ໄລຍະວັນທີ 30 ທັນວາ ຫາ 3 ມັງກອນນີ້ ອຸນຫະພູມຈະໜາວເຢັນລົງ 2ຫາ4 ອົງສາ ເນື່ອງຈາກມວນອາກາດໜາວເຢັນຈາກປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວອີກເທື່ອໃໝ່.

Image may contain: sky, cloud, ocean, outdoor, nature and water

ກົມອຸຕຸນິຍົມ ແລະ ອຸທົກກະເສດ ຄາດຄະເນສະພາບອາກາດ ໃນໄລຍະວັນທີ 28 ທັນວາ 2020 ຫາ 3 ມັງກອນ 2021 ວ່າ: ໃນໄລຍະວັນທີ 30 ທັນວາ 2020 ຫາ 3 ມັງກອນ 2011 ມວນອາກາດໜາວເຢັນຈາກປະເທດຈີນຈະມີກໍາລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວອີກເທື່ອໃໝ່, ສົມທົບກັບກະແສລົມຕາເວັນອອກສ່ຽງເໜືອທີ່ມີກຳລັງແຮງພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອຸນຫະພູມອາກາດໜາວເຢັນລົງ 2 ຫາ 4 ອົງສາ ຢູ່ເຂດພູສູງ, ພູດອຍ ແລະ ຮ່ອມພູເຊັ່ນ: ບັນດາແຂວງ ພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ອາກາດຈະໜາວເຢັນຫຼາຍ ພ້ອມມີຝົນຕົກຄ່ອຍເປັນບາງໂອກາດ, ສ່ວນຢູ່ພາກກາງ ແລະ ພາກໃຕ້ ອາກາດຈະເຢັນ ຫາ ໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າຢູ່ທົ່ວໄປໃນແຕ່ລະພາກ ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນ

Image may contain: sky, mountain, cloud, outdoor and nature


ພາກເໜືອດ້ານຕາເວັນຕົກ: ອາກາດໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໝອກໜາປົກຫຸ້ມໃນຕອນກາງຄືນ ຫາ ຕອນເຊົ້າ ໂດຍສະເພາະຢູ່ເຂດພູດອຍ ແລະ ພູສູງ; ອຸນຫະພູມຕໍ່າສຸດ 6-9 ອົງສາ ແລະ ສູງສຸດ 28-30 ອົງສາ.

Image may contain: sky, cloud, outdoor and nature

ພາກກາງ: ອາກາດໜາວເຢັນ ໃນຕອນກາງຄືນ ຫາ ຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນທາງດ້ານຕາເວັນອອກຂອງພາກ ແລະ ໃນຕອນບ່າຍອາກາດຮ້ອນ; ອຸນຫະພູມຕໍ່າສຸດ 10 – 13 ອົງສາ ແລະ ສູງສຸດ 29-31 ອົງສາ.
ສະເພາະແຂວງໄຊສົມບູນ: ອາກາດໜາວຫຼາຍ ມີໝອກໜາປົກຫຸ້ມຢູ່ທົ່ວໄປ ພ້ອມມີລົມພັດແຮງຢູ່ບາງບໍລິເວນ; ອຸນຫະພູມຕ່ຳສຸດ3 – 5 ອົງສາ ແລະ ສູງສຸດ 19 – 21 ອົງສາ.


ພາກໃຕ້: ມີເຝື້ອປົກຄຸມເປັນບາງສ່ວນ ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ ແລະ ອາກາດຈະຮ້ອນຂຶ້ນໃນຕອນບ່າຍ; ອຸນຫະພູມຕ່ຳສູດ 15 – 17 ອົງສາ ແລະ ສູງສຸດ 30 – 32 ອົງສາ. ສະເພາະເຂດພູພຽງບໍລະເວນ ອາກາດໜາວເຢັນຫຼາຍ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ມີຝົນຕົກຄ່ອຍ, ມີລົມພັດແຮງຢູ່ບາງບໍລິເວນ; ອຸນຫະພູມຕໍ່າສຸດ 3 – 6 ອົງສາ ແລະ ສູງສຸດ 20 – 22 ອົງສາ.
ນະຄອນຫຼວງວຽງຈັນ: ອາກາດຮ້ອນໃນຕອນບ່າຍ ແລະ ອາກາດໜາວເຢັນ ພ້ອມມີໝອກບາງປົກຫຸ້ມໃນຕອນກາງຄືນ ຫາ ຕອນເຊົ້າ ແລະ ຈະມີລົມພັດແຮງຢູ່ບາງບໍລິເວນ; ອຸນຫະພູມຕໍ່າສຸດ 13 – 15 ອົງສາ ແລະ ສູງສຸດ 30 – 32 ອົງສາ.


ພາກເໜືອດ້ານຕາເວັນອອກ: ອາກາດໜາວເຢັນ ຫາ ໜາວເຢັນຫຼາຍ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ໂດຍສະເພາະຢູ່ເຂດພູສູງ, ເຂດພູດອຍ ແລະ ມີຝົນຕົກຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ; ອຸນຫະພູມຕໍ່າສຸດ 4 -7 ອົງສາ ແລະ ສູງສຸດ 21 – 23 ອົງສາ.


ຄຳເຕືອນເຝົ້າລະວັງໃນໄລຍະວັນທີ 30 ທັນວາ 2020 ຫາ 3 ມັງກອນ 2021 ມວນອາກາດໜາວເຢັນຈາກປະເທດຈີນຈະມີກຳລັງແຮງເພີ່ມຂຶ້ນ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວອີກເທື່ອໃໝ່, ສົມທົບກັບກະແສລົມຕາເວັນອອກສ່ຽງເໜືອທີ່ມີກຳລັງແຮງພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອຸນຫະພູມອາກາດໜາວເຢັນລົງ 2 ຫາ 4 ອົງສາ ຢູ່ເຂດພູສູງ, ພູດອຍ ແລະ ຮ່ອມພູເຊັ່ນ: ບັນດາແຂວງ ພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຈະໜາວເຢັນຫຼາຍ. ແຈ້ງເຕືອນເຖິງປະຊາຊົນ ຈົ່ງມີສະຕິກຽມພ້ອມຮັບມືກັບສະພາບການປ່ຽນແປງຂອງອຸນຫະພູມ, ອາກາດໜາວເຢັນຫຼາຍ ເຊິ່ງອາດຈະມີຜົນກະທົບຕໍ່ສຸຂະພາບ ໂດຍສະເພາະແມ່ນເດັກນ້ອຍ ແລະ ຜູ້ເຖົ້າ ຂໍໃຫ້ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here