ໃນວັນທີ 12 ມັງກອນ 2021 ນີ້, ການນໍາຂັ້ນສູງຂອງ ພັກປະຊາຊົນ ປະຕິວັດລາວ ນໍາໂດຍ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ໄດ້ໄປວາງພວງມາລາ ຢູ່ອະນຸສາວະລີ ນັກຮົບນິລະນາມ (ດາວແດງ) ນະຄອນຫລວງວຽງຈັນ ເພື່ອສະແດງຄວາມກະຕັນຍູຮູ້ບຸນຄຸນ ແລະ ຈາລຶກຄຸນງາມຄວາມດີ ຕໍ່ວິລະຊົນແຫ່ງຊາດ, ນັກຮົບແຂ່ງຂັນ, ນາຍ-ພົນທະຫານ, ປະຊາຊົນລາວບັນດາເຜົ່າ ທີ່ເສຍສະຫລະເລືອດເນື້ອ ແລະ ຊີວິດໃນພາລະກິດຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮານໃນເມື່ອກ່ອນ ເພື່ອຍາດເອົາເອກະລາດມາໃຫ້ປະເທດຊາດ, ພ້ອມທັງສະແດງຄວາມຮູ້ບຸນຄຸນ ແລະ ຈົ່ງຮັກພັກດີຕໍ່ຜູ້ນໍາການປະຕິວັດ, ສະມາຊິກພັກທຸກສະຫາຍ ທີ່ເສຍສະຫລະເລືອດເນື້ອເຫື່ອແຮງ, ສະຕິປັນຍາ ເພື່ອພາລະກິດປົດປ່ອຍຊາດອອກຈາກແອກປົກຄອງຂອງຈັກກະພັດຕ່າງດ້າວ.

Image may contain: one or more people, people standing, flower and outdoor

ຈາກນັ້ນ, ການນໍາຂັ້ນສູງຂອງພັກ ໄດ້ໄປວາງກະຕ່າດອກໄມ້ ຢູ່ພິພິທະພັນ ປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ ເພື່ອສະແດງຄວາມກະຕັນຍູຮູ້ບຸນຄຸນ ແລະ ຈົ່ງຮັກພັກດີ ທີ່ປະທານ ໄກສອນ ພົມວິຫານ ໄດ້ອຸທິດເຫື່ອ ແຮງ, ສະຕິປັນຍາ ຕະຫລອດຊີວິດຂອງເພີ່ນ ເຂົ້າໃນພາລະກິດປະຕິວັດ, ນໍາພາປະຊາຊົນລາວບັນດາ ເຜົ່າຕໍ່ສູ້ ຕ້ານກັບຈັກກະພັດຜູ້ຮຸກຮານ ຈົນສາມາດຍາດໄດ້ໄຊຊະຢ່າງສົມບູນ, ລົບລ້າງລະບອບຣາຊາທິປະໄຕ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນ ວາ 1975 ຢ່າງສະຫງ່າຜ່າເຜີຍ.

Image may contain: one or more people, people standing, shoes and outdoor

ການວາງພວງມະລາ ແລະ ກະຕ່າດອກໄມ້ ຂອງການນໍາຂັ້ນສູງຂອງພັກໃນຄັ້ງນີ້, ເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ ທີ່ຈະໄຂຂຶ້ນຢ່າງເປັນທາງການ ໃນລະຫວ່າງ ວັນທີ 13-15 ມັງກອນ 2021 ນີ້.ຂ່າວ: ສຸພາສະຫວັນ ສີຊະນະມຸງຄຸນ.

Image may contain: one or more people, people standing, tree and outdoor

.

Image may contain: one or more people, people standing and outdoor

ຮູບ: ອ່າຍຄໍາ ແລະ ເກດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here