ກອງປະຊຸມຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ ປະຈໍາປີ 2020 ໄດ້ຈັດຂຶ້ນໃນວັນທີ 28 ທັນວາ 2020 ນີ້. ທີ່ຫ້ອງປະຊຸມຫ້ອງວ່າການປົກຄອງແຂວງໄຊຍະບູລີ ໂດຍການເປັນປະທານຂອງທ່ານ ປອ ສົມລິດ ເປືອກແກ້ວ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ, ມີບັນດາທ່ານ ສະມາຊິກສະພາແຫ່ງຊາດ, ຄະນະປະຈໍາພັກແຂວງ, ກໍາມະການພັກແຂວງ, ມີເຈົ້າເມືອງ, ສະມາຊິກສະພາປະຊາຊົນແຂວງ, ຫົວໜ້າ, ຮອງຫົວໜ້າພະແນກການ, ກົມກອງ, ຫົວໜ້າດ່ານສາກົນ ແລະ ຫົວໜ້າກອງພາສີ ເຂົ້າຮ່ວມ ທ່ານ ປອ ສົມລິດ ເປືອກແກ້ວ ປະທານສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ ໄດ້ກ່າວວ່າ: ກອງປະຊຸມຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ ຄັ້ງນີ້ ສຸດທີ່ມີຄວາມໝາຍ ຍ້ອນເປັນກອງປະຊຸມທ້າຍສະໄໝ ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ເຊິ່ງກອງປະຊຸມຈະໄດ້ສະຫຼຸບ ຕີລາຄາຜົນການຕິດຕາມ ກວດກາ ແລະ ການຈັດຕັ້ງ ປະຕິບັດ ບັນດາເນື້ອໃນ ມະຕິກອງປະຊຸມສະໄໝ ສາມັນໃນໄລຍະ 5 ປີ ຜ່ານມາ ຂອງສະພາແຫ່ງຊາດ, ທັງເປັນກອງປະຊຸມຜັນຂະຫຍາຍເນື້ອໃນມະຕິກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຫັນມາເປັນທິດທາງ ແຜນການຮ່ວມກັບອົງການ ປົກຄອງແຂວງ ເພື່ອສູ້ຊົນໃນການຈັດຕັ້ງປະຕິບັດ ໃຫ້ບັນລຸຜົນສໍາເລັດຕາມລະດັບຄາດໝາຍ.

Image may contain: 2 people

ດັ່ງນັ້ນ ກອງປະຊຸມບັນດາຜູ້ເຂົ້າຮ່ວມຈະໄດ້ສຸມໃສ່ບາງບັນຫາສໍາຄັນ ເຊັ່ນ: ຮັບຟັງການລາຍງານ ການເຄື່ອນໄຫວຈັດຕັ້ງປະຕິບັດ ວຽກງານ 5 ປີ ( 2016 – 2010) ແລະ ສະເພາະປີ 2020 ກໍານົດແຜນການຮອດກອງປະຊຸມຄັ້ງປະຖົມມະລຶກ ແລະ ຄາດຄະເນແຜນການປະຈໍາປີ 2021 ຂອງຄະນະສະມາຊິກສະພາ ແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ.

ຮັບຟັງກ່ຽວກັບການຈັດຕັ້ງປະຕິບັດ ບັນດາໂຄງການລົງທຶນ ທີ່ສູນກາງຄຸ້ມຄອງ ຢູ່ແຂວງ ໄຊຍະບູລີ ໃນໄລຍະ 5 ປີ ແລະ ສະເພາະປີ 2020, ກໍານົດທິດທາງແຜນການປີ 2021 ແລະ ຮັບຟັງກ່ຽວກັບການຈັດຕັ້ງປະຕິບັດ ລາຍຮັບພູດສູນກາງ ຄຸ້ມຄອງຢູ່ແຂວງໄຊຍະບູລີ ໃນໄລຍະ 5 ປີ ແລະ ສະເພາະປີ 2020, ກໍານົດທິດທາງແຜນການ ປີ 2021 ຮັບຟັງກ່ຽວກັບຜົນການກວດກາການຈັດຕັ້ງປະຕິບັດ ຜົນຂອງການກວດສອບແຫ່ງລັດ ຢູ່ແຂວງໄຊຍະບູລີ ໃນໄລຍະ 5 ປີ ແລະ ສະເພາະປີ 2020 ກໍານົດທິດທາງແຜນການປີ 2021, ຮັບຟັງການປະກອບຄໍາຄິດເຫັນຂອງຕາງໜ້າຄະນະສະມາຊິກສະພາແຫ່ງຊາດ ຕໍ່ການຈັດຕັ້ງປະຕິບັດບັນດາໂຄງການລົງທຶນ ທີ່ສູນກາງຄຸ້ມຄອງ.

ການຈັດຕັ້ງປະຕິບັດລາຍຮັບພູດສູນກາງຄຸ້ມຄອງ, ຜົນການກວດກາ ການຈັດຕັ້ງປະຕິບັດ. ຜົນການກວດສອບແຫ່ງລັດ ຢູ່ແຂວງໄຊຍະບູລີ ໃນໄລຍະ 5 ປີ ແລະ ສະເພາະ ປີ 2020 ກໍານົດທິດທາງແຜນການປີ 2021 ຮັບຟັງການຜ່ານມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານ ການຈັດຕັ້ງປະຕິບັດ ແຜນການເຄື່ອນໄຫວ ວຽກງານປະຈໍາປີ 2020 ແລະ ທິດທາງແຜນການປະຈໍາປີ 2021 ຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ. ຮັບຟັງຜ່ານມະຕິກອງປະຊຸມສະພາແຫ່ງຊາດ.

Image may contain: 3 people, table and indoor

ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ – ສັງຄົມ, ແຜນເງິນຕາ ປະຈໍາປີ 2020 ແລະ ທິດທາງແຜນການປີ 2021, ມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດສະຫຼຸບການເຄື່ອໄຫວວຽກງານ ຂອງອົງການກວດສອບແຫ່ງລັດ ປະຈໍາປີ 2020 ແລະ ທິດທາງແຜນການ ປີ 2021.

Image may contain: 3 people, indoor

ພ້ອມດຽວກັນນີ້ກອງປະຊຸມຈະໄດ້ຮັບຮອງເອົາມະຕິກອງປະຊຸມ ວ່າດ້ວຍການຮັບຮອງເອົາບົດລາຍງານ ການເຄື່ອນໄຫວຈັດຕັ້ງປະຕິບັດວຽກງານ 5 ປີ ( 2016-2020 ) ສະເພາະປີ 2020 ແລະ ແຜນການຮອດກອງປະຊຸມຄັ້ງປະຖົມມະລຶກ, ຄາດຄະເນແຜນການປີ 2021 ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 7 ແລະ ບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງ ປະຕິບັດ ບັນດາໂຄງການລົງທຶນທີ່ສູນກາງຄຸ້ມຄອງ ຜົນການກວດກາການຈັດຕັ້ງປະຕິບັດ ຂອງການກວດສອບ ແຫ່ງລັດຢູ່ແຂວງໄຊຍະບູລີ ໃນໄລຍະ 5 ປີ ແລະ ສະເພາະ ປີ 2020 ທິດທາງແຜນການປີ 2021. ພ້ອມນີ້ຜູ້ແທນກອງປະຊຸມຈະໄດ້ພ້ອມກັນຄົ້ນຄວ້າ ປະກອບຄໍາຄິດຄໍາເຫັນ ແລະ ພິຈາລະນາບັນດາເນື້ອໃນທີ່ນໍາມາຜ່ານ ກອງປະຊຸມ ຄັ້ງນີ້ໃຫ້ເລິກເຊິ່ງຖືກຕ້ອງ, ສອດຄອງກັບສະພາບຄວາມເປັນຈິງ ເພື່ອເຮັດໃຫ້ບັນດາເນື້ອໃນໄດ້ຮັບຜົນສໍາເລັດຢ່າງຈົບງາມ.

ຂ່າວ: ບຸນທີ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here