ໃນວັນທີ 24 ມັງກອນ 2021, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ ໄດ້ຊີ້ນຳໃຫ້ແຂວງເຊກອງ ຫັນວິກິດຈາກສະພາບການລະບາດຂອງພະຍາດ ໂ ຄ ວິ ດ ມາເປັນໂອກາດ ໂດຍການປັບປຸງພື້ນຖານໂຄງລ່າງທີ່ຕິດພັນກັບການ ທ່ອງທ່ຽວ ແລະ ຊຸກຍູ້ຂະບວນການຜະລິດເປັນສິນຄ້າ.

Image may contain: 1 person, sitting

ທ່ານ ສອນໄຊ ສີພັນດອນ ກ່າວເນື່ອງໃນໂອກາດ ເດີນທາງເຂົ້າຮ່ວມພິທີສະເຫລີມສະຫລອງ ແລະ ມອບ-ຮັບໂຄງການກໍ່ສ້າງອະນຸສາວະລີ ພຣະບາດສົມເດັດ ພຣະເຈົ້າໄຊຍະເຊດຖາທິຣາດ ມະຫາຣາດ ຢູ່ແຂວງອັດຕະປື, ເຊິ່ງແນ່ໃສ່ເພື່ອເຮັດໃຫ້ເສດຖະກິດພາຍໃນແຂວງເຊກອງ ສືບຕໍ່ຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ ແລະ ກ້າວສູ່ການຫລຸດຜ່ອນຄວາມທຸກຍາກເທື່ອລະກ້າວ ໃນທ່າມກາງສະພາບທີ່ມີຄວາມຫຍຸ້ງຍາກແບບນີ້.

ຜ່ານມາ, ລັດຖະບານ ກໍໄດ້ອອກແຈ້ງການຕ່າງໆໝາຍຄວາມວ່າ ໃຫ້ເອົາໄລຍະການລະບາດຂອງພະຍາດ ໂ ຄ ວິ ດ ນີ້ເປັນໂອກາດ ໃນການປັບປຸງພື້ນຖານໂຄງລ່າງໂຄງການທ່ອງທ່ຽວຕ່າງໆ ໂດຍປະ ຕິບັດຕາມຄຳຂວັນ “ລາວທ່ຽວລາວ” ເພື່ອສ້າງໃຫ້ມີຊື່ສຽງ ແລະ ສ້າງໃຫ້ມີຫລາກຫລາຍກິດຈະກໍາ ແນ່ໃສດຶງດູດນັກທ່ອງທ່ຽວໃຫ້ນັບມື້ນັບຫລາຍຂຶ້ນ ເນື່ອງຈາກວ່າເສັ້ນທາງຕ່າງໆ ແມ່ນໄດ້ອຳນວຍຄວາມສະດວກຫລາຍແລ້ວ. ພ້ອມດຽວກັນນັ້ນ, ກໍໃຫ້ເອົາໃຈໃສ່ສືບຕໍ່ຊຸກຍູ້ຂະບວນການຜະລິດເປັນສິນຄ້າ ຕາມທ່າແຮງບົ່ມຊ້ອນຂອງທ້ອງຖິ່ນ ແນໃສ່ສ້າງວຽກເຮັດງານທຳ ແລະ ສ້າງລາຍຮັບໃຫ້ກັບປະຊາຊົນ ເນື່ອງຈາກວ່າ ໄລຍະຜ່ານມາ ຕົວເລກສົ່ງອອກສິນຄ້າແມ່ນໜ້ອຍກວ່າ ຕົວເລກນຳເຂົ້າ ເຊິ່ງເຮັດໃຫ້ແຂວງຕ້ອງຂາດດຸນການຄ້າ.

Image may contain: 2 people, people sitting, table and indoor

ຄຽງຄູ່ກັນນັ້ນ, ກໍໃຫ້ປຸກລະດົມສັງຄົມຫັນມາຊົມໃຊ້ສິນຄ້າ ແລະ ຜະລິດຕະພັນຂອງລາວເຮົາເອງ ແຕ່ກໍຕ້ອງເນັ້ນໃຫ້ຜູ້ຜະລິດ ຕ້ອງປັບປຸງ, ຍົກລະດັບມາດຕະຖານ ແລະ ຄຸນນະພາບຂອງສິນຄ້າ ແລະ ຜະລິດຕະພັນໃຫ້ທຽບເທົ່າກັບສາກົນ, ພ້ອມທັງຈັດຕັ້ງການຜະລິດເປັນກຸ່ມ ເພື່ອເຮັດໃຫ້ຂະບວນການຜະ ລິດຂອງປະຊາຊົນມີຄວາມຍືນຍົງ. ປີ 2020, ແຂວງເຊກອງ ສົ່ງອອກສິນຄ້າທັງໝົດ 21,49 ລ້ານໂດລາສະຫະລັດ ທຽບໃສ່ແຜນປີປະ ຕິບັດໄດ້ 83,29%, ເຊິ່ງສ່ວນໃຫຍ່ເປັນຜະລິດຕະພັນກະສິກຳ ອັນທີ່ພົ້ນເດັ່ນແມ່ນ ແປ້ງມັນຕົ້ນ, ນ້ຳຕານສະອາດ, ກາເຟອໍແກນນິກ, ພືດຜັກ, ຊີ້ນ ແລະ ປາ.

ຂ່າວ-ພາບ: ສິງຄຳ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here