ພິທີມອບ-ຮັບ ໜ້າທີ່ ຮັກສາການເລຂາພັກເມືອງ ເຈົ້າເມືອງພູຄູນ ແຂວງຫຼວງພະບາງ ໄດ້ຈັດຂື້ນ ໃນວັນທີ 30 ທັນວາ 2020 ທີ່ຫ້ອງວ່າການເມືອງພູຄູນ ໂດຍມີທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ,ມີຄະນະປະຈໍາພັກແຂວງ,ຕາງໜ້າພະແນກການຂອງແຂວງ,ເມືອງອ້ອມຂ້າງ ພ້ອມດ້ວຍ ບັນດາຫ້ອງການ ແລະ ການຈັດຕັ້ງບ້ານຢູ່ພາຍໃນເມືອງເຂົ້າຮ່ວມ.

Image may contain: 1 person

ພິທີດັ່ງກ່າວ ທ່ານ ວຽງທອງ ຫັດສະຈັນ ຄະນະປະຈໍາພັກແຂວງ ເລຂາພັກເມືອງ ເຈົ້າເມືອງພູຄູນ ໄດ້ລາຍງານການເຄື່ອນໄຫວ ການຊີ້ນໍາ-ນໍາພາວຽກງານຮອບດ້ານໃນໄລຍະຜ່ານມາ ໂດຍໄດ້ຖືເປັນສໍາຄັນໃນການຊີ້ນໍາວຽກງານການເມືອງແນວຄິດ ໂດຍສະເພາະແມ່ນວຽກງານ ປກສ,ປກຊ ເຮັດໃຫ້ເມືອງມີຄວາມສະຫງົບ ໂດຍພື້ນຖານ,ໃນນີ້ສ້າງບ້ານສູ້ຮົບຕິດລຽນ 6 ບ້ານ,ສ້າງບ້ານ ແລະ ຄອບຄົວປ້ອງກັນຊາດເຂັ້ມແຂງ 32 ບ້ານ,ບ້ານປ້ອງກັນຄວາມສະຫງົບດີ 29 ບ້ານ,ບ້ານປອດຢາເສບຕິດ 2 ບ້ານ,ສ້າງຕັ້ງໜ່ວຍຕໍາຫຼວດຊ່ວຍເຫຼືອປະຊາຊົນ 7 ກຸ່ມ,ພ້ອມດຽວກັນນີ້ກໍ່ໄດ້ຊຸກຍູ້ສົ່ງເສີມໃຫ້ປະຊາຊົນ ຫັນປ່ຽນຮູບແບບການຜະລິດແບບເກົ່າ ມາເຮັດການຜະລິດສິນຄ້າແບບໃໝ່ ເປັນຕົ້ນແມ່ນ ສົ່ງເສີມການປູກ-ການລ້ຽງ,ການບໍລິການທ່ອງທ່ຽວ ແລະ ການກໍ່ສ້າງໂຄງຮ່າງພື້ນຖານ ເຊິ່ງເຫັນໄດ້ທົ່ວເມືອງມີເສັ້ນທາງເຂົ້າເຖິງທັງໝົດ 41 ບ້ານ ກວມ 100%,ມີຕາຂ່າຍໄຟຟ້າ 37 ບ້ານ ກວມ 90,24%,ເຊິ່ງເພີ່ມຂື້ນ 14 ບ້ານທຽບໃສ່2012,ໄດ້ຈັດສັນພູມລໍາເນົາ 38 ບ້ານ ແລະ ປີ 2020 ເພີ່ມຕື່ມ 3 ບ້ານ,ໃນປີ 2012 ເສດຖະກິດຂອງເມືອງ ບັນລຸ 8,5%,ສະເລ່ຍຄົນໜຶ່ງໄດ້ 8.340.000ກີບ,ເທົ່າກັບ 1.042 ໂດລາ,ທຽບໃສ່ປີ 2020 ເຫັນວ່າເພີ່ມຂື້ນໃນລະດັບ 9%ຕໍ່ປີ,ສະເລ່ຍຄົນໜຶ່ງໄດ້ 14.056.720ກີບ,ເທົ່າກັບ 1.757ກີບ ໂດລາ,ປະຊາຊົນຫັນການຜະລິດເປັນສິນຄ້າຫຼາຍຂື້ນ ເຊິ່ງເຫັນໄດ້ໃນທົ່ວເມືອງມີງົວ 12.270ໂຕ,ຄວາຍ 5.816 ໂຕ,ໝູ 9.507 ໂຕ,ແບ້ 1.884 ໂຕ ແລະ ສັດປີກ 67.652 ໂຕ.ປະຊາຊົນຫັນມາປູກພືດຜັກອິນຊີ,ພືດອຸສາຫະກໍາຫຼາຍຂື້ນ ເປັນຕົ້ນແມ່ນສາລີ,ໝາກເດືອຍ,ໝາກນັດ ແລະ ອື່ນໆ ສ້າງລາຍຮັບໄດເຖິງ 19.525.000.000ກີບຕໍ່ປີ,ການຄ້າໄດ້ຮັບການປັບປຸງ ແລະ ການກໍ່ສ້າງຕະຫຼາດໄປສູ່ຊົນນະບົດ ເພື່ອໃຫ້ປະຊາຊົນໄດ້ນໍາເອົາສິນຄ້າອອກຈໍາໜ່າຍ ແລະ ພົວພັນທັງການຄ້າກັບຕ່າງຖິ່ນ,ມີໂຮງງານນໍ້າດຶ່ມທີ່ທັນສະໄໝ,ປໍ້ານໍ້າມັນ,ໂຮງງານເບຕົ່ງ,ດິນບຣ໋ອກ,ປຸງແຕ່ງແຮ່ຊາຍ,ຫັດຖະກໍາມີຫຼາຍບ້ານເພີ່ມຂື້ນ ແລະ ດ້ານອື່ນໆເຮັດໃຫ້ຊີວິດການເປັນຢູ່ຂອງປະຊາຊົນດີຂື້ນເປັນກ້າວ.

Image may contain: 11 people, people standing

.

Image may contain: 2 people

ຈາກນັ້ນພິທີ ທ່ານ ຄໍາຄ່ອງ ພົມມະປັນຍາ ຫົວໜ້າຄະນະຈັດຕັ້ງແຂວງຫຼວງພະບາງ ໄດ້ຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການຍົກຍ້າຍ ທ່ານ ວຽງທອງ ຫັດສະຈັນ ຄະນະປະຈໍາພັກແຂວງ ເລຂາພັກເມືອງ ເຈົ້າເມືອງພູຄູນ ໄປປະຈໍາການຢູ່ນະຄອນຫຼວງພະບາງ ແລະ ຂໍ້ຕົກລົງແຕ່ງຕັ້ງ ທ່ານ ທອງຈັນ ແພງຈັນທີ ຮອງເລຂາພັກເມືອງ ຂື້ນຮັກສາການເລຂາພັກເມືອງ ທັງເປັນເຈົ້າເມືອງພູຄູນ ຄົນໃໝ່ ພ້ອມທັງລົງນາມໃນບົດບັນທຶກການມອບຮັບໜ້າທີ່ໂດຍຊ້ອງໜ້າ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ ພ້ອມດ້ວຍຜູ້ເຂົ້າຮ່ວມ ເປັນສັກຂີພະຍານໃນຄັ້ງນີ້.

Image may contain: 1 person, sitting, on stage and indoor

.

Image may contain: 1 person, standing

ໂອກາດນີ້ ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ ກໍໄດ້ມີຄຳເຫັນໂອ້ລົມ ໂດຍຍົກໃຫ້ເຫັນເຫດຜົນຂອງການຍົກຍ້າຍ ແລະ ແຕ່ງຕັ້ງໜ້າທີ່ຂອງພະນັກງານຂັ້ນການນໍາພາ ເປັນວຽກປົກຕິຂອງພັກ ແລະ ລັດ ເພື່ອປັບປຸງກົງຈັກການຈັດຕັ້ງ ໃຫ້ສອດຄ່ອງຕາມພາລະບົດບາດ,ແທດເໝາະກັບຍຸກໃໝ່ ພ້ອມນີ້ທ່ານກໍໄດ້ເນັ້ນໃຫ້ຜູ້ທີ່ໄດ້ຮັບໜ້າທີ່ໃໝ່ ສືບຕໍ່ເຮັດໜ້າທີ່ການເມືອງ,ຍົກສູງແນວທາງການເມືອງຂອງຕົນ ພ້ອມທັງເປັນແບບຢ່າງ ໃນການຝຶກຝົນທາງດ້ານຄຸນສົມບັດສິນທໍາປະຕິວັດ,ມີຄຸນທາດການເມືອງອັນໜັກແໜ້ນ,ສຸມໃສ່ປັບປຸງແບບແຜນວິທີເຮັດວຽກ ໃຫ້ແທດເໝາະກັບຕົວຈິງ ບົນພື້ນຖານຄວາມເປັນເອກະພາບໃນໝູ່ຄະນະ ເຮັດໃຫ້ເມືອງພູຄູນ ໄດ້ຮັບການພັດທະນາດີຂື້ນເປັນກ້າວ.

Image may contain: 1 person, standing

ພິທີອັນມີຄວາມໝາຍຄວາມສໍາຄັນຄັ້ງນີ້ ທ່ານ ວຽງທອງ ຫັດສະຈັນ ເຈົ້າເມືອງພູຄູນ ຜູ້ເກົ່າ ຍັງໄດ້ຮັບການປະດັບຫຼຽນໄຊ ພິລະອາດຫານ ຊັ້ນ II ຂອງກະຊວງປ້ອງກັນປະເທດ ທີ່ມີຜົນງານໃນການເຄື່ອນໄຫວວຽກງານ ແກ້ໄຂກຸ່ມຄົນບໍ່ດີທີ່ກໍຄວາມບໍ່ສະຫງົບ ໃນໄລຍະປີ 2007-2016 ຢູ່ພາຍໃນເມືອງພູຄູນຕື່ມອີກ ໂດຍໃຫ້ກຽດປະດັບຂອງ ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ ຢ່າງສົມກຽດ.

Image may contain: 1 person

.

Image may contain: 1 person, standing and on stage, text that says 'ละ ล'

ຂ່າວ: ເພັດສາຄອນ ສິມມະວົງ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here