຂ່າວ ເພັດສາຄອນ ສິມມະວົງ
