Home ຂ່າວສານບ້ານເມືອງ ສວຍງາມດ້ວຍຄຸນຄ່າ ແລະ ວັດທະນະທໍາ ວັດວາອາຮາມທີ່ ນະຄອນ ຫຼວງພະບາງ

ສວຍງາມດ້ວຍຄຸນຄ່າ ແລະ ວັດທະນະທໍາ ວັດວາອາຮາມທີ່ ນະຄອນ ຫຼວງພະບາງ

0
ສວຍງາມດ້ວຍຄຸນຄ່າ ແລະ ວັດທະນະທໍາ ວັດວາອາຮາມທີ່ ນະຄອນ ຫຼວງພະບາງ

ຫາກທ່ານໄດ້ີໂອກາດເດີນທາງມາ ນະຄອນ ຫລວງພຣະບາງ ກໍ່ຢາກເຊີນຊວນ ທຸກທ່ານໄດ້ມີໂອກາດມາທ່ຽວຊົມ ແລະ ສັກກະລະບຸຊາ ວັດຕ່າງໆ ທີ່ມີຢູ່ຢ່າງຫຼວງຫຼາຍ ໃນນະຄອນ ແຫ່ງນີ້. ພວກເຮົາມາເບິ່ງຂໍ້ມູນວັດບາງສ່ວນ ທີ່ Keosavanh Priest ໄດ້ສັງຮວມມາໃຫ້ທຸກທ່ານໄດ້ຮຽນຮູ້.

ວັດ​ຊຽງ​ທອງ: ເປັນ​ວັດ​ທີ່​ເກົ່າ​ແກ່​ ແລະ ສວຍ​ງາມ​ໃນ​ຫລວງ​ພະ​ບາງ, ​ເປັນ​ວັດ​ທີ່​ພຣະບາດສົມເດັດພຣະ​ເຈົ້າມະຫາຊີວິດ​ ໃສ່​ພຣະໄທ່ຖະນຸບໍາລຸງ​ເປັນ​ພິ​ເສດ ແມ່ນ​ແຕ່​ພຣະບາດສົມເດັດພຣະເຈົ້າມະຫາຊີວິດ​ຈະ​ສະເດັດໄປ ​ຫລື​ ສະເດັດກັບ​ ຈາກ​ຕ່າງປະ​ເທດ​ກໍ​ຕ້ອງ​ສະເດັດມາ​ຜ່ານ​ວັດ​ນີ້ຮັບ​ສູດ​ໄຊ​ຍັນ​ໂຕ (ບາງຄັງ) ພຣະອົງຄ໌ຈິ່ງ​ຈະ​ສະເດັດອອກ​ເມືອງ ​ຫລື​ ສະເດັດກັບ​ເຂົ້າສູ່​ພຣະລາດ​ຊະ​ວັງ​. ວັດ​ຊຽງ​ທອງ​ນີ້ສ້າງ​ຂຶ້ນ​ໃນ​ປີ ຄ.ສ ໑໕໕໙-໑໕໖໐ (1559-1560) ​ໃນ​ຣາຊສະການ​ຂອງ​ ພຣະບາດສົມເດັດພຣະເຈົ້າມະຫາຊີວິດ​ໄຊ​ເສດ​ຖາ​ທິລາດມະຫາຣາຊ ​

Image may contain: sky, cloud, outdoor and nature
ວັດຊຽງທອງ

ວັດ ຊຽງແມນ: ຕັ້ງຢູ່ບ້ານຊຽງແມນ ເມືອງຈອມເພັດ ນະຄອນຫຼວງພະບາງ, ສ້າງ​ຂຶ້ນ​ໃນປີ ຄ.ສ ໑໕໙໒(1592 ​) ໃນ​ລາດຊະ​ການ​ຂອງ​ ພຣະບາດສົມເດັດພຣະເຈົ້າມະຫາຊີວິດໜໍ່​​ແກ້ວ​(ພຣະບຸຕຣຊາຍ​ຂອງ​ ພຣະບາດສົມເດັດພຣະເຈົ້າ​ມະຫາຊີວິດໄຊ​ເສດຖາ​ທິລາດມະຫາຣາຊ). ມາ​ຮອດ ຄ.ສ ໑໙໒໗(1927) ທ່ານ ທິດ​ພູມີ​ ພ້ອມ​ດ້ວຍ​ຄອບຄົວ, ພຣະສົງ​ສາມະ​ເນນ​ ແລະ​ປະຊາຊົນ​ ບ້ານ​ຊຽງ​ແມນ​ໄດ້​ປະຕິສັງ​ຂອນ​ຄືນ​ໃໝ່.

Image may contain: outdoor
ວັດຊຽງແມນ

ວັດ​ປ່າ​ຝາງ ຫລື​ ວັດ​ຊຽງ​ງາມ: ຊຽງງາມໝາຍຄວາມ​ວ່າ​ວັດ​ຂອງ​ເມືອງ​ທີ່​ງົດ​ງາມ ,ນະຄອນອັນງາມ ສ້າງ​ຂຶ້ນ​ໃນ ຄ.ສ ໑໗໙໙ (1799) ຜູ້​ສ້າງ​​ ແສນ​ມີ​ຊາ ​ໃນ​ລາດຊະ​ການ​ຂອງ​ພຣະບາດສົມເດັດພຣະເຈົ້າມະຫາຊີວິດອານຸລຸດ. ທ່ານຕ້ອງໄດ້ຂີ່ເຮືອຂ້າມນໍ້າຂອງໄປຝັ່ງ ເມືອງຈອມເພັດເພື່ອທ່ຽວຊົມວັດດັ່ງກ່າວ.

Image may contain: sky, cloud, tree, outdoor and nature
ວັດປ່າຝາງ

ວັດ​ປາກ​ຄານ : ວັດ​ນີ້​ຕັ້ງຢູ່​ແຄມ ​ປາກ​ແມ່ນ້ຳຄານ ຈິງເອີນວ່າວັດປາກຄານສ້າງ​ຂຶ້ນ​ເມື່ອປີ ຄ.ສ ໑໗໔໗(1737 ) ສ້າງ​ໂດ​ຍພະຍາ​ຈັນ​ເທບ ​ໃນ​ລາດຊະ​ການ​ຂອງ ພຣະບາດສົມເດັດພຣະ​ເຈົ້າມະຫາຊີວິດ ອິນທະ​ໂສມ

Image may contain: outdoor
ວັດປາກຄານ

ວັດແສນສຸຂາຣາມ : ເປັນວັດທີສ້າງໃນສະຕະວັດທີ ໑໕(15)(ສະໄຫມພຣະເຈົ້າສຸວັນນະບັນລັງ). ຕໍ່ມາໄດ້ສ້າງວັດໃຫມ່ກ່ວມວັດເກົ່າໃນປີ ຄ.ສ ໑໗໑໘ (1718) ໃນລາດສະການຂອງ ພຣະບາດສົມເດັດພຣະເຈົ້າມະຫາຊີວິດກິ່ງກິດສະຣາຊ ແລະມີການສອມແປ່ງມາເລີຍໆ. ຄັ່ງສຳຄັນແມ່ນຄັ້ງທີ່ ພຣະຫຼັກຄຳວິຣະສຸດທິຄຸນ(ສາທຸໃຫຍ່ຄຳຈັນວິຣະຈິດ)ນັກບຸນແຫ່ງເມືອງລາວ ດຳລົງຕຳແໜ່ງເປັນເຈົ້າອະທິການວັດ ໄດ້ມີການບູລະນະທັງວັດ ແລະຖືວ່າເປັນພຣະນັກພັດທະນາ ຊ່ອຍແບ່ງເບົ່າ ພາລະໃຫ້ທາງບ້ານເມືອງ ແລະພັກລັດໃນການຫາງົບມາບຸລະນະວັດ. ເພາະລາວໄດ້ບຸລະນະວັດເປັນຈຳນວນຫຼາຍໃນຫລວງພຣະບາງ ແລະພາກເໜື່ອຂອງລາວ

Image may contain: one or more people and outdoor
ວັດແສນ

ວັດວິຊຸນນະຣາຊ : ແມ່ນສ້າງຂຶ້ນໃສ່ນາໄຮ່ດຽວ ຫລືນາເຂົ້າຈ້າວ ໃນເດືອນ 6 ຂຶ້ນ 2 ຄ່ຳມື້ຮວາຍຍີ ຍາມມື້ເຊົ້າ ປີເຕົ້າສັນ ຈ.ສ 874

  • – ຈ.ສ 875 ມີພິທີອະຣາດທະນາພຣະບາງຈາກວັດມະໂນຣົມ ມາປະດິດສະຖານໄວ້ທີວັດວິຊຸນນະຣາຊ.
  • – ພຣະເຈົ້າວິຊຸນນະຣາຊ ຄອງຣາຊສົມບັດໄດ້ 20 ປີ ມີພຣະຊົນພັນສາໄດ້ 52 ປີ ກໍ່ສະຫວັນນະຄົດ ໃນວັນສຸກ ເດືອນ 12 ຂຶ້ນ 12 ຄຳ ປີກົດສີ ຈສ 882
  • – ປີກ່າມົດ ຈສ 885 ພຣະເຈົ້າໂພທິສາຣະນະຣິນທາທິຣາຊ ພຣະຣາຊໂອຣົສທົງແຕ່ຣາຊທູດໄປຂໍເອົາພຣະແຊກຄຳ ນຳພຣະເຈົ້າຊຽງໃຫມ່ ມະຫາພົມມະຣາຊພຣະເມືອງເກສເກົ້າຜູ້ເປັນທີ 2 ພໍ່ເມຍມາໄວ້ເປັນຄູ່ພຣະບາງ ທາງເມືອງຊຽງໃຫມ່ໄດ້ແຕ່ງໃຫ້ພຣະເທພມົງຄຸລເຖຣະເປັນຜູ້ນຳມາພ້ອມດ້ວຍພຣະໄຕຣປີດົກ 60 ຄັມພີ.
  • – ພຣະເຈົ້າໂພທິສາຣະຣາຊ ສະເດັດອຸປະສົມບົທຜະນວຊທີວັດແ່ຫ່ງນີ້ໃນປີຮັບເຮົ້າ ຈ.ສ 887.
  • – ປີເບີກສັນ ຈ.ສ 910 ພຣະເຈົ້າໄຊຍະເສດຖາທິຣາຊ ໄດ້ອະຣາດທະນາ ພຣະມະຫາມະນີຣັດຕະນະພູທທະປະຕິມາກອນແກ້ວມໍຣະກົຕ ກັບພຣະພຸທທະບຸດສະຍະຣັດຕະນະຈັກພັດຕິພິມົນມະນີມັຍ ຄືພຣະແກ້ວຂາວ ຫລືພຣະຈັນຣັຕຕະນະ ຈາກເມືອງຊຽງໃຫມ່ມາພ້ອມພຣະອົງ ແລະອັນເຊີນປະດິດສະຖານໄວ້ທີວັດວິຊຸນນະຣາຊແຫ່ງນີ້.

ຂໍ້ມູນຂໍ້ຂອບໃຈຈາກເຟສປຸກ ນະຄອນຫລວງພຣະບາງ Luangprabangcity

Image may contain: sky, cloud, house and outdoor
ວັດວິຊຸນ

ວັດ​ສົບ ສິກຂາຣາມ : ສ້າງ​ຂຶ້ນ​ໃນປີ ຄ.ສ ໑໔໘໑ (1481) ສ້າງໂດຍ​ພຣະ​ຣາຊສັດທາຂອງ ພຣະບາດສົມເດັດພຣະເຈົ້າ​ມະຫາຊີວິດແທ່ນ​ຄຳ.ເພື່ອ​ເປັນ​ພຣະອານຸສອນ​ໃຫ້ພຣະ​ລາດຊະບິດາ​ຂອງ​ພຣະ​ອົງ​ຄ໌ ຄືພຣະບາດສົມເດັດພຣະ​ເຈົ້າມະຫາຊີວິດຈັກກະພັດ​ຜ່ານ​ແຜ້ວ. ມາ​ຮອດ ປີ ຄ.ສ ໑໙໐໙ (1909 ​)ໄດ້​ສ້ອມ​ແປງ​ໃໝ່ໝົດຕາມ​ຮູບແບບເກົ່າ. ປີຄ.ສ ໑໙໕໐(1950​) ໄດ້​ຕໍ່ຄ່າແປ(ສ້າງລະບຽງ​)ສອງ​ຂ້າງ.

Image may contain: sky and outdoor
ວັດສົບ

ວັດ​ຊຽງ​ມ່ວນ : ສ້າງ​ໃນປີ ຄ.ສ ໑໘໕໓ (1853 )ສ້າງ​ໂດ​ຍພຣະຍາ​ສີ​ສົນ​ໄຊ​ ໃນລາດຊະ​ການ​ຂອງ​ ສົມເດັດພຣະເຈົ້າມະຫາຊີວິດຈັນທະ​ລາດ. ມາ​ຮອດ​ປີ ຄ.ສ ໑໙໖໔ (1964​ )ໄດ້​ມີ​ການ​ສ້ອມ​​ແປງ​ຄືນ.ຄຳວ່າຊຽງມວນແປ່ເປັນຄຳລາວຍຸກໃຫມ່ວ່າ ເມືອງອັນມ່ວນຊື່ນ ຫຼື ນະຄອນອັນມ່ວນຊື່ນ

Image may contain: sky, cloud and outdoor
ວັດຊຽງມ່ວນ

ວັດໃໝ່ ສຸວັນນະພູມມາຣາມ : ຊື່​ເດີ່ມແທ້​ຂອງ​ວັດ​ນີ້​ຊື່ວ່າ ວັດ​ສີ​ສຸວັນນະ​ພູມ​ມາຣາມ ​ເພາະ​ວັດ​ນີ້​ສ້າງ​ໃສ່​ວັດ​ເກົ່າ​(ບູລະນະ)ທີ່​ມີ​ຊື່ວ່າ ວັດ​ສີ​ພູມ.

  • ວັດນີ້​ສ້າງ​ໃໜ່ຂຶ້ນ​ເມື່ອປີ ຄ.ສ ໑໗໙໖ (1796) ໃນ​ລາດຊະ​ການ​ຂອງ​ ພຣະບາດສົມເດັດພຣະເຈົ້າມະຫາຊີວິດອານຸຣຸດ
  • ປີ ຄ.ສ ໑໘໒໑ (1821) ​ພຣະເຈົ້າມັນ​ທາຕຸ​ລາດ​ລູກ​ຊາຍ​ໄດ້​ປະດິດ​ສັງ​ຂອນ​ຄືນ​ໃໝ່.
  • ປີ ຄ.ສ ໑໘໙໑ (1891) ​ພຣະບາດສົມເດັດພຣະເຈົ້າມະຫາຊີວິດ​ສັກກະ​ລິນ​ ໄດ້​​ໃຫ້ປະດັບ​ປະດາ​ຕົບ​ແຕ່​ງຄືນ​​ໃໝ່.
  • ປີ ຄ.ສ ໑໘໙໔ (1894) ພຣະ​ມະຫາລາດ​ຊະ​ຄຣູຕັນ​ ໄດ້​ຖືກ​ແຕ່ງຕັ້ງ​ເປັນ​ພະ​ສົມ​ເດັດ​ພະ​ສັງຄະ​ລາດ​ແຫ່ງ​ລາດ​ຊະ​ອານາຈັກ​ລາວລ້ານຊ້າງຫລວງ​ພຣະບາງ.​ໃນ​ປີ​ດຽວ​ກັນ​ນີ້​ ພຣະບາດສົມເດັດພຣະເຈົ້າມະຫາຊີວິດ​ສັກກະ​ລິນ​ ໄດ້​ອັນເຊີນ​ພຣະ​ບາງ​ ຈາກ​ວັດ​ວິ​ຊຸນ​ນະຣາຊ ມາ​ປະດິດສະຖານ​ຢູ່​ວັດ​ແຫ່ງ​ນີ້ ​ແລ​ະ ນັບ​ແຕ່​ນັ້ນມາ​ຈິ່ງ​ເອົາ​ອາ​ຮາມ​ວັດ​ໃໝ່​ ເປັນ​ບ່ອນ​ສະເວີຍນ້ຳ​ພິພັດ​ສັດຈະ(ນ້ຳສາບານ​) ຕໍ່ໜ້າ​ພະ​ບາງ​ແຕ່ລະ​ປີ​ ທັງ​ເປັນ​ບ່ອນ​ປະ​ທັບ​ຂອງ​ສົມ​ເດັດ​ພະ​ສັງຄະ​ຣາດ​ແຫ່ງ​ພຣະລາດຊະອານາຈັກລາວ​ຈົນ​ຮອດປີ ຄ.ສ ໑໙໗໗ (1977) ສົມ​ເດັດ​ພະ​ສັງຄະ​ຣາດ​ພຣະອົງສຸດ​ທ້າຍຂອງລາວ ພຣະອົງຄ໌ສະເດັດໄປປຣະທັບໃນປະເທດ​ໄທຍ ແລະ ​ສະເດັດຫວັນນະຄົດທີ່ປະເທດໄທຍໃນ​ປີ ຄ.ສ ໑໙໘໔ (1986 ).
Image may contain: house, sky and outdoor
ວັດໃໝ່

ວັດ​ໂພນ​ໄຊ ຊະນະ​ສົງຄາມ​ : ສ້າງ​ຂຶ້ນ​ໃນ ຄ.ສ ໑໗໙໑ (1791) ສ້າງ​ໂດຍ​ສົມເດັດພຣະເຈົ້າມະຫາຊີວິດອານຸລຸດ ຮູບຊົງ​ແບບ​ຫລວງ​ພຣະບາງ. ປີ ຄ.ສ ໑໙໗໐-໑໙໗໗ ( 1970-1977) ​ໄດ​້ມີ​ການ​ສ້ອມ​ແປງ​ຄືນ​ພາຍ​ໃຕ້​ການ​ນຳພາ​ຂອງ​ສົມເດັດພຣະ​ສັງຄະ​ລາດ. ຊື່ວັດໄດ້ເອີນຕາມ​ຄວາມສັດທາ​ຕໍ່ຄວາມ​ສັກສິດ​ຂອງ​ພະ​ເຈົ້າ​ໃຫຍ່​ ເຊິງ​ສົມເດັດພຣະເຈົ້າມະຫາຊີວິດຫລາຍ​ພຣະ​ອົງ ​ແລະ​ ທ້າວ​ຂຸນ​ທັງຫລາຍ​ຈະ​ຕ້ອງ​ໄດ້​ມາ​ນົບໄຫວ່ກ່ອນ​ຈະ​ອອກ​ສູ່​ສົງຄາມ

Image may contain: sky and outdoor
ວັດໂພນໄຊ

ວັດ ອາຮາມ : ສ້າງຂຶ້ນໃນ ປີ ຄ.ສ ໑໘໒໒ (1822 )ໃນລາດຊະການຂອງສົມເດັດພຣະເຈົ້າມະຫາຊີວິດມັນທາຕຸລາດ ເປັນແບບສິມທຳມະດາ(ສິມລາດ)ຂອງລາວລ້ານຊ້າງ. ໃນປີຄ.ສ ໑໙໔໑ (1931)ໄດ້ມີການສ້ອມແປງຄືນ.ສະຖານ​ທີ່​ດັ່ງກ່າວ​ເປັນອີກບ່ອນທີ່ໃຊ້ເປັນທີ່ໄວ້​ຜີຟ້າ ແລະເພື່ອ​ເປັນ​ຫໍ​ໄຫວ້​ເຈົ້າຮັກສາຫລັກ​ເມືອງ (ປູ່​ເຍີ​ຍ່າ​ເຍີ).

Image may contain: sky, outdoor and nature
ວັດອາຮາມ

ວັດໝື່ນນາ ຊົມພູທາຣາມ : ສ້າງ​ຂຶ້ນ​ໃນປີ ຄ.ສ 1822 ສ້າງ​ໂດຍ ​ສົມເດັດພຣະ​ເຈົ້າມະຫາຊີວິດມັນ​ທາຕຸ​ລາດ. ສ້ອມ​ແປງ​ຄືນ​ໃນ ຄ.ສ 1920

Image may contain: sky and outdoor
ວັດໝື່ນນາ

ວັດ ສຸວັນນະຄີລີ : ສ້າງໃນ​ປີ ຄ.ສ ໑໗໗໓ (1773 )ສ້າງ​ໂດຍ​ ເຈົ້າຟ້າຊາຍ​ລາວພວນ ໃນ​ລາດຊະ​ການ​ຂອງ ​ສົມເດັດພຣະ​ເຈົ້າມະຫາຊີວິດອິນທະ​ໂສມ. ສ້າງຂຶ້ນຕາມ​ແບບ​ສີລະປະຂອງ​ລາວພວນ​. ມາ​ຮອດ ຄ.ສ ໑໙໓໐ (1930​ )ໄດ້​ມີ​ການ​ປະດິດ​ສັງ​ຂອນຄືນ​ໃຫມ່.ຊື່ວັດມີ​ຄວາມ​ໝາຍໃນພາສາລາວວ່າ​ ພູ​ຜາຄຳ 

Image may contain: outdoor
ວັດຄີລີ

ວັດ​ຈຸ​ມຄ້ອງ : ສ້າງ​ຂຶ້ນ​ໃນ ຄ.ສ ໑໘໔໓ (1843) ສ້າງ​ໂດຍ​ສາທຸແກ້ວ ໃນ​ລາດຊະ​ການ​ຂອງ​ ສົມເດັດພຣະມະຫາຊີວິດເຈົ້າສຸກ​ກະ​ເສີມ.​ ໃນປີ ຄ.ສ ໑໙໓໓-໑໙໕໑-໑໙໖໓ (1933-1951-1963​) ໄດ້​ສ້ອມ​ແປງ​ຄືນ​ໃໝ່​ ໂດຍ: ພະ​ແນ​ກວັດທະນະທຳ ຮ່ວມກັບ ພຣະຈັນ​ທາ ຈັນທະ​ໂພ ແລະພຣະຫຸ​ມ​ແພງ ​ເຮ​ມະ​ປັນ​ໂຍ.ຊື່ວັດໄດ້ມາຈາກການທີ່ເອົາ​ຈູມ​ຄ້ອງ​ມາ​ຫລໍ່​ເປັນ​ພະພຸດທະ​ຮູບ​ຂອງ​ວັດ​ ເລີຍເອີນວັດຈູມຄອງ

Image may contain: outdoor
ວັດ ຈູມຄ້ອງ

ວັດ ໜອງສີຄຸນເມືອງ : ເມື່ອກ່ອນວັດນີ້ຊື່ວ່າ ວັດສີຄຸນເມືອງສ້າງເມື່ອປີ ຄ.ສ ໑໙໒໗(1729). ເປັນວັດໃຫຍ່ ມີມໍລະດົກທາງດ້ານ ສະຖາປັດຕະຍະກໍາສິນ,ປະຕິມາກຳສິນ ແລະວິຈິດຕະກໍາສິນ. ວັດນີ້ໄດ້ເຄີຍຖືກໄຟໄໝ້ໃນປີ ຄ.ສ ໑໗໗໔(1774) ໃນມືສັງຂານຂຶ້ນປີໃຫມ່ລາວ, ຫຼາຍຢ່າງໃນວັດໄດ້ສູນເສຍໄປເປັນຈຳນວນຫຼາຍ. ປີ ຄ.ສ ໑໘໐໔ (1804) ໄດ້ປະດິດສັງຂອນຄືນໃຫມ່, ເທື່ອນີ້ໄດ້ປະດິດສັງຂອນກວມເອົາໜອງໃນບໍລິເວນວັດເລີຍເອີ້ນວ່າວັດໜອງ. ປີ ຄ.ສ ໑໙໖໔ (1964) ເຈົ້າອະທິການວັດ ແລະປະຊາຊົນບ້ານວັດໜອງຈຶ່ງໄດ້ພາກັນບູລະນະຄືນອີກ.

ຢູ່ໃນອາຮາມວັດ ມີພະພຸດທະຮູບທອງສໍາລິດຢູ່ອົງໜຶ່ງໜັກ 120 ກິໂລກຼາມ.ຕາມປະຫວັດບອກວ່າ ພະພຸດທະຮູບອົງນີ້ ມີຄວາມສຳຄັນສົມຄວນ, ເພາະວ່າຕອນໄຟໄຫມ້ ວັດນັ້ນອາຮາມນີ້ ຖືກໄຟໄຫມ້ ເກືອບຫມົດຄົງຍັງເຫຼືອແຕ່ຝາອາຮາມເບື້ອງຫລັງເທົ່ານັ້ນ ແຕ່ພຣະພຸດທະຮູບບໍ່ເປັນຍັງນີ້ສະແດງໃຫ້ເຫັນວິທີການຫຼໍ່ໂລຫະລາວບູຮານນັ້ນມີຄວາມຍອດຍຽມທົນທານ ແລະ ພຣະອົງນີ້ມີຄວາມງົດງາມຂອງສີລະປະລາວຊັ້ນສ້າງຫລວງອີກດ້ວຍ. ດັ່ງນັ້ນພຣະພຸດທະຮູບນີ້ຈຶ່ງໄດ້ ຮັບການສັກກະລະບູຊາ,ຮັກສາໄວ້ຢ່າງດີແກ່ປະຊາຊົນລາວພຸດ ແລະ ພຸດທະສາສະນິກະຊົນ.ປັຈຈຸບັນແມ່ນພຣະອາຈານທອງຂາວ ເປັນເຈົ້າອະທິການວັດ.

Image may contain: sky and outdoor
ວັດໜອງ

ວັດ​ສີສະຫວັນເທວະໂລກ ຫລື ວັດສັງຄະ​ໂລກ : ສ້າງ​ໃນ ຄ.ສ ໑໕໒໗(1527 )ໃນລາດຊະ​ການ​ຂອງ​ພຣະບາດສົມເດັດພຣະເຈົ້າ​ມະຫາຊີວິດໂພທິ​ສະລາດ (ພຣະບາດສົມເດັດພຣະມະຫາກະສັດຜູຊົງພຣະສັດທາຍິ້ງໃນຄຳສອນພຸດທະເຈົ້າ).​ ໃນປີ ຄ.ສ ໑໙໐໙(1909​ )ໄດ້​ສ້ອມ​ແປງ​ຄືນ ​ໂດຍ​ພຣະຣາຊສັດທາຂອງ ພຣະບາດສົມເດັດພຣະ​ເຈົ້າມະຫາຊີວິດສີສະ​ຫວ່າງ​ວົງ.
ວັດ​ນີ້ສ້າງ​ໃສ່​ໜອງ​ແຫ່ງ​ໜຶ່ງ​ເຊິ່ງ​ເຄີຍເປັນ​ທີ່ຢູ່​ຂອງ​ສັ່ງ​ເງືອກ ແລະ ຍັງເປັນທີ່ຕັງຂອງຫໍຜາສາດ(ຫໍຜີຫລວງ)ນັບແຕ່ ພຣະເຈົ້າຂຸນລໍ ພຣະປະຖົມກະສັຕຣິຍ໌ແຫ່ງຣາຊອານາຈັກຣ ລາວລ້ານຊ້າງ. ເປັນ​ສະຖານ​ທີ່​ສຳຄັນ​ຂອງ​ການສະ​ເຫຼີ​ມສະຫຼອງ​ປີ​ໃໝ່ລາວ. ພຣະບາດສົມເດັດພຣະເຈົ້າມະຫາຊີວິດຜູ້ປົກຄອງ​ອານາຈັກລາວເວລາ​ນັ້ນ​ຈະຕ້ອງໄດ້​ສະເດັດໄປ​ຮ່ວມ​ຫົງສົ່ງ​ພະພຸດທະ​ຮູບ​ ແລະ​ຊົງທອດພຣະເນດການ​ຟ້ອນ​ສະຫຼອງຂອງ​ປູ່​ເຍີ​ຍ່າ​ເຍີ​.

Image may contain: sky, cloud, house and outdoor
ວັດສັງຄະໂລກ

ວັດ​ສີຣິມຸງຄຸນ ໄຊຍາຣາມ : ສ້າງ​ໃນ ຄ.ສ 1763 ສັດທາສ້າງ​ໂດຍ​ເພ​ຍກັງ​ມຸງຄຸນ​ ໃນ​ລາດຊະ​ການ​ຂອງພຣະບາດສົມເດັດພຣະເຈົ້າມະຫາຊີວິດ ​ໂຊຕິ​ກຸມມານ. ມາ​ຮອດ​ປີ 1931 ​ໄດ້​ມີການປະດິດ​ສັງ​ຂອນ​ຄືນ​ໃໝ່. ຊື່ຂອງວັດນັ້ນອາດ​ໄດ້​ຊື່​ມາ​ຈາກ ​ຊື່​ເພຍກັງມຸງຄຸນ

Image may contain: sky, cloud and outdoor
ວັດສີຣິມຸງຄຸນ

ວັດ​ ສີ​ບຸນ​ເຮືອງ : ສ້າງ​ຂຶ້ນ​ໃນປີ ຄ.ສ 1757-1758 ສ້າງ​ໃນ​ລາດສະການ ພຣະ​ພຣະບາດສົມເດັດພຣະເຈົ້າ​ມະຫາຊີວິດໂຊຕິ​ກຸມມານ. ​ເປັນ​ແບບ​ໜຶ່ງຂອງວັດ​ລາວດັ້ງ​ເດີມ​ ຕີນ​ຖານ​ສູງ ຫລັງຄາ​​ແບບທຳມະ​ດາ.

Image may contain: outdoor
ວັດສີບຸນເຮືອງ

ວັດ​ ທາດ​ນ້ອຍ : ສ້າງ​ໃນປີ ຄ.ສ 1548 ​ສ້າງ​ໂດຍ​ພຣະຣາຊສັດທາຂອງພຣະບາດສົມເດັດພຣະເຈົ້າ​ມະຫາຊີວິດໄຊ​ເສດ​ຖາ​ທິລາດມະຫາຣາດ.​ ໃນ ຄ.ສ ໑໙໐໐ (1900) ຖືກ​ລົມພະຍຸ​ພັດ ​ແລະ​ໃນ ຄ.ສ ໑໙໐໗-໑໙໐໑໐ (1907-1910 ) ສ້ອມ​ແປງ​ຄືນ. ວັດນີ້​ເປັນ​ສະຖານ​ທີ່​ຈັດຕັ້ງສະ​ເຫຼີມສະຫຼອງ​ບຸນປີ​ໃໝ່ລາວ​ທຸກໆປີ.

No photo description available.
ວັດທາດນ້ອຍ

ວັດ ລ້ອງຄູນ: ສ້າງ​ຂຶ້ນ​ໃນ ຄ.ສ ໑໗໙໑ (1791) ​ໃນ​ລາດຊະ​ການ​ຂອງ​ພຣະບາດສົມເດັດພຣະເຈົ້າມະຫາຊີວິດອານຸລຸດ. ມາ​ເຖິງ ຄ.ສ ໑໘໖໙ (1869) ​ໄດ​ປະດິດ​ສັງ​ຂອນ​ຄືນ​ໃໝ່,ອາ​ຮາມ​ວັດ​ສ້າງ​ຂຶ້ນ ​ໃນສອງສະ​ໄໝຕ່າງ​ກັນພາກສ່ວນ​ຫລັງຄາ​ສອງ​ຊັ້ນຊ້ອນ​ທັບ​ກັນ​ດ້ານຫຼັງສ້າງແຕ່ເດີ່ມ .ພາກສ່ວນ​ທາງ​ໜ້າ​ແມ່ນ​ສ້າງ​ຂຶ້ນ​ໃໝ່ໃນປີ ຄ.ສ ໑໙໓໗ (1937). ຢູ່​ຝາ​ດ້ານ​ໜ້າ​ສອງ​ຟາກ​ປະຕູ ມີ​ຮູບ​ແຕ້ມ​ນັກຮົບ​ອ້າຍລາວ ສອງ​ຄົນ,​ເພື່ອ​ເປັນ​ທີລະ​ລຶກຕາມ​ການ​ເລົ່າ​ລື​ກັນ​ວ່າ​ຄົນ​ລາວ​ສ່ວນໜຶ່ງຍາຍລົງ​ມາ​ຈາກ​ອານາ​ຈັກໜ້ອງ​ແສ.

ວັດ​ນີ້ຢູ່​ຝ່າກນ້ຳຂອງກົ່ງກັນຂ້າມ​ກັບ​ວັດ​ຊຽງ​ທ​ອງ. ວັດນີ້ມີ​ຄວາມ​ສຳຄັນ​ໃນ​ພຣະລາດ​ຊະ​ພິທີ​ສະເດັດຂື້ນສະ​ເຫວີຍ​ລາດ​ຊະ​ບັນລັງ​ຂອງ​ພຣະບາດສົມເດັດພຣະເຈົ້າມະຫາຊີວິດ​ລາວລ້ານ​ຊ້າງ​ຫລວງ​ພຣະບາງ.ກ່ອນ​ຈະ​ສະເດັດຂຶ້ນຄອງ​ລາດ​ແຕ່ລະ​ພຣະອົງຕ້ອງ​ໄດ້​ສະເດັດໄປ​ບວດ​ຂາວ 3 ມື ປຣະທັບຢູ່ວັດ​ແຫ່ງ​ນີ້​ແລ້ວ​ຈຶ່ງ​ສະເດັດມາ​ສູດ​ມຸງຄຸນ​ຢູ່​ດອນ​ຊາຍ​ມຸງຄຸນ​ແລ້ວ​ສະເດັດຂຶ້ນ​ວັດ​ຊຽງ​ທອງ​ເຮັດລາດສະພິທີ​ໄຫວ້​ພຣະ​ຮັບ​ສິນ​ຈາກ​ນັ້ນ​ສະເດັດໄປ​ເຮັດພິທີ​ສະເຫວີຍ​ລາດ ທີ່ພຣະລາດ​ຊະ​ວັງ.

Image may contain: outdoor and nature
ວັດລ້ອງຄູນ

ວັດ​ ປ່າ​ໄຜ່: ສ້າງ​ຂຶ້ນ​ໃນ ຄ.ສ ໑໗໖໕(1765) ​ແລະ໑໗໙໑(1791). ໑໘໑໕(1815 ) ສ້າງ​​ໂດຍ​ພຣະຣາຊສັດທາຂອງພຣະບາດສົມເດັດພຣະເຈົ້າມະຫາຊີວິດສຸລິຍະ​ວົງສາ (ລຸຍ​ຟີ​ໂນ​, ຮ.ປາກ​ມັງ​ຈີ​ເອ).​ ໃນ ຄ.ສ ໑໙໓໒(1932​ )ໄດ້​ສ້ອມ​ແປງ​ຄັ້ງທີ່​ໜຶ່ງ ​ແລະ​ ທີ່​ສອງ​ແມ່ນ​ປີ ຄ.ສ ໑໙໖໖(1966) ​ແລະ ໑໙໖໙(1969).ຊື່ວັດອາດ​ຕັ້ງຕາມສະຖານ​ທີ່​ຂອງ​ວັດຕັ້ງຢູ່​ແຕ່​ກ່ອນ​ແມ່ນ​ປ່າ​​ໄມ້ໄຜ່,

Image may contain: outdoor
ວັດປ່າໄຜ່

ວັດ​ ຫໍ​ສ່ຽງ : ​ສ້າງ​ຂຶ້ນ​ໃນ ຄ.ສ ໑໗໐໕-໑໗໐໙ (1705-1709) ສ້າງ​ໂດຍ ກວ້ານ​​ແສນ​ມື​ຊາ(ຖ້າຂຽນຊື່ຜິດຂໍ້ອະໄພ). ປີ ໑໙໐໐(1900 )ຖືກ​ພະຍຸ​ພັດ ​ແລະ ​ແປງຄືນໃນ ຄ.ສ ໑໙໒໓(1923) ຕໍ່​ມາ ຄ.ສ ໑໙໕໒ (1952​) ໄດ້​ສ້າງ​ລະບຽງ​ສອງ​ຟາ​ກອ້ອມ​ຮອບ.​ ໃນ ຄ.ສ ໑໙໗໓ (1973 ) ກໍມີສ້ອມ​ແປງ​

Image may contain: cloud, sky and outdoor
ວັດຫໍສ່ຽງ

ວັດ​ ອາ​ໄພ : ຫລັງ​ຈາກ​ສ້າງ​ສຳ​ເລັດ​ເອີ້ນວ່າ​ວັດ ​ໄຫ​ໄພ​ປາ​ແດກ​ ສ້າງ​ໃນ ຄ.ສ ໑໕໒໙(1529). ສ້າງ​ໂດຍພໍ່ຄ້າ​ປາ​ແດກ ​ໃນ​ລາດຊະ​ການ​ພຣະບາດສົມເດັດພຣະເຈົ້າ​ມະຫາຊີວິດໂພທິ​ສະ​ລາດ. ໄດ້ມີສ້ອມ​ແປງ​ໃນ ຄ.ສ ໑໙໒໓ (1923​) ໂດຍ​ພະຍາໝື່ນນາວາ ​ແລະ ຊາວ​ອາ​ໄພ. ມາ​ຮອດ ຄ.ສ ໑໙໓໗ (1937) ພະ​ອາຈານ​ຈັນ​ສຸກ ​ໄດ້​ເຮັດ​ເປັນ​ໂຮງຮຽນ ປາຣີ.

Image may contain: sky and outdoor
ວັດອາໄພ

ວັດ ຈອມເພັດ : ສ້າງ​ຂື້ນ​​ໃນປີ ຄ.ສ ໑໘໘໘(1888) ​ໃນ​ລາດຊະ​ການ​ຂອງ​ພຣະບາດສົມເດັດພຣະເຈົ້າມະຫາຊີວິດມະ​ຫີນ​ທະ​ເທບ (ສົມເດັດພຣະເຈົ້າອຸ່ນ​ຄຳ) . ຢູ່​ທາງ​ນອກ​ດ້ານ​ໃຕ້​ອາ​ຮາມ ມີ​ພຣະທາດ​ນ້ອຍ​ລູກ​ໜຶ່ງ​ທີ່​ບັນຈຸ​ພຣະອັດທິຂອງ​ເຈົ້າຟ້າຍິງທອງ​ດີ ​(ເປັນພຣະສະນົມຫຼືພຣະສາຍາບໍ່ຮູ້ຂໍ້ອຸນຸຍາດໃຊ້ຄຳວ່າເຈົ້າຟ້າຍິງ)ຂອງພຣະບາດສົມເດັດພຣະເຈົ້າມະຫາຊີວິດ​ສັກກະລິນ ສະຫວັນນະຄົດໃນ​ ຄ.ສ ໑໙໒໙ (1929). ຊື່ວັດ​ແຫ່ງນີ້ໄດ້ຈາກທີຕັ້ງຢູ່ເທິງພູຈອມເພັດເລີຍໃສ່ຊື່ວັດຈອມເພັດ

Image may contain: people standing, mountain, sky, outdoor and nature
ວັດຈອມເພັດ

ວັດທາດຫຼວງ: ສ້າງຂຶ້ນໃນປີ ຄ.ສ 1818 ໃນສະໄໝເຈົ້າມະຫາຊີວິດມັນທາຕຸລາດ ຊຶ່ງເປັນສະໄໝຟື້ນຟູພະພຸດທະສາດສະໜາ ຂອງນະຄອນຫລວງພະບາງ ເຊື່ອວ່າວັດນີ້ສ້າງທັບບໍລິເວນວັດເກົ່າເນື່ອງຈາກພົບບູຮານສະຖານເກົ່າແກ່ເປັນຮ່ອງຮອຍວັດ ວັດທາດຫລວງມີສາດສະໜາ ສະຖານທີ່ມີຄວາມສຳຄັນທາງປະຫວັດສາດຫລາຍຢ່າງໄດ້ ແກ່ ພຣະອຸໂປສົດກໍ່ອິດໂບກປູນ ເມື່ອບູລະນະມີການຕິດດອກດວງທີ່ບານປະຕູ ແລະ ປ່ອງຢ້ຽມ ລົງລັກ ປິດທອງເບິ່ງສວຍງາມຫລາຍ ດ້ານຫລັງມີອົງພະທາດສູງ ຊຶ່ງເບິ່ງເຫັນໄດ້ຈາກຖະໜົນດ້ານນອກ ສ້າງເທື່ອທຳອິດມີຂະໜາດກາງ ຕໍ່ມາຊຸດໂຊມລົງ ແລະ ງ່ຽງລົງເລັກນ້ອຍບູລະນະໃນປີ ຄ.ສ.1935 ລັກສະນະເປັນພະທາດຍອດຮູບວົງກົມ ຊົງລະຄັງປະດັບຊໍ່ຟ້າ ຕັ້ງເທິງຖານສີ່ຫລ່ຽມ 7 ຊັ້ນ, ສູງປະມານ 3 ແມັດ. ອີກຈຸດໜຶ່ງທີ່ສຳຄັນຄືພະທາດດ້ານໜ້າ ພຣະອຸໂປສົດສ້າງທັບພະທາດອົງເກົ່າ ໃຊ້ບັນຈຸພະອັດຖິຂອງເຈົ້າມະຫາຊີວິດສີສະຫວ່າງວົງສ໌.

ວັດທາດຫຼວງ

ແລະ ຍັງມີວັດອີກຫຼາຍວັດທີ່ຍັງບໍ່ທັນກ່າວເຖິງໃນບົດນີ້. ໂອກາດໜ້າຈະຊອກຂໍ້ມູນມາໃຫ້ທ່ານໄດ້ຮັບຮູ້ເພີ່ມອີກ.

ພາບຂ່າວຈາກ: Keosavanh Priest

LEAVE A REPLY

Please enter your comment!
Please enter your name here