ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວ (ຖວທ) ພ້ອມດ້ວຍຄະນະ ໄດ້ເດີນທາງຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ ໃນລະຫວ່າງ ວັນທີ 3-5 ມັງກອນ 2021, ໃຫ້ກຽດຕ້ອນຮັບໂດຍ ທ່ານ ບຸນຈັນ ສີວົງພັນ ເລຂາຄະນະບໍລິຫານງານພັກແຂວງ. ໃນໂອກາດນີ້, ທ່ານ ກິແກ້ວ ໄຂຄຳພິທູນ ໄດ້ເດີນທາງໄປຢ້ຽມຢາມປະຊາ ຊົນ ທີ່ທຳການຜະລິດປູກຊາ ທີ່ບ້ານຍອດປຽງ ເມືອງແປກ ແຂວງຊຽງຂວາງ.

Image may contain: 1 person, standing, tree, plant, outdoor and nature

ໃນໂອກາດນີ້, ນາຍບ້ານຍອດປຽງ ກໍໄດ້ລາຍງານຄວາມເປັນມາຂອງການຜະລິດຊາ, ການຜະລິດຊາຂາຍ ເຮັດໃຫ້ການດຳລົງຊີວິດຂອງປະຊາຊົນດີຂຶ້ນເທື່ອລະກ້າວ ປະຊາຊົນສ່ວນໃຫຍ່ສາມາດ ສ້າງລາຍຮັບຈາກການຜະລິດຊາຂາຍ, ເຮັດນາ, ຂາຍສັດລ້ຽງ ແລະ ຂາຍໝາກຄໍ້. ຊາຈາກບ້ານຍອດປຽງ ປັດຈຸບັນ ແມ່ນມີຄວາມຕ້ອງການຈາກຕະຫລາດສູງ ໂດຍສະເພາະ ສປ ຈີນ. ສະນັ້ນ, ປະຊາຊົນພາຍໃນບ້ານ ຈຶ່ງຈະຂະຫຍາຍເນື້ອທີ່ປູກຊາຕື່ມອີກ ເພື່ອສະໜອງໃຫ້ພຽງພໍກັບຕະຫລາດ.

Image may contain: 5 people, people standing, tree, plant, outdoor and nature

ໂອກາດນີ້, ທ່ານ ກິແກ້ວ ໄຂຄຳພິທູນ ຍັງໄດ້ເນັ້ນໃຫ້ປະຊາຊົນ ສືບຕໍ່ປົກປັກຮັກສາ ແລະ ຂະຫຍາຍເນື້ອທີ່ສວນຊາ, ສ້າງຜູ້ສືບທອດການຜະລິດຊາ, ປັບປຸງກໍ່ສ້າງສູນຜະລິດ ແລະ ວິທີເກັບຮັກ ສາຄວາມແຊບ, ຫອມຂອງຊາ ທີ່ເປັນເອກະລັກໃຫ້ຍືນຍົງຍາວນານ.

Image may contain: one or more people, people sitting and table

ຂ່າວ: ບຸນມີ ແສງທຸມມີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here