ປັດຈຸບັນທົ່ວແຂວງອັດຕະປື​ ມີບຸກຄົນທີ່ມີຄຸນງາມຄວາມດີໃນພາລະກິດເຮັດການປະຕິວັດຮັບໃຊ້ຊາດ ຍື່ນຄໍາຮ້ອງຂໍນະໂຍບາຍຕ່າງໆ ຕໍ່ພັກ​ ແລະ​ ລັດຖະບານ​ ຈໍານວນ​ 9.362 ທ່ານ; ໃນນັ້ນ,​ໄດ້ປະຕິບັດນະໂຍບາຍໄປແລ້ວ​ ມີ 2.085 ທ່ານ, ​ມີມູນຄ່າ 35,7 ຕື້ກີບ, ​ຍັງບໍທັນໄດ້ປະຕິບັດ​ນະໂຍບາຍ​ ມີ 7.277 ທ່ານ,​ ລວມເປັນເງິນ 124,3 ຕື້ກີບ.​

Image may contain: 4 people, people standing

ທ່ານນາງ ອຳຄາ ສີຫາລາດ ຫົວໜ້າພະແນກແຮງງານ ແລະ​ ສະຫັວດດີການສັງຄົມ​ ແຂວງອັດຕະປື​ ໄດ້ໃຫ້ສໍາພາດເມື່ອວັນທີ 6​ ມັງກອນ​ 2021 ນີ້ວ່າ: ພັກ​ ແລະ​ ລັດຖະບານ​ ກໍຄືອໍານາດການປົກຄອງ ແຂວງອັດຕະປື​ ຍາມໃດກໍໃຫ້ຄວາມສໍາຄັນຊ່ວຍເຫລືອເບິ່ງແຍງ ຕໍ່ຜູ້ທີ່ມີຜົນງານຄຸນງາມ ຄວາມດີ ໃນພາລະກິດຮັບໃຊ້ຊາດໃນເມື່ອກ່ອນ ກໍຄືປັດຈຸບັນ ​ເຊິ່ງໄລຍະຜ່ານມາ ໄດ້ປະຕິບັດນະໂຍບາຍຕໍ່ບຸກຄົນດັ່ງກ່າວດ້ວຍຫລາຍຮູບການອັນໄດ້ເຮັດໃຫ້ຊີວິດຄອບຄົວຂອງເຂົ້າເຈົ້າດີຂຶ້ນເປັນຕົ້ນ: ນະໂຍບາຍອຸດໜູນຕໍ່ວິລະຊົນແຫ່ງຊາດ​ມີ 4​ ທ່ານເປັນເງິນ 80 ລ້ານກີບ ແລະ ນັກຮົບແຂ່ງຂັນ​ມີ 7​ ທ່ານ, ​ເປັນເງິນ 70​ ລ້ານກີບ. ​

Image may contain: 7 people, people standing

ພ້ອມດຽວກັນກໍມີຜູ້ຮ້ອງຂໍໂກຕ້າລົດຫລຸດຜ່ອນພາສີ​ ແລະ​ ປ່ຽນແທນໂກຕ້າລົດ​ ມີ​​ 249 ທ່ານ,​ ປະຕິບັດນະໂຍບາຍແລ້ວ 185 ທ່ານ, ລວມມູນຄ່າ 12,​3 ຕື້ກີບ, ​ຍັງບໍ່ທັນປະຕິບັດ 64 ທ່ານ,​ ເປັນເງິນ​ 4,6 ຕື້ກີບ ຂໍນະໂຍບາຍອຸດໜູນອອກການເຄິ່ງທາງ​ ມີ 5.​472 ທ່ານ, ໄດ້ປະຕິບັດນະໂຍບາຍແລ້ວ 963 ທ່ານ, ມູນຄ່າ 11,​6​ ຕື້ກີບ, ຍັງບໍ່ທັນໄດ້ປະຕິບັດ 4.​509 ທ່ານ, ລວມເປັນມູນຄ່າ 92,​6​ ຕື້ກີບ; ຂໍນະໂຍບາຍອຸດໜູນເສຍສະຫລະຊີວິດໃນປາງສົງຄາມມີ 2.​039 ທ່ານ, ໄດ້ປະຕິບັດນະໂຍບາຍແລ້ວມີ 758 ທ່ານ, ມູນຄ່າ 9,​5​ ຕື້ກີບ, ຍັງບໍ່ທັນໄດ້ປະຕິບັດມີ 1.​289 ທ່ານ, ມູນຄ່າ 42,​7​ ຕື້ກີບ; ຂໍນະໂຍບາຍເງິນສົມທົບປຸກສ້າງເຮືອນພະນັກງານບຳນານມີ 203 ທ່ານ, ປະຕິບັດນະໂຍບາຍແລ້ວ 119 ທ່ານ, ມູນຄ່າ 1,​7​ ຕື້ກວ່າກີບ,​ ຍັງບໍ່ທັນໄດ້ປະຕິບັດມີ 84 ທ່ານ, ມູນຄ່າ 2,​2​ ຕື້ກວ່າກີບ; ຂໍນະໂຍບາຍກິນເງິນເສຍອົງຄະຄືນໃໝ່ 61 ທ່ານ, ປະຕິບັດນະໂຍບາຍແລ້ວ 31 ທ່ານ, ຍັງບໍ່ທັນໄດ້ປະຕິບັດນະໂຍບາຍ 30 ທ່ານ; ຂໍນະໂຍບາຍປຸກສ້າງເຮືອນໃຫ້ພະນັກງານເສຍອົງຄະຢູ່ສູນ 393 ມີ​ 22​ ທ່ານ, ປະຕິບັດນະໂຍບາຍແລ້ວ​ 18​ ທ່ານ,​ ມູນຄ່າ 540 ລ້ານກີບ, ຍັງບໍ່ທັນໄດ້ປະຕິບັດນະໂຍບາຍ 3​ ທ່ານ, ມູນຄ່າ 90​ ລ້ານກີບ; ໄດ້ປຸກສ້າງເຮືອນ 4 ຫລັງ ແກ່ພະນັກງານເສຍອົງຄະພິເສດຈໍານວນ 4 ທ່ານ, ນອກນັ້ນ ໄດ້ສ້ອມແປງເຮືອນຄືນໃຫ້ພະນັກງານເສຍອົງຄະພິເສດຈໍານວນ 1 ຫລັງ, ມູນຄ່າ 200 ລ້ານກີບ.

ທ່ານນາງ​ ອໍາຄາ​ ສີຫາລາດ​ ກ່າວຕື່ມວ່າ: ໃນຕໍ່ໜ້າທາງພະແນກແຮງງານ​ ແລະ ສະຫວັດດີການສັງຄົມແຂວງ ຈະສືບຕໍ່ສົມທົບກັບພາກສ່ວນທີ່ກ່ຽວ,​ເພື່ອຄົ້ນຄວ້າໃນການປະຕິບັດນະໂຍບາຍໃຫ້ບັນດາທ່ານຜູ້ຮ້ອງຂໍນະໂຍບາຍໃນເປົ້າໝາຍ ທີ່ຍັງບໍ່ທັນໄດ້ຮັບນະໂຍບາຍໃນຂັ້ນຕໍ່ໄປ.​

ຂ່າວ: ວັດທະນາ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here