ເພື່ອເຮັດໃຫ້ຜູ້ບໍລິໂພກ ໄດ້ບໍລິໂພກສິນຄ້າທີ່ມີຄຸນະພາບ ແລະ ມີຄວາມປອດໄພຕໍ່ສຸຂະພາບ ເມືອງຊຽງຮ່ອນ ແຂວງໄຊຍະບູລີ ໄດ້ຈັດພີທີທຳລາຍສິນຄ້າໝົດອາຍຸ ທີ່ໄດ້ກວດກາພົບເຫັນ ໄດ້ຈັດຂື້ນໃນວັນທີ 18 ທັນວາ 2020 ຢູ່ທີ່ຫ້ອງການອຸດສາຫະກຳ ແລະ ການຄ້າເມືອງ ໂດຍມີ ທ່ານ ສີເມືອງ ອິນທະວົງ ຫົວໜ້າຫ້ອງການອຸດສາຫະກຳ ແລະ ການຄ້າເມືອງ ມີຄະນະກະມະການກວດກາສິນຄ້າໝົດອາຍຸ ສິນຄ້າເຊືອມຄຸນນະພາບ ແລະ ສິນຄ້າຕ້ອງຫ້າມເຂົ້າຮ່ວມ.

Image may contain: 8 people, people standing and outdoor

ການລົງກວດກາສິນຄ້າໝົດອາຍຸ, ເຊື່ອມຄຸນ ແລະ ສິນຄ້າຕ້ອງຫ້າມຢູ່ເມືອງຊຽງຮ່ອນ ແມ່ນໄດ້ລົງກວດກາ ຢູ່ເຂດທົ່ງກາບ ຈຳນວນ 8 ບ້ານຄື: ບ້ານ ທົ່ງກາບ, ບ້ານປົ່ງແປ້ນ, ບ້ານພູລ້ານ, ບ້ານ ຫ້ວຍຮາກ, ບ້ານ ນໍ້າລ້ອມ, ບ້ານ ແກສີພົມ, ບ້ານ ສີນົກໄຊ ແລະ ບ້ານ ຫ້ວຍຕອງ ໄດ້ກວດກາທັງໝົດ 29 ຮ້ານ ແລະ ໄດ້ພົບເຫັນ ຮ້ານຄ້າທີ່ຍັງວາງຂາຍສິນຄ້າໝົດອາຍຸ ມີຈຳນວນ 25 ຮ້ານ ເຊິ່ງມີສິນຄ້າ 26 ຊະນິດ ທີ່ໝົດອາຍຸ ເປັນຕົ້ນແມ່ນ ເຄື່ອງປຸງແຕ່ງອາຫານ, ເຄື່ອງດື່ມ, ນົມ, ເຂົ້າໜົ່ມ, ແລະ ອາຫານເຄິ່ງສຳເລັດຮູບ ລວມມູນຄ່າ 4.000.000 ກວ່າກີບ ນອກຈາກນັ້ນທາງຄະນະກຳມະການຍັງໄດ້ແນະນຳໃຫ້ຜູ້ປະກອບການ ໃນດ້ານລະບຽບການຊື້ຂາຍສິນຄ້າ, ກວດກາສິນຄ້າຂອງຕົນ ແລະ ເຮັດບົດບັນທຶກກ່າວເຕືອນ ກັບຜູ້ປະກອບການທີ່ຍັງວາງຂາຍສິນຄ້າໝົດ ເພື່ອບໍ່ໃຫ້ວາງຂາຍຄັ້ງຕໍ່ໄປ

Image may contain: one or more people, people standing and outdoor

ເຊີ່ງການວາງຂາຍສິນຄ້າໝົດອາຍຸເປັນອັນຕະລາຍຕໍ່ຜູ້ບໍລິໂພກ ການກວດກາສິນຄ້າໝົດອາຍຸ ສິນຄ້າເຊື່ອມຄຸນນະພາບ ແລະ ສິນຄ້າຕ້ອງຫ້າມຄັ້ງນີ້ ກໍ່ເພື່ອເຮັດໃຫ້ຜູ້ບໍລິໂພກ ໄດ້ບໍລິໂພກສິນຄ້າທີ່ມີຄຸນະພາບ ແລະ ມີຄວາມປອດໄພຕໍ່ສຸຂະພາບ ແລະ ພ້ອມກັນນັ້ນຜູ້ບໍລິໂພກກ່ອນຈະເລືອກຊື້ສິນຄ້າປະເພດຕ່າງໆ ກໍ່ຕ້ອງໄດ້ສັງເກດເບິ່ງຄຸນຄ່າທາງດ້ານໂພສະນາການ ແລະ ວັນເດືອນປີໝົດອາຍຸຂອງສິນຄ້າດັ່ງກ່າວເພື່ອຮັບປະກັນໃຫ້ສິນຄ້າທີ່ຕົນເອງຈະເອົາມາບໍລິໂພກເປັນສິນຄ້າທີ່ມີຄຸນນະພາບ.

Image may contain: one or more people, people standing and outdoor

ໂດຍ: ດອນ ຂຽວພະນາ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here