ໃນວັນທີ່ 29 ທັນວາ 2020 ນີ້ ຢູ່ທີ່ຫ້ອງປະຊຸມຫ້ອງການເມືອງກອງບັນຊາການທະຫານແຂວງອຸດົມໄຊ ໄດ້ຈັດພິທີ ມອບເງີນນະໂຍບາຍໃຫ້ຄອບຄົວເສຍຊີວິດມູນຄ່າ 189.311.360 ລ້ານກີບ,ໃຫ້ກຽດເຂົ້າຮ່ວມມອບໂດຍທ່ານ ພັນໂທ ພອນຄຳ ຫວ່າງສະຫງວນ ຫົວໜ້າພະແນກໂຄສະນາ-ອົບຮົມ ກອງບັນຊາການທະຫານແຂວງອຸດົມໄຊ, ມີພະແນການກ່ຽວຂ້ອງ ແລະຄອບຄົວເສຍຊີວີດເຂົ້າຮ່ວມ.

Image may contain: 5 people, people standing

ໂດຍປະຕິບັດຕາມຄຳສັ່ງແນະນຳຂອງກະຊວງປ້ອງກັນປະເທດ ກ່ຽວກັບການຈັດຕັ້ງປະຕິບັດກົດໝາຍປະກັນສັງຄົມ ແລະອິງຕາມຂໍ້ຕົກລົງຂອງລັດຖະມົນຕີກະຊວງແຮງງານ ແລະສະຫວັດດີການສັງຄົມ ສະບັບເລກທີ 2030/ຮສສ, ລົງວັນທີ 4 ພຶດສະພາ 2015 ວ່າດ້ວຍການການຈັດຕັ້ງປະຕິບັດວຽກງານປະກັນສັງຄົມຢູ່ກະຊວງປ້ອງກັນປະເທດ, ດັ່ງນັ້ນກອງບັນຊາການທະຫານແຂວງອຸດົມໄຊຈິ່ງໄດ້ຕົກລົງອະນຸມັດມອບເງີນອຸດໜູນໃຫ້ຄອບຄົວເສຍຊີວິດຢູ່ກອງບັນຊາການທະຫານແຂວງອຸດົມໄຊຈຳນວນ 4 ຄອບຄົວຄື: ຄອບຄົວ ພັນຕີ ພອນສະຫວັນ, ຄອບຄົວ ພັນຕີ ຈັນທາ ຫຼວງຄຳແດງ, ຄອບຄົວ ພັນຕີ ທອງໄຊ ແລະຄອບຄົວ ຮ້ອຍເອກ ບຸນເຈີຍ, ທັງນີ້ກໍ່ເພື່ອເປັນການປະຕິບັດນະໂຍບາຍເປັນຂວັນກໍາລັງໃຈໃຫ້ຄອບຄົວພະນັກງານເສຍຊີວິດ ທີ່ຜ່ານມາໄດ້ປະກອບສ່ວນສ້າງຜົນງານ ແລະ ຄຸນງາມຄວາມດີຕໍ່ພາລະກິດຮັບໃຊ້ຊາດ ນັບແຕ່ມື້ເຂົ້າເຮັດປະຕິວັດຈົນຮອດວາລະສຸດທ້າຍຢ່າງສົມກຽດ.

ພ້ອມດຽວກັນນັ້ນທ່ານ ພັນໂທ ພອນຄຳ ຫວ່າງສະຫງວນ ຫົວໜ້າພະແນກໂຄສະນາ-ອົບຮົມ ກອງບັນຊາການທະຫານແຂວງອຸດົມໄຊ ໄດ້ມີຄຳເຫັນ ແນະນຳໃຫ້ຄອບຄົວທີ່ໄດ້ຮັບເງີນນະໂຍບາຍ ຈົ່ງນໍາໃຊ້ເງີນທີ່ໄດ້ຮັບໃນຄັ້ງນີ້ ໄປໜູນໃຊ້ເຂົ້າພັດທະນາສ້າງສາເສດຖະກິດຄອບຄົວ ຂອງຕົນໃຫ້ເກີດຜົນປະໂຫຍດອັນສູງສຸດ.

ຂ່າວ-ພາບ: ທະນູວັນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here