ເພື່ອສະແດງເຖິງຄວາມຮູ້ບຸນຄຸນຕໍ່ການຈັດຕັ້ງ, ບັນດາບໍລິສັດ, ນັກທຸລະກິດ ພາຍໃນແຂວງອຸດົມໄຊ ທີ່ໄດ້ປະກອບສ່ວນອຸປະຖຳເຂົ້າໃນການສ້າງສາພັດທະນາແຂວງອຸດົມໄຊຕະຫຼອດໄລຍະ 5 ປີຜ່ານມາ. ມາໃນວັນ 31 ທັນວາຜ່ານມາ ອົງການປົກຄອງແຂວງອຸດົມໄຊ ຈິ່ງໄດ້ປະດັບຫຼຽນໄຊ,ຫຼຽນກາ ແລະ ມອບໃບຍ້ອງຍໍລັດຖະບານໃຫ້ແກ່ພາກສ່ວນທີ່ໄດ້ປະກອບສ່ວນອຸປະຖຳເຂົ້າໃນການພັດທະນາແຂວງອຸດົມໄຊໄລຍະ 5 ປີຜ່ານມາ.

Image may contain: 3 people, people standing and people on stage

.

Image may contain: 2 people, people standing

ໃນນັ້ນ ມີປະເພດຫຼຽນໄຊພັດທະນາຊັ້ນ2 ຈຳນວນ 1 ທ່ານ, ຫຼຽນໄຊພັດທະນາຊັ້ນ3 ຈຳນວນ 3 ກົມກອງ, ຫຼຽນໄຊແຮງງານຊັ້ນ2 ຈຳນວນ 5 ທ່ານ ແລະ 1 ກົມກອງ, ຫຼຽນໄຊແຮງງານຊັ້ນ3 ຈຳນວນ 3 ທ່ານ ແລະ 5 ກົມກອງ, ຫຼຽນກາແຮງງານຈຳນວນຈຳນວນ 6 ທ່ານ ແລະ 3 ອົງການຈັດຕັ້ງສາກົນ, ໃບຍ້ອງຍໍລັດຖະບານຈຳນວນ 5 ທ່ານ ແລະ 32 ກົມກອງ.

Image may contain: 5 people, people standing

.

Image may contain: 6 people, people standing

ໃຫ້ກຽດປະດັບໂດຍມີທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ທ່ານ ຄຳພຽງ ຢາຈົງວາ ຮອງເລຂາພັກແຂວງ, ທ່ານ ບຸນຄົງ ຫຼ້າຈຽມພອນ ຮອງເລຂາພັກແຂວງ, ທ່ານ ສົມຈິດ ປັນຍາສັກ ຮອງເຈົ້າແຂວງ ແລະ ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງ. ໂດຍມີບັນດາການນຳແຂວງ, ຫົວໜ້າພະແນກການ, ບັນດາຂະແໜງການ ຕະຫຼອດຮອດບັນດາບໍລິສັດ,ນັກທຸລະກິດພາຍໃນແຂວງອຸດົມໄຊເຂົ້າຮ່ວມ.

ຂ່າວ: ໄມພອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here