ເມື່ອບໍ່ດົນມານີ້, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຄະນະ ການນຳຂອງແຂວງ ແລະ ເມືອງປາກຊ່ອງ ໄດ້ເຄື່ອນໄຫວສຳຫລວດ ພື້ນທີ່ເຂດພູເທວະດາ ເມືອງປາກຊ່ອງ ທີ່ເປັນປາກພູໄຟເກົ່າ, ເຂດຝາຍນໍ້າພູໂອຍ, ຝາຍນໍ້າໂຄງການ ເພື່ອສະໜອງນໍ້າໃຫ້ແກ່ ການຜະລິດຂອງປະຊາຊົນ ແລະ ກວດຄືນບັນດາໂຄງການທີ່ເຊົ່າສຳປະທານທີ່ດິນຂອງລັດ ເຂດເມືອງດັ່ງກ່າວ.
ຈຸດປະສົງຂອງການລົງສຳຫລວດ ກວດກາສະຖານດັ່ງກ່າວ, ແມ່ນເພື່ອພັດທະນາໂຄງການ ແຫລ່ງທ່ອງທ່ຽວ ຕິດພັນກັບທຳມະຊາດ ເຂດເມືອງປາກຊ່ອງ ແລະ ໃຫ້ບັນລຸການຈັດຕັ້ງປະຕິບັດ 5 ຍຸດທະສາດຂອງແຂວງ ໄດ້ວາງອອກນັ້ນ, ໂດຍແຂວງໄດ້ກຳນົດວິໄສທັດ ຄື ໃຫ້ລະບົບການເມືອງການປົກຄອງມີສະຖຽນລະພາບ, ມີປະຊາທິປະໄຕ, ຍຸຕິທຳ, ເສດຖະກິດຂະຫຍາຍຕົວເຂັ້ມແຂງໝັ້ນທ່ຽງ, ສັງຄົມມີຄວາມສະຫງົບເປັນລະບຽບ ແລະ ໄດ້ຮັບການພັດທະນາຮອບດ້ານ, ທຳມະຊາດ ແລະ ສິ່ງແວດລ້ອມ ໄດ້ຮັບການປົກປັກຮັກສາໃຫ້ສວຍງາມ ສະອາດສີຂຽວ, ປະຊາຊົນບັນດາເຜົ່າ ມີຄວາມສາມັກຄີປອງດອງຢູ່ດີກິນດີສີວິໄລ ການພັດທະນາແຂວງໃຫ້ຍືນຍົງ ກ້າວສູ່ຈຸດໝາຍສັງຄົມນິຍົມ ແລະ ສຳລັບແຜນວຽກສິ່ງແວດລ້ອມ ຕາມທິດການພັດທະນາ ຕ້ອງຕິດພັນກັບຄວາມຍືນຍົງສີຂຽວ.
ສະນັ້ນ, ຈຸດສຸມວຽກງານສິ່ງແວດລ້ອມພວກເຮົາ ມີ 4 ຈຸດສຸມ ເປັນຕົ້ນແມ່ນ ການປົກປັກຮັກ ສາ ແລະ ຟື້ນຟູທຳມະຊາດ, ການຄຸ້ມຄອງການນຳໃຊ້ຊັບພະຍາກອນທຳມະຊາດ, ແລະ ຈຸດສຸມປົກປັກຮັກສາສິ່ງແວດລ້ອມ.
.
.
.
.
.
ຂ່າວ: ທັດຊະນະ
