22.1 C
Laos
Thursday, October 28, 2021

ແພດໝໍລາວຫລາຍກວ່າ 600 ຄົນທີ່ເປັນກຸ່ມສ່ຽງ ໄດ້ຮັບການສັກວັກຊິນປ້ອງກັນໂຄວິດ

ຂ່າວເດັ່ນອາທິດນີ້

ແພດໝໍທີ່ເປັນກຸ່ມສ່ຽງຫລາຍກວ່າ 600 ຄົນໄດ້ຮັບການສັກວັກຊິນປ້ອງກັນພະຍາດໂຄວິດ19 ຢ່າງເປັນທາງການແລ້ວໃນຕອນເຊົ້າວັນທີ 27 ມັງກອນ 2021, ທີ່ໂຮງໝໍມິດຕະພາບ 150 ຕຽງ ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ປະທານຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດພະຍາດໂຄວິດ19, ຮອງສາສະດາຈານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍບັນດາແພດໝໍ ແລະ ພາກສ່ວນກ່ຽວຂ້ອງ.

Image may contain: 5 people, people standing and indoor

.

Image may contain: 5 people, people standing and indoor

ໂອກາດນີ້ ຮອງສາສະດາຈານ ດຣ ບຸນກອງ ສີຫາວົງ ແຈ້ງໃຫ້ຮູ້ວ່າ: ວັກຊິນ ທີ່ນໍາມາສັກໃຫ້ແພດໝໍໃນມື້ນີ້ແມ່ນວັກຊິນທີ່ໄດ້ຮັບການຊ່ວຍເຫລືອຈາກບໍລິສັດຊີໂນຟາມຂອງຈີນ ຊື່ງວັກຊິນຊະນິດນີ້ໄດ້ຜ່ານການສັກຢູ່ປະເທດຈີນມາແລ້ວ 3 ຮອບ ຈໍານວນ 1 ລ້ານກວ່າຄົນ, ສຳລັບລາວໄດ້ສັກຊະນິດນີ້ໃຫ້ແພດໝໍທີ່ເປັນກຸ່ມສ່ຽງ, ພະນັກງານຜູ້ເຮັດວຽກປະຈຳດ່ານ ແລະ ພະນັກງານຢູ່ສູນຈໍາກັດບໍລິເວນແລ້ວ ຈຳນວນ 298 ຄົນ ໃນນີ້ສັກຄົບທັງໝົດ 2 ເຂັມ 173 ຄົນ, ນໍາໃຊ້ວັກຊິນທັງໝົດ 423 ໂດສ ທັງໝົດບໍ່ມີອາການຜິດປົກກະຕິ ຫລື ພະຍາດແຊກຊ້ອນໃດໆ, ສະນັ້ນ ຈຶ່ງໄດ້ສືບຕໍ່ສັກໃຫ້ຜູ້ທີ່ມີຄວາມສ່ຽງຕື່ມອີກ ເພື່ອໃຫ້ເຂົາເຈົ້າມີພູມຕ້ານທານຕໍ່ພະຍາດໂຄວິດ19, ຄາດວ່າປີ 2021 ນີ້ ລາວເຮົາຈະສັກໃຫ້ໄດ້ປະມານ 1.500.000 ຄົນ, ກວມເອົາ 22% ຂອງປະຊາກອນ ຮອດປີ 2023 ຈະສັກໃຫ້ໄດ້ 70%.

Image may contain: 2 people, people standing and indoor

.

Image may contain: 2 people, people standing

ສໍາລັບການສັກວັກຊິນປ້ອງກັນພະຍາດ ໂຄວິດ19 ໃຫ້ແພດໝໍທີ່ມີຄວາມສ່ຽງໃນມື້ນີ້ຈັດເປັນ 2 ຈຸດ ຄື: ໂຮງໝໍມິດຕະພາບ 150 ຕຽງ ແລະ ໂຮງໝໍເສດຖາທິລາດ ຊື່ງນອກຈາກແພດໝໍພາຍໃນ 2 ໂຮງໝໍນີ້ແລ້ວ ຍັງມີແພດໝໍຈາກໂຮງໝໍແມ່ ແລະ ເດັກ, ໂຮງໝໍ 103, ໂຮງໝໍມະໂຫສົດ, ສູນສະໜອງຢາ ແລະ ອຸປະກອນການແພດ ແລະໂຮງໝໍ 5 ເມສາ ເຂົ້າຮ່ວມສັກຈຳນວນທັງໝົດ 600 ກວ່າຄົນ.

Image may contain: 3 people

.

Image may contain: 2 people, people standing

Cr: Lao National Radio

Photo: ປະເທດລາວ Pathedlao

- Advertisement -
- Advertisement -

ເລື່ອງລາວຫຼ້າສຸດມື້ນີ້