ໃນວັນທີ 16 ທັນວານີ້, ທ່ານ ພັນເອກ ໂຣຣີ ສີໂທຣັດທີ່ປຶກສາ ທູດຝ່າຍປ້ອງກັນຊາດປະເທດ ອິນໂດເນເຊຍປະຈຳ ສປປ ລາວ ຕາງໜ້າກະຊວງປ້ອງກັນປະເທດ ອິນໂດເນເຊຍ ປະຈຳ ສປປ ລາວ ໄດ້ມອບທຶນການສຶກສາໃຫ້ແກ່ ນາຍທະຫານລາວ ຈຳນວນ 2 ທຶນເພື່ອໄປຮຽນຕໍ່ລະດັບປະລິນຍາໂທ ທີ່ມະຫາວິທະຍາໄລປ້ອງ ກັນປະເທດອິນໂດເນເຊຍ (IDU) ສຳລັບສົກຮຽນປີ 2021/2022, ໃຫ້ກຽດເຂົ້າຮ່ວມເປັນສັກຂີພະ ຍານຂອງ ທ່ານ ພັນໂທ ລາດສະ ຂຸນ ວົງໂພສີ ຫົວໜ້າພະແນກ ຊ່ຽວຊານນັກຮຽນກະຊວງປ້ອງ ກັນປະເທດ. ທ່ານ ພັນເອກ ໂຣຣີ ສີໂທຣັດ ກ່າວວ່າ: ການໃຫ້ທຶນຊ່ວຍເຫຼືອ ໃນຄັ້ງນີ້ແມ່ນສະແດງໃຫ້ເຫັນ ເຖິງຄວາມມຸ້ງໝັ້ນຂອງກະຊວງ ປ້ອງກັນປະເທດອິນໂດເນເຊຍ ໃນການສົ່ງເສີມການສ້າງຂີດ ຄວາມສາມາດ, ຍົກສູງລະດັບ ຄວາມຮູ້ກໍຄືການພັດທະນາຊັບ ພະຍາກອນມະນຸດຂອງ ສປປ ລາວ ເຊິ່ງເປັນພື້ນຖານໃນການ ສ້າງຄວາມເຂັ້ມແຂງທັງເປັນ ການຮັດແໜ້ນສາຍພົວພັນສອງ ຝ່າຍລະຫວ່າງ ອິນໂດເນເຊຍ ແລະ ສປປ ລາວໂດຍສະເພາະໃນ ຂົງເຂດການຮ່ວມມືດ້ານປ້ອງ ກັນຊາດ-ການທະຫານ. ໃນມື້ດຽວກັນ, ທ່ານ ນາງ ອີນກີ ຮີລາເຣຍ ດີເນເຊຍ ຕາງໜ້າສະ ຖານທູດອິນໂດເນເຊຍ ປະຈຳ ສປປ ລາວ ຍັງໄດ້ມອບໃບຢັ້ງຢືນ ໃຫ້ແກ່ນາຍທະຫານທີ່ສຳເລັດ ຫຼັກສູດພື້ນຖານຂອງພາສາອິນ ໂດເນເຊຍອີກດ້ວຍ.

Image may contain: 6 people, people standing and indoor

ໂອກາດນີ້, ຫົວໜ້າພະແນກ ຊ່ຽວຊານນັກຮຽນກົມພົວພັນ ຕ່າງປະເທດ ຕາງໜ້າໃຫ້ກະຊວງ ປ້ອງກັນປະເທດກ່າວສະແດງ ຄວາມຂອບໃຈໄປຍັງກະຊວງ ປ້ອງກັນປະເທດ ອິນໂດເນເຊຍ ທີ່ໃຫ້ການຊ່ວຍເຫຼືອໃນຄັ້ງນີ້ ພ້ອມທັງສະແດງຄວາມເຊື່ອໝັ້ນ ວ່ານາຍທະຫານທີ່ໄດ້ຮັບທຶນ ໃນຄັ້ງນີ້ຈະນຳເອົາຄວາມຮູ້ທີ່ໄດ້ ຮຳ່ຮຽນມາຜັນຂະຫຍາຍໃນອະ ນາຄົດ.

ໂດຍ: ຈິດ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here