ວັນທີ່ 27 ທັນວາ 2020 ຜ່ານມານີ້ທາງທິມງານຂອງເມືອງປາກລາຍ ແຂວງໄຊຍະບູລີ ເຊິ່ງນໍາໂດຍທ່ານ ກອງສີ ວົງສີ ເຈົ້າເມືອງປາກລາຍ ພ້ອມດວ້ຍການນໍາຂອງເມືອງ ນັກທຸລະກິດຜູ້ປະກອບການ ໄດ້ໄປມອບເຄື່ອງຊວ່ຍເຫຼືອຕ້ານໄພໜາວ ແລະ ອຸປະກອນການຮຽນໃຫ້ແກ່ເມືອງໄຊສະຖານ ແຂວງໄຊຍະບູລີ
ໂດຍການໃຫ້ກຽດຕອ້ນຮັບຂອງທ່ານ ສີສະໝອນ ນາມວົງ ວ່າການເຈົ້າເມືອງໆໄຊສະຖານ ພ້ອມດວ້ຍການນໍາຂອງເມືອງ,ພະນັກງານຄູອາຈານ ພໍ່ແມ່ປະຊາຊົນ ແລະ ນ້ອງນ້ອງນັກຮຽນໂຮງຮຽນມໍສໍ ດອຍກາວເຂົ້າຮວ່ມ.
ທ່ານ ກອງສີ ວົງສີ ເຈົ້າເມືອງໆປາກລາຍໄດ້ໃຫ້ສໍາພາດວ່າ: ເຄື່ອງທີ່ນໍາມາມອບໃນຄັ້ງນີ້ແມ່ນໄດ້ມາຈາກການປະກອບສວ່ນຈາກສັງຄົມພາຍໃນເມືອງເປັນຕົ້ນ ຕາມສໍານັກງານ,ຫ້ອງການນັກທຸລະກິດ,ຜູ້ປະກອບການ ແລະ ສວ່ນບຸກຄົນຈໍານວນໜຶ່ງທີ່ໄດ້ປະກອບສວ່ນເປັນວັດຖຸ ແລະ ເງີນ ເພື່ອຊວ່ຍເຫຼືອພີ່ນ້ອງຊາວເມືອງໄຊສະຖານ ທີພົບກັບສະພາບອາກາດໜາວເຢັນ ແລະ ຂາດເຂີນດ້ານອຸປະກອບການຮຽນຂອງນ້ອງນ້ອຍນັກຮຽນ ເຊິ່ງການປະກອບສວ່ນໃນຄັ້ງນີ້ປະກອບມມີ ຜ້າຮົ່ມ,ເສື້ອກັນໜາວ,ອຸປະກອນການຮຽນ,ຊຸດນັກຮຽນ,ເຄຶ່ອງກິລາ, ເຂົ້າສານ ແລະ ເຂົ້າປຸ້ນແຫ້ງລວມມູນຄ່າທັງໝົດ 31.530.000ກີບ
ທ່ານເຈົ້າເມືອງໆປາກລາຍຍັງໄດ້ກ່າວຕື່ມອີກວ່ານອກຈາການມອບເຄື່ອງໃນຄັ້ງນີ້ແລ້ວ ກໍ່ຍັງເປັນການພົບປະແລກປຽ່ນບົດຮຽນ ແລະ ສ້າງຄວາມສາມັກຄີລະຫວ່າງເມືອງຕໍ່ເມືອງໃຫ້ມີຄວາມແໜ້ນແຟ້ນຍິ່ງຂື້ນ ເພຶ່ອພ້ອມກັນສ້າງສາ ແລະ ພັດທະນາເມືອງຂອງຕົນກໍ່ຄຶແຂວງໄຊຍະບູລີໃຫ້ກ້າວຂື້ນຢ່າງບໍ່ຢຸດຢັ້ງ.
ຂ່າວຈາກ: ຫ້ອງການ ຖວທ ເມືອງປາກລາຍ.
