ບໍ່ນໍ້າຮ້ອນປຸ່ງເລາະ ເປັນສະຖານທີ່ທ່ອງທ່ຽວທີ່ຄໍລໍາທ່ອງທ່ຽວເມືອງລາວ ຂໍແນະນໍາໃຫ້ທຸກຄົນໄປສໍາພັດ ຊຶ່ງນອກຈາກໄດ້ສໍາພັດກັບຄວາມມະຫັດສະຈັນຈາກການເນລະມິດຂອງທໍາມະຊາດແລ້ວຍັງຈະໄດ້ເຫັນວິຖີຊີວິດວັດທະນະທຳທີ່ງົດງາມຂອງຊົນເຜົ່າອາຄາ ແລະ ເຜົ່າມູເຊີ ຊຶ່ງການເດີນທາງໄປສະຖານທີ່ນີ້ກໍ່ບໍ່ຍາກຫຍັງເພາະເມື່ອບໍ່ດົນມານີ້ ມີນັກທຸລະກິດລາວເຂົ້າໄປສໍາປະທານພັດທະນາແບບຄົບວົງຈອນແລ້ວ.

Image may contain: outdoor, nature and water

.

Image may contain: mountain, sky, cloud, outdoor and nature

ບໍ່ນໍ້າຮ້ອນປຸ່ງເລາະເປັນສະຖານທີ່ທ່ອງທ່ຽວທາງທໍາມະຊາດທີ່ສວຍສົດງົດງາມເປັນບໍ່ນໍ້າຮ້ອນທີ່ເກີດຂຶ້ນຢູ່ທ່າມກາງຄວາມເຢັນຂອງແມ່ນໍ້າ, ເປັນສິ່ງມະຫັດສະຈັນຫຼາຍ ໂດຍບໍ່ນໍ້າຮ້ອນນີ້ຕັ້ງຢູ່ບ້ານປຸ່ງເລາະ ເມືອງເມິງ ແຂວງບໍ່ແກ້ວ ຊຶ່ງເປັນຊາຍແດນລະຫວ່າງເມືອງເມິງ ແລະ ເມືອງຕົ້ນເຜິ້ງ ຫ່າງຈາກເທສະບານເມືອງ 62 ກິໂລແມັດ ແລະ ຈາກການຕັ້ງຢູ່ເຂດແດນລະຫວ່າງ 2 ເມືອງ ທ່ານສາມາດເຂົ້າເຖິງໄດ້ທັງ 2 ທາງຄື: ເຂົ້າທາງເມືອງຕົ້ນເຜິ້ງ ຫຼື ເມືອງເມິງກໍ່ໄດ້ ບໍລິເວນດັ່ງກ່າວໃນສະຖານທີ່ທີ່ເໝາະຕໍ່ການທ່ອງທ່ຽວເພື່ອພັກຜ່ອນຢ່ອນອາລົມແບບສະບາຍ ແລະ ເປັນສະຖານທີ່ທ່ອງທ່ຽວທາງທໍາມະຊາດໃນແບບສຸຂະພາບໄດ້ເປັນຢ່າງດີອີກຕ່າງຫາກ ເນື່ອງຈາກເກີດການກ່າວຂານກັນວ່າ: ນໍ້າຮ້ອນສາມາດປິ່ນປົວສຸຂະພາບໄດ້ໂດຍສະເພາະພະຍາດຜິວໜັງ.

Image may contain: sky, cloud, outdoor and nature

ເປັນຫຍັງຈຶ່ງເອີ້ນວ່າ: ປຸ່ງເລາະ ຊຶ່ງປະຊາຊົນເຂດດັ່ງກ່າວບອກວ່າ ເມື່ອກ່ອນສະຖານທີ່ນີ້ມີປຸ່ງ (ບໍ່ນໍ້າ) ໂດຍມີສັດປ່າມັກລົງມາອາໄສຢູ່ເປັນຈໍານວນຫຼາຍ ຂະນະທີ່ຊາວບ້ານເອງກໍ່ໄດ້ທໍາມາຫາກິນຢູ່ເຂດນັ້ນ ແລະ ເມື່ອໄດ້ສັດກໍ່ຈະເອົາຈຸ່ມບໍ່ນໍ້າຮ້ອນດັ່ງກ່າວ ເພື່ອລອກໜັງ ຫຼື ຂົນອອກຈຶ່ງເອີ້ນວ່າ: “ ປຸ່ງເລາະ ” ແຕ່ວ່າຊົນເຜົ່າທີ່ອາໄສຢູ່ເຂດນັ້ນອາດຈະເວົ້າພາສາລາວບໍ່ໄດ້ດີເທົ່າທີ່ຄວນ ຈຶ່ງເຮັດໃຫ້ພ້ຽນມາເປັນ “ ປຸ່ງເລາະ ” ຈົນຮອດທຸກມື້ນີ້. ຂະນະທີ່ການບໍລິການຢູ່ບໍລິເວນດັ່ງກ່າວຍັງບໍ່ທັນມີຫຍັງເທື່ອແຕ່ກໍ່ມີປະຊາຊົນບ້ານປຸ່ງເລາະທີ່ບົວລະບັດຮັກສາ ແລະ ເຮັດຕູບບໍລິການນັກທ່ອງທ່ຽວ ປັດຈະບັນເຂດດັ່ງກ່າວໄດ້ມີບໍລິສັດເຂົ້າມາສໍາປະທານ ເພື່ອປັບປຸງເປັນສະຖານທີ່ທ່ອງທ່ຽວໃນອະນາຄົດ.ຄັດຈາກໜັງສືພິມປະເທດລາວ

Image may contain: sky, outdoor and nature

.

Image may contain: outdoor and nature

ໂດຍ: ຄົນສັນຈອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here