ໃນຕອນເຊົ້າມື້ວານນີ້ ວັນທີ 28ມັງກອນ 2021 ກົງກັບວັນພະຫັດ(ວັນບຸນມາຄະບູຊາ) ເພັງ 15 ຄໍ່າເດືອນສາມ ພສ 2564 ຊາວພຸດຈາກທຸກສາລະທິດໄດ້ຮ່ວມກັນທໍາບຸນຕັກບາດທີ່ສະຖານບູຮານ ວັດພູຈໍາປາສັກ ເພື່ອສືບສອດປະພຶດປະຕິບັດຕາມຮີດຄອງປະເພນີ ທີ່ມີມາແຕ່ດົນນານ.

Image may contain: 2 people, outdoor

ສໍາລັບປີນີ້ກ່ໍໄດ້ມີຊາວພຸດມາຮ່ວມງານບຸນວັດພູ ແລະທໍາບຸນໃສ່ບາດຢ່າງຫຼວງຫຼາຍຄືປີຜ່ານມາ ຕ່າງແຕ່ປີນີ້ຕ້ອງໄດ້ປະຕິບັດມາດຕະການປ້ອງກັນ ແລະໄສ່ຜ້າປິດປາກ,​ດັງ​ ແລະອື່ນໆເພື່ອເປັນການປ່ອງກັນພະຍາດ ໂ ຄ ວິ ດ ເຊິ່ງໃນພິທີໃສ່ບາດຄັ້ງນີ້ມີ ທ່ານ ປອ​ ວິໄລວົງ​ ບຸດດາຄຳ ເຈົ້າເເຂວງໆຈຳປາສັກ,ບັນດາການນໍາແຂວງ,ເມືອງ,ພະແນກການກົມກອງອ້ອມຂ້າງ ແລະຊາວພຸດລາວເຂົ້າຮ່ວມຢ່າງຫຼວງຫຼາຍ.

Image may contain: 1 person, standing and outdoor

ໃນພິທີ ພຣະອາຈານ ມະຫາ ສຸວັນ ຈັນທະຣາຊ ປະທານອົງການພຸດທະສາສະໜາສໍາພັນລາວ ແຂວງຈໍາປາສັກ ໄດ້ນໍາພາຄະນະສົງຈໍານວນ 500 ອົງ ແລະອອກຕົນຍາດໂຍມທັງຫຼາຍໄຫວ້ພຣະຣັດຕະນະໄຕ,ຮັບສິນ,ຮັບພອນ,ຮັບການຖວາຍທານ ທີ່ເປັນປັດໄຈຕ່າງໆ ຈາກນີ້ກໍໄດ້ຍ່າງບິນທະບາດ ຈາກບໍລິເວນໂຮງຊາວລົງຮອດແຄມໜອງສະ ໂດຍມີອອກຕົນຍາດໂຍມຮ່ວມໃສ່ບາດຢ່າງຫຼວງຫຼາຍ.

Image may contain: 5 people, people standing

ການທໍາບຸນຕັກບາດທີ່ສະຖານບູຮານວັດພູຈໍາປາສັກ ເປັນການສືບທອດຮີດຄອງປະເພນີວັດທະນະທໍາອັນດີງາມຂອງຊາດ ທີ່ຊາວເມືອງກໍຄືແຂວງຈໍາປາສັກສືບທອດມາແຕ່ບູຮານນະການ ໃຫ້ຄຽງຄູຢູ່ກັບຄົນລາວຕະຫຼອດໄປ ຈາກນີ້ກໍເປັນການອຸທິດສ່ວນກຸສົນ ແລະ ສີລິມົງຄົນໃຫ້ແກ່ຕົນເອງ ແລະຄອບຄົວໃຫ້ຢູ່ດີມີສຸກ ທັງເປັນການເຜີຍແຜ່ວັດທະນະທໍາ ແລະດຶງດູດນັກທ່ອງທ່ຽວໃຫ້ເຂົ້າມາທ່ຽວຊົມວັດພູມໍລະດົກໂລກແຫ່ງທີ 2 ຂອງລາວໃຫ້ນັບມື້ຫຼາຍຂຶ້ນ ອີກດ້ວຍ.ຜູ້ເຂົ້າຮ່ວມທໍາບຸນຕັກບາດໄດ້ໃຫ້ສຳພາດໂດຍສະແດງຄວາມຮູ້ສຶກຂອງຕົນດີໃຈທີ່ໄດ້ມາບຸນໃນຄັ້ງນີ້.

Image may contain: 1 person, sitting, crowd and outdoor

ສຳລັບຕອນຄ່ຳຂອງວັັນດຽວກັນນີ້ຍັງໄດ້ມີການແຫ່ວຽນທຽນໃຕ້ທູບທຽນເພືີ່ອເປັນການສັກກາລະບູຊາແດ່ສິ່ງສັກສິດຕາມສັດທາຂອງຕົນອີກດ້ວຍ.

Image may contain: one or more people and people standing

ຂຽນ: ນ.​ ປະພິດ ສີສົມບູນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here