ໃນວັນທີ 16 ທັນວາ 2020 ທີ່ຫ້ອງຮັບແຂກ ສູນກາງຊາວໜຸ່ມປະຊາຊົນປະຕິວັດລາວ ໄດ້ມີພິທີມອບ-ຮັບເງິນ ເພື່ອປະກອບສ່ວນຮັບໃຊ້ການດໍາເນີນກອງປະຊຸມໃຫຍ່ ຜູ້ແທນຊາວໜຸ່ມທົ່ວປະ ເທດຄັ້ງທີ VIII ລະຫວ່າງ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ, ກະຊວງວິທະຍາ ສາດ ແລະ ເຕັກໂນໂລຊີ ແລະ ສູນກາງຊາວໜຸ່ມປະຊາຊົນປະຕິວັດລາວ.

Image may contain: 9 people, people standing, text that says '8500000 ทับ'

ຈຸດປະສົງ ເພື່ອເປັນການປະກອບສ່ວນສະໜັບສະໜູນ ທາງດ້ານງົບປະມານຮັບໃຊ້ເຂົ້າໃນການດໍາເນີນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ທີ່ຈະມາເຖິງໃນມໍ່ໆນີ້ ເປັນຈໍານວນເງິນທັງໝົດ 16.500.000 ກີບ (ສີບຫົກລ້ານຫ້າແສນກີບ), ຊຶ່ງຕາງໜ້າມອບໂດຍ ສະຫາຍ ພຸດທະສັກ ວິຈິດຕຣາ, ເລຂາຄະນະບໍລິຫານງານຊາວໜຸ່ມ ປປລ, ກະຊວງວິທະຍາສາດ ແລະ ເຕັກໂນໂລຊີ ແລະ ຮັບໂດຍ ສະຫາຍ ອາລຸນໄຊ ສູນນະລາດ ກໍາມະການສໍາຮອງສູນກາງພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ໂດຍມີ ຮອງເລຂາ ແລະ ຄະນະບໍລິຫານງານຊາວໜຸ່ມຂອງທັງສອງພາກສ່ວນເຂົ້າຮ່ວມ ເປັນສັກຂີພິຍານ.

ໂອກາດດັ່ງກ່າວ, ສະຫາຍ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ກໍໄດ້ສະແດງຄວາມຍ້ອງຍໍຊົມເຊີຍ ແລະ ຂອບໃຈ ຕໍ່ຄະນະບໍລິຫານງານຊາວໜຸ່ມ ປປລ, ກວຕ ກໍຄືສະມາຊິກຊາວໜຸ່ມທົ່ວກະຊວງ ວິທະຍາສາດ ແລະ ເຕັກໂນໂລຊີ ທີ່ເຫັນໄດ້ຄວາມສໍາຄັນ ແລະ ປະ ກອບສ່ວນຊຸກຍູ້ທາງດ້ານງົບປະມານ ເຂົ້າໃນການດໍາເນີນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ທີ່ຈະມາເຖິງນີ້, ພ້ອມທັງກ່າວເນັ້ນຕື່ມວ່າ ຈະນໍາເອົາງົບປະມານດັ່ງກ່າວ ນໍາໃຊ້ໃຫ້ເກີດປະ ໂຫຍດໃຫ້ຫລາຍທີ່ສຸດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here