ພັທ ຄໍາເພັດ ດາລາວົງ ຫົວໜ້າພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ຫ້ອງຕໍາຫຼວດ ປກສ ນະຄອນຫຼວງວຽງຈັນ ໄດ້ໃຫ້ສໍາພາດຕໍ່ນັກຂ່າວ ປກສ ນະຄອນຫຼວງວຽງຈັນ ໃນຕອນເຊົ້າຂອງວັນທີ 15 ທັນວາ 2020 ວ່າ: ເພື່ອເຮັດໃຫ້ອັກຄີໄພຫຼຸດໜ້ອຍຖອຍລົງ ໃນປີ 2021 ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ຈະສຸມໃສ່ 5 ວຽກໃຫ້ປະກົດຜົນເປັນຈິງຄື:

This image has an empty alt attribute; its file name is image-38-1024x715.png

1. ປະຕິບັດຕາມທິດຊີ້ນໍາຂອງຂັ້ນເທີງກ່ຽວກັບວຽກງານ 3 ຫຼຸດ, 3 ເພີ່ມ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ໄດ້ຂຽນໂຄງການຫຼຸດຜ່ອນອັກຄີໄພໃນປີ 2020 ຫາ ປີ 2021 ເຂົ້າໃນແຜນວຽກວິຊາສະເພາະ ຂອງກອງບັນຊາການ ປກສ ນະຄອນຫຼວງວຽກຈັນ ຫຼັງຈາກນັ້ນຈະໄດ້ຫັນເປັນແຜນອັນລະອຽດ ເພື່ອມາຈັດຕັ້ງປະຕິບັດ ໂດຍສົມທົບກັບກອງກໍ່ສ້າງຮາກຖານ, ອົງການຈັດຕັ້ງຂອງບ້ານ ແລະ ພາກສ່ວນທີ່ກ່ຽວຂ້ອງພ້ອມກັນຈັດຕັ້ງປະຕິບັດ.

This image has an empty alt attribute; its file name is image-39-1024x612.png

2. ສືບຕໍ່ຫັນເອົາກໍາລັງລົງສູ່ພື້ນຖານ ເພື່ອເຮັດວຽກງານກວດກາ, ໂຄສະນາເຜີຍແຜ່ວຽກງານປ້ອງກັນອັກຄີໄພຢູ່ບັນດາສໍານັກງານ, ໂຮງຈັກ, ໂຮງງານ, ໂຮງແຮມ, ຕະຫຼາດ, ສູນການຄ້າ, ເຮືອນພັກຕະຫຼອດຮອດຄຸ້ມບ້ານ ເພື່ອເຮັດໃຫ້ເຂົາເຈົ້າມີສະຕິໃນການປ້ອງກັນອັກຄີໄພ.

3.ຈະປະສານສົມທົບກັບພາກສ່ວນທີ່ກ່ຽວຂ້ອງເຊັ່ນ: ສະຖານີມອດໄຟແຕ່ລະເມືອງ, ບໍລິສັດໄຟຟ້າລາວ, ບໍລິສັດນໍ້າປະປາ, ກົມຕໍາຫຼວດສະກັດກັ້ນ ແລະ ຕ້ານອັກຄີໄພ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ, ໜ່ວຍກູ້ໄພທຸກພາກສ່ວນ ແລະ ພາກສ່ວນທີ່ກ່ຽວຂ້ອງກັບວຽກງານວິຊາສະເພາະ ເພື່ອພ້ອມກັນກຽມຄວາມພ້ອມແກ້ໄຂສະພາບທີອາດຈະເກີດຂຶ້ນ,

4. ສະເໜີເອົາກໍາລັງພາຫະນະ ແລະ ອຸປະກອບຮັບໃຊ້ຈາກຂັ້ນເທີງເພີ່ມ ເພື່ອກຽມຄວາມພ້ອມໃນການຮັບໃຊ້ວຽກງານວິຊາສະເພາະໃຫ້ມີຄວາມສະດວກ, ວ່ອງໄວຫຼາຍຂຶ້ນກວ່າເກົ່າ

5. ກຽມພ້ອມດ້ານພາຫະນະ, ອຸປະກອນ ແລະ ກໍາລັງປະຈໍາການຄອຍເຫດຕະຫຼອດ 24 ຊົ່ວໂມງ. ສໍາລັບປີ 2020 ທົ່ວນະຄອນຫຼວງວຽງຈັນ ມີອັກຄີໄພເກີດຂຶ້ນທັງໝົດ 53 ຄັ້ງ, ລວມມູນຄ່າເສຍຫາຍມີ: ເງິນກີບ 6 ຕື້ກວ່າກີບ, ເງິນບາດ 8 ລ້ານກວ່າບາດ ແລະ ເງິນໂດລາ 5 ແສນກວ່າໂດລາ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here