ການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ທີ່ຈະມີຂຶ້ນເປັນທາງການ ໃນຂອບເຂດທົ່ວປະເທດໃນວັນທີ 21 ກຸມພາ 2021 ທີ່ຈະມາເຖິງນີ້, ສະເພາະແຂວງອັດຕະປື ໄດ້ຫ້າງຫາກະກຽມດ້ານຄວາມພ້ອມຕ່າງໆ ຢ່າງມີຄວາມຮັບຜິດຊອບສູງ, ເຊິ່ງມາຮອດປັດຈຸບັນ ໄດ້ສໍາເລັດຫລາຍໜ້າວຽກທີ່ສໍາຄັນ ຄື: ສໍາເລັດການກຳນົດໜ່ວຍປ່ອນບັດເລືອກຕັ້ງທັງໝົດທົ່ວແຂວງ ມີ 204 ໜ່ວຍ, ເພີ່ມຂຶ້ນຈາກຊຸດຜ່ານມາ 1 ໜ່ວຍ, ໃນນັ້ນເມືອງສາມັກຄີໄຊ ມີ 40 ໜ່ວຍ, ໄຊເສດຖາ ມີ 45 ໜ່ວຍ, ຊານໄຊ ມີ 42 ໜ່ວຍ, ພູວົງ ມີ 23 ໜ່ວຍ ແລະ ເມືອງສະໜາມໄຊ ມີ 42 ໜ່ວຍ, ຂົງເຂດປ້ອງກັນຊາດ ມີ 8 ໜ່ວຍ ແລະ ຂົງເຂດປ້ອງກັນຄວາມສະຫງົບ ມີ 4 ໜ່ວຍ.

Image may contain: 1 person, sitting

ທ່ານ ນາງ ພອນມະນີ ຂຽນໄຊຍະວົງ ຮອງປະທານສະພາປະຊາຊົນ ແຂວງອັດຕະປື ຄະນະກໍາມະການເລືອກຕັ້ງຂັ້ນແຂວງ, ຫົວໜ້າອະນຸກໍາມະການເລຂານຸການ ຂອງຄະນະກໍາມະການເລືອກຕັ້ງຂັ້ນແຂວງ ໄດ້ໃຫ້ສໍາພາດຕໍ່ສື່ມວນຊົນ ໃນວັນທີ 25 ມັງກອນ 2021 ນີ້ວ່າ: ພາຍຫລັງທີ່ໄດ້ຮັບຄໍາສັ່ງແນະນໍາຂອງກົມການເມືອງສູນກາງພັກ ວ່າດ້ວຍການເພີ່ມທະວີການຊີ້ນໍາ-ນໍາພາວຽກງານເລືອກຕັ້ງ, ການນໍາຂອງແຂວງ ກໍໄດ້ນຳເອົາເນື້ອໃນຈິດໃຈດັ່ງກ່າວ ມາຈັດຕັ້ງຜັນຂະຫຍາຍ ໂດຍໄດ້ແຕ່ງຕັ້ງຄະນະກໍາມະການຮັບຜິດຊອບການເລືອກຕັ້ງຂັ້ນແຂວງ ແລະ ມີການແຕ່ງຕັ້ງອານຸກຳມະການ ປະກອບມີ 5 ອະນຸກໍາມະການ ຄື: ອະນຸກໍາມະການເລຂານຸການ, ອະນຸກໍາມະການໂຄງປະກອບ ແລະ ບຸກຄະລາກອນ, ອະນຸກໍາມະການໂຄສະນາ, ປຸກລະດົມຂະບວນການ ແລະ ຍ້ອງຍໍ, ອະນຸກໍາມະການປ້ອງກັນຊາດ-ປ້ອງກັນຄວາມສະຫງົບ ແລະ ອະນຸກໍາມະການງົບປະມານ.

Image may contain: 11 people, people sitting

ພ້ອມດຽວກັນນີ້, ກໍໄດ້ມີການຈັດຝຶກອົບຮົມ ໃຫ້ພະນັກງານຫລັກແຫລ່ງ, ຄະນະກຳມະການເລືອກຕັ້ງຂັ້ນແຂວງ ແລະ ຂັ້ນເມືອງ, ໄດ້ມີການລົງເຄື່ອນໄຫວເກັບກໍາຂໍ້ມູນ, ກຳນົດໜ່ວຍປ່ອນບັດເລືອກຕັ້ງ ແລະ ໄດ້ເກັບກໍາຂໍ້ມູນຜູ້ມີສິດປ່ອນບັດເລືອກຕັ້ງ, ເຊິ່ງທົ່ວແຂວງຜູ້ມີສິດປ່ອນບັດເລືອກຕັ້ງທັງໝົດ 97.609 ຄົນ, ເພີ່ມຂຶ້ນຈາກຊຸດຜ່ານມາ 25.472 ຄົນ, ນອກຈາກນັ້ນ ກໍໄດ້ມີການຄົ້ນຄວ້າບຸກຄະລາກອນ ທີ່ສະໝັກເຂົ້າໂຄງປະກອບສະມາຊິກສະພາແຫ່ງຊາດ ຊຸດທີ IX ຈໍານວນ 9 ທ່ານ,ເລືອກເອົາ 6 ທ່ານ ແລະ ສະມາຊິກສະພາປະຊາຊົນແຂວງ ຊຸດທີ II ຈໍານວນ 31 ທ່ານ, ເລືອກເອົາ 21 ທ່ານ.

Image may contain: 2 people, people sitting and outdoor

ທ່ານ ນາງ ພອນມະນີ ຂຽນໄຊຍະວົງ ກ່າວຕື່ມວ່າ: ສ່ວນວຽກສືບຕໍ່ປະກອບມີ ສືບຕໍ່ເຊື່ອມ ຊືມມະຕິຂອງກົມການເມືອງສູນກາງພັກ ແລະ ບັນດາເນື້ອໃນທີ່ຕິດພັນກັບການເລືອກຕັ້ງໃຫ້ກຸ່ມເປົ້າ ໝາຍ ທີ່ບໍ່ທັນໄດ້ເຂົ້າຮ່ວມຈໍານວນໜຶ່ງ, ສືບຕໍ່ກວດກາຄືນໃໝ່ຜູ້ມີສິດປ່ອນບັດເລືອກຕັ້ງ, ສືບຕໍ່ຈັດ ການອົບຮົມ ໃຫ້ຄະນະຮັບຜິດຊອບໜ່ວຍປ່ອນບັດໃຫ້ສໍາເລັດ ແລະ ສືບຕໍ່ຈັດສົ່ງວັດຖຸອຸປະກອນຮັບໃຊ້ໃຫ້ແກ່ການເລືອກຕັ້ງໂດຍໄວ ເປັນຕົ້ນ ຕິດຮູບ-ພາບ ລວມທັງປະຫວັດ ຂອງຜູ້ມີສິດປ່ອນບັດເລືອກຕັ້ງ ແລະ ວຽກງານອື່ນໆ ໃຫ້ສໍາເລັດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here