ກອງເສນາກໍ່ສ້າງຮາກຖານ ລົງກວດກາຕິດຕາມ ແລະ ຊຸກຍູ້ວຽກງານປ້ອງກັນຄວາມສະຫງົບໃນຂອບເຂດ ນະຄອນຫຼວງວຽງຈັນ

ໃນວັນທີ 11 ມັງກອນ 2021 ກອງເສນາກໍ່ສ້າງຮາກຖານ ປກສ ນະຄອນຫຼວງວຽງຈັນ ໄດ້ລົງກວດກາຕິດຕາມ, ຊຸກຍູ້ວຽກງານປ້ອງກັນຄວາມສະຫງົບ ຢູ່ບັນດາຈຸດປະຈໍາການ ທີ່ຫ້ອງການ ປກສ ກຸ່ມບ້ານໂພນເຄັງເມືອງໄຊເສດຖາ, ປກສ ກຸ່ມ ໜອງທາໃຕ້ ບ້ານຫ້ວຍຫົງ, ບ້ານໂພນສະຫວ່າງ, ປກສ ກຸ່ມ ສີດຳດວນ ບ້ານສີດຳດວນ, ປກສ ກຸ່ມສີສະຫວາດ ບ້ານສີສະຫວາດ ເມືອງຈັນທະບູລີ ນະຄອນຫຼວງວຽງຈັນ

.

ໃນຄັ້ງນີ້ ເພື່ອຊຸກຍູ້ໃຫ້ພະນັກງານ ປກສ ກຸ່ມ, ປກສ -ກອງຫຼອນບ້ານ ໄດ້ເຮັດໜ້າທີ່ວຽກງານປ້ອງກັນຄວາມສະຫງົບ, ປ້ອງກັນເວນຍາມ, ອອກກວດກາລາດຕະເວນ ຢູ່ຕາມຈຸດທີ່ມີຄວາມສ່ຽງຕ່າງໆ ທີ່ອາດກໍ່ໃຫ້ເກີດຄວາມບໍ່ສະຫງົບ ຕາມຂອບເຂດຄວາມຮັບຜິດຊອບຂອງຕົນ ໃນແຕ່ລະຈຸດ ເພື່ອເປັນການກະກຽມໃຫ້ ກອງປະຊຸມໃຫຍ່ຄັ້ງທີ XI ຂອງພັກ ປະຊາຊົນ ປະຕິວັດລາວ ມີຄວາມເປັນລະບຽບຮຽບຮ້ອຍ, ມີຄວາມສະຫງົບປອດໄພໄດ້ 100%.

.