ທັບນັກກິລາແຂວງຫຼວງພະບາງຮອງແຊ໋ມບານເຕະຊົມເຊີຍວັນຊາດຄົບຮອບ 45 ປີໄດ້ຮັບການຍ້ອງຍໍຈາກຄະນະການນຳຂອງແຂວງຢ່າງສົມກຽດ ເມື່ອຄໍ່າຄືນຂອງວັນທີ 15 ທັນວາຜ່ານມາທີ່ພັດຕະຄານລ້ານຊ້າງ ນະຄອນຫຼວງພະບາງ ແຂວງຫຼວງພະບາງໄດ້ຈັດພິທີສະຫຼຸບຜົນການແຂ່ງຂັນກິລາບານເຕະທົ່ວປະເທດຕ້ອນຮັບວັນຊາດທີ 2 ທັນວາຄົບຮອບ 45 ປີ ໂດຍການໃຫ້ກຽດເຂົ້າຮ່ວມຂອງທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ, ທ່ານ ສົມສະຫວາດ ເລັ່ງສະຫວັດ ທີ່ປຶກສາກົມການເມືອງສູນກາງພັກ, ທ່ານ ປອ ໄຊຊະນະ ທອງຄຳຈັນ ຄະນະສະຫະພັນບານເຕະແຫ່ງຊາດລາວ, ມີຄະນະນຳຂອງແຂວງ,ເມືອງ ຫົວໜ້າ-ຮອງຫົວໜ້າພະແນກການ, ພະນັກງານ, ນັກກິລາ ແລະ ແຂກຖືກເຊີນເຂົ້າຮ່ວມ.

Image may contain: 7 people, people standing

.

Image may contain: 18 people, people standing

.

Image may contain: 18 people, people standing

.

Image may contain: 11 people, people standing

.

Image may contain: 12 people, people standing and people on stage

ໃນພິທີ, ທ່ານ ປອ ວົງເພັດ ອຸດົມລິດ ຮອງຫົວໜ້າພະແນກສຶກສາທິການ ແລະ ກິລາແຂວງລາຍງານໃຫ້ຮູ້ວ່າ: ເລີ່ມແຕ່ວັນທີ 12 ຕຸລາ 2020 ຄະນະຮັບຜິດຊອບໄດ້ຄັດເລືອກເອົານັກກິລາ ຈຳນວນ 20 ຄົນ ແລະ ໄດ້ອອກຕາຕາລາງຝຶກຊ້ອມໃນແຕ່ລະມື້, ມາເຖິງວັນທີ 6 ພະຈິກ 2020 ໄດ້ນຳພາທີມເດີນທາງໄປເຂົ້າສູນຝຶກຊ້ອມທີ່ນະຄອນຫຼວງວຽງຈັນ, ໃນຮອບແບ່ງກຸ່ມທິມແຂວງຫຼວງພະບາງໄດ້ຢູ່ໃນກຸ່ມ(ຄ) ປະກອບມີ 4 ແຂວງຄື: ຫຼວງນໍ້າທາ, ໄຊຍະບູລີ, ແລະ ອັດຕະປື, ຜົນໃນຮອບແບ່ງກຸ່ມ ນັດທີ 1,ວັນທີ 10 ພະຈິກ 2020 ຫຼວງພະບາງ ພົບກັບ ໄຊຍະບູລີ ທີ່ສະໜາມຫຼັກ 16 ປະກົດວ່າຫຼວງພະບາງສາມາດເອົາຊະນະດ້ວຍ 3=0 ປະຕູ, ນັດທີ 2 ວັນທີ 12 ພະຈິກ ຫຼວງພະບາງ ພົບກັບ ຫຼວງນໍ້ຳທາ ທີ່ສະໜາມກິລາກອງທັບປະກົດວ່າຫຼວງພະບາງເອົາຊະນະໄປດ້ວຍ 2=1 ປະຕູ ແລະ ນັດທີ 3 ວັນທີ 14 ພະຈິກ ຫຼວງພະບາງ ພົບກັບ ອັດຕະປືທີ່ສະໜາມຫຼັກ 16 ແມ່ສະເໝີກັນ 0=0, ຫຼວງພະບາງສາມາດເອົາຊະນະໄດ້ 2 ນັດ,ສະເໝີ 1 ປະຕະໄດ້ 5, ເສຍ 1 ປະຕູ ເປັນທີ 1 ຂອງສາຍ,ອັດຕະປືທີ 2 ຂອງສາຍ ແລະ ໄດ້ເຂົ້າຮອບ 8 ທີມ, ວັນທີ 17 ພະຈິກ 2020 ຫຼວງພະບາງ ພົບກັບ ຊຽງຂວາງທີ່ສະໜາມກິລາ ມະຫາວິທະຍາໄລແຫ່ງຊາດ ຫຼວງພະບາງສາມາດເອົາຊະນະດ້ວຍ 2=0 ປະຕູ, ໃນຮອບ 8 ທີມເຊີ່ງເປັນຮອບຕັດເຊືອກ ຫຼວງພະບາງໄດ້ເຂົ້າຮອບ 4 ທີມ ແລະ ມາໃນວັນທີ 19 ພະຈິກ 2020 ຫຼວງພະບາງ ພົບກັບ ສະຫວັນນະເຂດ ທີ່ສະໜາມກິລາຫຼັກ 16 ປະກົດວ່າຫຼວງພະບາງເອົາຊະນະໄປ 3=0 ປະຕະ ແລະ ເປັນຮອບຕັດເຊືອກເຊັ່ນດຽວກັນ, ມາໃນນັດຊີງຊະນະເລີດ ຫຼວງພະບາງ ພົບກັບ ຈຳປາສັກ ທີ່ສະໝາມກິລາຫຼັກ 16 ເຊີ່ງວ່ານັດນີ້ຜູ້ຊົມຜູ້ເຊຍໄດ້ຕັ້ງຊື່ວ່າ ເປັນຄູ່ຢຸດໂລກກັນເລີຍກໍ່ວ່າໄດ້ ເນື່ອງຈາກມີການຖ່າຍທອດສົດທັງ 3 ຊ່ອງ,ໂດຍສະເພາະຊ່ອງລາວສະຕ່າສາມາດຖ່າຍໄປຍັງ 70 ກວ່າປະເທດໃນໂລກ ແລະ ແຕ່ລະຊ່ອງມີການໄລ້ສົດອີກ ແລະ ໄດ້ມີຜູ້ເຂົ້າຊົມທາງໂທລະພາບ ແລະ ທາງໄລ້ສົດເຊີ່ງມີຍອດວີວຫຼາຍກວ່າ 13 ພັນລ້ານວີວ, ຄະນະດຽວກັນຢູ່ໃນສະໝາມມີຄົນເຂົ້າຊົມ ເກືອບເຖິງ 22 ພັນຄົນ, ບັນຍາກາດການແຂ່ງຂັນທັງໃນ ແລະ ນອກສະໜາມໄດ້ຄຶກຄື້ນເປັນພິເສດ ໃນເຄິ່ງເວລາທຳອິດ ທິມລູກຫຼານ ປູ່ເຍີ-ຍ່າເຍີໄດ້ຂື້ນນຳໄປກ່ອນ 1=0 ປະຕູໃນເວລາທີ 42 ນາທີ, ຈາກນັ້ນເຄິ່ງເວລາທີ 2 ຫຼວງພະບາງເສຍໃຫ້ຈຳປາສັກ 1 ປະຕູໃນເວລາທີ 50 ນາທີ ຈົບເກມ ໃນເວລາ 90 ນາທີ ແມ່ນຍັງສະເໝີກັນທີ 1=1 ປະຕູ ຈຳເປັນຕ້ອງໄດ້ຕໍ່ເວລາໄປອີກ 30 ນາທີ ແລະ ທັງ 2 ທິມ ແມ່ນຍັງບໍ່ສາມາດເອົາຊະນະກັນໄດ້ອີກ ເພື່ອປະຕິບັດຕາມກົດລະບຽບຂອງກິລາທັງ 2 ທິມຕ້ອງໄດ້ເຕະຈຸດໂທດກັນ ແລະ ຜົນປະກົດວ່າ ຫຼວງພະບາງເສຍປະຕູໃຫ້ຈໍາປາສັກດ້ວຍ 3=4 ປະຕູ ແລະ ທິມຈຳປາສັກໄດ້ເປັນແຊ໋ມ, ສ່ວນຫຼວງພະບາງເປັນຮອງແຊ໋ມ ໄດ້ຫຼຽນເງິນ ພ້ອມຮັບລາງວັນ 40 ລ້ານກີບ ພ້ອມກັບ ໄດ້ຮັບລາງວັນຜູ້ຮັກສາປະຕູດີເດັ່ນ ໂດຍທ້າວ ວຽງນະຄອນ ວິລະບຸດ ລົງຫຼີ້ນ 6 ນັດ ເສຍພຽງ 2 ປະຕູ ຮັບລາງວັນ 5 ລ້ານກີບ ນອກຈາກນີ້ ທັບນັກກິລາແຂວງຫຼວງພະບາງຍັງໄດ້ຮັບການສະນັບສະໜູນຈາກບັນດານັກທຸລະກິດ ອີກ 382 ລ້ານກວ່າກີບ.

Image may contain: 11 people, people standing

.

Image may contain: 6 people

.

Image may contain: 14 people, people standing

.

Image may contain: 11 people, people sitting and indoor

.

Image may contain: 7 people

.

Image may contain: 7 people, people standing

ໂອກາດດັ່ງກ່າວ, ທາງຄະນະນຳຂອງແຂວງໄດ້ຈັດພິທີບາສີສູ່ຂັວນຕ້ອນຮັບຊົມເຊີຍຕໍ່ຜົນສຳເລັດອັນຍີ່ງໃຫຍ່ຄັ້ງນີ້ຢ່າງສົມກຽດ ພ້ອມດຽວກັນນີ້ ທ່ານ ສົມສະຫວາດ ເລັ່ງສະຫວັດ ໄດ້ ຮຽກຮ້ອງມາຍັງຄະນະນຳຂອງແຂວງ,ເມືອງ, ສະຫະພັນບານເຕະ ແລະ ທຸກພາກສ່ວນທີ່ກ່ຽວຂ້ອງຈົ່ງໄດ້ສືບຕໍ່ຮ່ວມມື ເລືອກເຝັ້ນເອົານັກກິລາທ້ອງຖິ່ນຝຶກຊ້ອມເພື່ອໃຫ້ເປັນນັກກິລາຂອງແຂວງ ແລະ ສືບຕໍ່ສ້າງສ້າງນັກກິລາແຂວງໃຫ້ກາຍເປັນນັກກິລາລະດັບຊາດ ແລະ ກ້າວເຂົ້າສູ່ສາກົນໃຫ້ຫຼາຍຂື້ນ, ກຽມພ້ອມເຂົ້າຮ່ວມງານມະຫະກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ໃນມໍ່ໆນີ້.

ໂດຍ: ແຈັກກີ້ ສກຂ ຫຼວງພະບາງ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here