ແຫລ່ງຂ່າວຈາກເມືອງແກ່ນທ້າວ ໃຫ້ຮູ້ວ່າ: ໃນປີ 2020 ຜ່ານມາ, ດ່ານພາສີສາກົນ ຂົວມິດຕະພາບນໍ້າເຫືອງ ເມືອງແກ່ນທ້າວ ແຂວງໄຊຍະບູລີ ສາມາດຈັດເກັບລາຍຮັບໄດ້ທັງໝົດ 390 ຕື້ກວ່າກີບ ໃນນີ້ ລາຍຮັບພາກສ່ວນພາສີ 215 ຕື້ກວ່າກີບ ແລະ ລາຍຮັບພາກສ່ວນອາກອນ 175 ຕື້ກວ່າກີບ ທຽບໃສແຜນການປີປະຕິບັດໄດ້ລື່ນແຜນ. ແຜນເກັບລາຍຮັບເຂົ້າງົບປະມານໃນປີ 2021 ນີ້ແມ່ນ 331 ຕື້ກວ່າກີບ.

Image may contain: 3 people, people sitting, table and indoor

ຂໍ້ມູນດັ່ງກ່າວ ໄດ້ຮັບການລາຍງານຈາກ ທ່ານ ສົມພິນ ອິນທະວົງ ຫົວໜ້າດ່ານພາສີສາກົນຂົວມິດຕະພາບນໍ້າເຫືອງ ໃນກອງປະຊຸມ ສະຫລຸບການຈັດຕັ້ງປະຕິບັດການເກັບລາຍຮັບປະຈໍາປີ 2020 ວັນທີ 20 ມັງກອນ 2021 ແລະ ທ່ານຍັງໃຫ້ຮູ້ອີກວ່າ: ດ່ານພາສີສາກົນຂົວມິດຕະພາບນໍ້າເຫືອງເປັນດ່ານໜຶ່ງຕັ້ງຢູ່ເມືອງແກ່ນທ້າວ ແຂວງໄຊຍະບູລີ ມີ 4 ດ່ານປະເພນີຂຶ້ນກັບຄື: ດ່ານປະເພນີສີພູມ, ດ່ານປະເພນີບ້ານເມືອງໝໍ, ດ່ານປະເພນີນາແກ້ງມ້າ ເມືອງແກ່ນທ້າວ ແລະ ດ່ານປະເພນີນາຂ່າ ເມືອງບໍ່ແຕນ, ເຊິ່ງການບໍລິການພາຍໃນດ່ານມີຄວາມສະດວກ, ວ່ອງໄວ ແລະ ຮັບປະກັນໄດ້ດ້ານລະບຽບກົດໝາຍ. ການສົ່ງອອກ-ນໍາເຂົ້າສິນຄ້າ, ເຄື່ອງຂອງ ເຫັນວ່າມີບາງຊະນິດສິນຄ້າແມ່ນໄດ້ເພີ່ມຂຶ້ນ, ບາງຊະນິດຫຼຸດລົງ ແລະ ບໍລິມາດສິນຄ້າ, ເຄື່ອງຂອງທີ່ເສຍພາສີສ່ວນຫຼາຍແລ້ວແມ່ນການນໍາເຂົ້ານໍ້າມັນເຊື້ອໄຟ ແລະ ອາຍແກັດ ເຊິ່ງກວມເອົາ 94,04% ຂອງລາຍຮັບທົ່ວດ່ານ.

Image may contain: sky and outdoor

ຂ່າວ: ຖວທ ແກ່ນທ້າວ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here