ໃນຕອນເຊົ້າວັນທີ 23 ມັງກອນ 2021 ຜ່ານມານີ້ຢູ່ທີໂຮງຮຽນປະຖົມສົມບູນບ້ານຫ້ວຍເພາະໄດ້ຈັດພິທີມອບ – ຮັບງົວໃຫ້ຄອບຄົວ ທີ່ມີຄວາມສ່ຽງຕໍ່ຜົນກະທົບໄພທໍາມະຊາດ. ໂດຍເປັນກຽດເຂົ້າຮ່ວມ ທ່ານ ສອນສະຫັວນ ຈັນທະວົງ ຮອງເຈົ້າເມືອງໄຊຍະບູລີ ຜູ້ຊີ້ນຳວຽກງານເສດຖະກິດຂັ້ນເມືອງ ມີຕາງໝ້າພະແນກກະສິກຳແຂວງ, ຫົວໝ້າຫ້ອງການ, ຮອງຫົວໜ້າຫ້ອງການຂອງເມືອງ, ພະນັກງານວິຊາການ ,ນາຍບ້ານ ແລະ ຄອບຄົວທີ່ໄດ້ຮັບງົວເຂົ້າຮວ່ມ.

Image may contain: 8 people, people standing, sky, outdoor and nature

.

Image may contain: 1 person, outdoor and nature, text that says 'បើ07 เบ็'

ໃນພິທີ ທ່ານ ຄຳພອນ ສິງງາມ ກຳມະການພັກເມືອງ ຫົວໝ້າຫ້ອງກະສິກຳປ່າໄມ້ເມືອງໄຊຍະບູລີ ໄດ້ຂື້ນຜ່ານບົດສະຫຼຸບຫຍໍ້ໃນການປະຕີບັດໂຄງການຈັດສັນຄອບຄົວທີ່ມີຄວາມສ່ຽງ ບ້ານຫ້ວຍເພາະ ທ່ານກ່າວວ່າ: ບ້ານຫ້ວຍເພາະເປັນບ້ານໜຶ່ງທີ່ມີຄວາມສຽ່ງຕໍ່ຈາກໄພພິບັດທໍາມະຊາດ ທົ່ວບ້ານມີ 137 ຄອບຄົວ 11 ໝ່ວຍຜະລິດ ມີຈຳນວນພົນລະເມືອງ 725 ຄົນຍິງ 375 ຄົນ ຖືກໂຄງການຍົກຍ້າຍຈຳນວນ 29 ຄອບຄົວ ໂຄງການດັ່ງກ່າວແມ່ນໄດ້ຮັບທືນອານຸມັດການລົງທືນຂອງລັດສົກປີ 2018 ໂດຍແມ່ນທືນຂອງລັດຖະບານ 100% ສະພາບການຈັດຕັ້ງປະຕິບັດ ໂຄງການໄດ້ຮັບທືນອານຸມັດທັງໝົດ 4ຕື້ກວ່າກີບ ໃນນີ້ໄດ້ປະຕິບັດກິດຈະກຳເຊັ່ນ: ກິດຈະກຳຕັດຜັງບ້ານ – ເສັ້ນທາງມູນຄ່າ 1 ຕື້400ລ້ານກວ່າກີບ ກິດຈະກຳຍົກຍ້າຍບ່ອນຢູ່ເກົ່າ ມາຢູ່ບ່ອນໃໜ່ ແລະ ປຸກເຮືອນຈຳນວນ 29 ຫຼັງມີມູນຄ່າ 2 ຕື້ກວ່າກີບ ກິດຈະກຳປຸກໂຮງຮຽນ 1 ຫຼັງມູນຄ່າ 600ລ້ານກີບ, ກິດຈະກໍາລັງຕິດຕັ້ງຕາຂ່າຍໄຟຟ້າ ແລະ ເຂົ້າຄົວເຮືອນມູນຄ່າ 184ລ້ານກວ່າກີບ, ກິດຈະກຳນໍ້າລິ້ນມູນຄ່າ 370ລ້ານກີບ, ກິດຈະກຳລ້ຽງສັດໃຫ່ຍປະເພດງົວຕິດພັນກັບການປູກຫຍ້າເປັນອາຫານສັດມູນຄ່າ 923 ລ້ານກີບ ເຊີ່ງແຕ່ລະກິດຈະກຳແມ່ນສຳເລັດ 100% ມາຮອດປີນີ້ແມ່ນໄດ້ມອບກິດຈະກໍາການສົ່ງເສີມການລ້ຽງສັດໃຫ່ຍປະເພດງົວຕິດພັນກັບການປູກຫຍ້າເປັນອາຫານສັດ ແລະ ໄດ້ມອບສັດໃຫ້ຈຳນວນ 10 ຄອບຄົວ,ມີ 30 ໂຕລວມ ມູນຄ່າ 100ລ້ານກວ່າກີບ.

Image may contain: one or more people, people standing, sky, outdoor and nature

ຕອນທ້າຍພິທີ ທ່ານ ສອນສະຫວັນ ຈັນທະວົງ ຮອງເຈົ້າເມືອງ ໄຊຍະບູລີ ກໍ່ໄດ້ກຽດ ຂື້ນໂອລົມຕໍ່ພໍ່ແມ່ປະຊາຊົນຜູ້ໄດ້ຮັບງົວໃນຄັ້ງນີ້ເຊີ່ງທ່ານໄດ້ເນັ້ນໜັກໃຫ້ຄອບຄົວທີ່ໄດ້ຮັບແນວພັນງົວໄປລ້ຽງຕ້ອງປະຕິບັດຕາມກົດລະບຽບຂອງກອງທືນງົວໃຫ້ເຂັ້ມງວດ, ຮອດກໍານົດເວລາຕ້ອງໝູນວຽນໃຫ້ຜູ້ອື່ນ, ຄອບຄົວອື່ນໄປລ້ຽງຕໍ່ ແລະ ເອົາໃຈໃສ່ໃນການລ້ຽງ, ການຮັກສາໃຫ້ດີໃຫ້ສັດອອກແມ່ແຜ່ລູກເພື່ອສ້າງລາຍຮັບໃຫ້ຄອບຄົວຮັ່ງມີເຂັ້ມແຂງ.

Image may contain: 1 person, standing, outdoor and nature

ຂ່າວ-ພາບ:ວັນທອງ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here