ວັນທີ 6 ມັງກອນ 2021 ນີ້, ຢູ່ຫ້ອງປະຊຸມຫ້ອງວ່າການກະ ຊວງປ້ອງກັນປະເທດ ໄດ້ມີພິທີປະກາດເລື່ອນຊັ້ນໃຫ້ນາຍທະຫານ ໂດຍການເປັນປະທານຂອງ ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າກຳມະການຄະນະປະຈຳພັກອົງການ ຮອງຫົວໜ້າຫ້ອງວ່າການກະຊວງປ້ອງກັນປະເທດ, ມີ ບັນດາຄະນະພັກ-ຄະນະບັນຊາ ອ້ອມຂ້າງຫ້ອງວ່າການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ສະຫຼອງໄຊ ໄຊຍະເສນາ ຮອງຫົວໜ້າການ ເມືອງຫ້ອງວ່າການກະຊວງປ້ອງກັນປະເທດ ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບວ່າດ້ວຍ ການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຈຳນວນ 38 ສະຫາຍຄື: ຮ້ອຍເອກຂຶ້ນພັນຕີ 16 ສະຫາຍ, ຮ້ອຍໂທຂຶ້ນຮ້ອຍເອກ 11 ສະຫາຍ, ຮ້ອຍຕີຂຶ້ນ ຮ້ອຍໂທ 9 ສະຫາຍ ແລະ ວາທີຂຶ້ນ ຮ້ອຍຕີ 2 ສະຫາຍ. ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ ໄດ້ໂອ້ລົມ ແລະ ເນັ້ນໜັກໃຫ້ພະນັກງານຜູ້ ທີ່ໄດ້ຮັບຊັ້ນໃໝ່ຈົ່ງສືບຕໍ່ເຝິກຝົນຫຼໍ່ຫຼອມຕົນເອງໃຫ້ມີຄວາມໜັກແໜ້ນທາງດ້ານການເມືອງ-ແນວ ຄິດ, ຊອກຮູ້ຮ່ຳຮຽນໃນດ້ານຕ່າງໆເພື່ອພັດທະນາຕົນເອງ ແລະ ກົມກອງ
ພ້ອມກັນນັ້ນ, ກໍຕ້ອງເສີມຂະຫຍາຍຮັດແໜ້ນ ຄວາມສາມັກຄີພາຍໃນ ແລະ ນອກກົມກອງໃຫ້ດີ. ຂ່າວໃຫ້ຮູ້ຕື່ມວ່າ: ໃນວັນທີ 8 ມັງກອນ 2021 ນີ້, ກົມໃຫຍ່ການ ເມືອງກອງທັບ ໄດ້ຈັດຕັ້ງພິທີປະ ກາດເລື່ອນຊັ້ນ, ເລື່ອນທຽບຊັ້ນ ໃຫ້ນາຍທະຫານທົ່ວກົມໃຫຍ່ ການເມືອງກອງທັບ, ໂດຍການ ເປັນປະທານຂອງ ສະຫາຍ ພັນ ເອກ ບຸນເຫຼືອ ໄຊຍະເພັນ ກຳມະການຄະນະພັກກົມໃຫຍ່ ຫົວໜ້າຫ້ອງການເມືອງກົມໃຫຍ່ການເມືອງກອງທັບ, ມີບັນດາຄະນະ ພັກ-ຄະນະບັນຊາ, ກົມ, ກອງ, ຫ້ອງການ ແລະ ນາຍທະຫານທີ່ໄດ້ຮັບການເລື່ອນຊັ້ນເຂົ້າຮ່ວມ.
ສະຫາຍ ພັນໂທ ຄອນສະຫວັນ ແກ້ວທອນຈັນ ຮອງຫົວໜ້າພະແນກພະນັກງານ ຫ້ອງການເມືອງກົມໃຫຍ່ການເມືອງກອງທັບໄດ້ຂຶ້ນຜ່ານຂໍ້ຕົກລົງວ່າດ້ວຍການ ປະດັບເລື່ອນທຽບຊັ້ນໃຫ້ນາຍ ທະຫານ ໃນນັ້ນ, ປະດັບທຽບຊັ້ນຮ້ອຍໂທຈຳນວນ 25 ສະຫາຍ, ປະດັບທຽບຊັ້ນຮ້ອຍຕີ 4 ສະຫາຍ, ເລື່ອນຊັ້ນວາທີຂຶ້ນຮ້ອຍຕີ 4 ສະຫາຍ ແລະ ເລື່ອນຊັ້ນຮ້ອຍຕີ ຂຶ້ນ ຮ້ອຍໂທ 7 ສະຫາຍ.
ໂອກາດນີ້, ສະຫາຍພັນເອກ ບຸນເຫຼືອ ໄຊຍະເພັນ ໄດ້ໂອ້ລົມ ແລະ ໃຫ້ທິດຊີ້ນຳຫຼາຍບັນຫາສຳຄັນຕໍ່ນາຍທະຫານທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້, ພ້ອມທັງເນັ້ນໜັກໃຫ້ແຕ່ລະສະຫາຍ ສືບຕໍ່ເພີ່ມທະວີຄວາມສາມັກຄີໃຫ້ເປັນປຶກແຜ່ນແໜ້ນໜ້າປັບປຸງແບບແຜນວິທີເຮັດວຽກແບບມີວິທະຍາສາດສອດຄ່ອງກັບໜ້າທີ່ການເມືອງຂອງຕົນ, ເປັນແບບຢ່າງໃນການເຝິກຝົນຫຼໍ່ຫຼອມຕົນເອງຢ່າງຮອບດ້ານ, ເອົາໃຈໃສ່ຕັ້ງໜ້າເຮັດວຽກງານວິຊາສະເພາະຂອງຕົນຕາມການຈັດຕັ້ງມອບໝາຍໃຫ້ມີຄຸນນະພາບສູງ.
ໂດຍ: ອານຸສອນ
