ຕະຫລອດໄລຍະຜ່ານມາປະເທດຊາດເຮົາມີສະຖຽນນະພາບທາງດ້ານການເມືອງ,ສັງຄົມມີຄວາມສະຫງົບປອດໄພໂດຍພື້ນຖານ,ການປະຕິບັດແນວທາງນະໂຍບາຍຂອງພັກ,ການພັດທະນາເສດຖະກິດ-ວັດທະນາທຳ-ສັງຄົມຍັງຂະຫຍາຍຕົວຢ່າງຕໍ່ເນື່ອງໄປຄວບຄູ່ກັບການຈັດຕັ້ງສຸ່ມໃສ່ການຈັດຕັ້ງຜັນຂະຫຍາຍມະຕິກອງປະຊຸ່ມໃຫຍ່ຄັ້ງທີ່ X ຂອງພັກຢ່າງແຂງແຮງແລະໄດ້ຮັບຜົນສຳເລັດຫລາຍດ້ານ,ຊິວິດການເປັນຢູ່ຂອງປະຊາຊົນບັນດາເຜົ່ານັບມື້ໄດ້ຮັບການປັບປຸ່ງດີຂື້ນເປັນກ້າວໆ.

.

ສຳລັບກອງທັບເຮົາສຶບຕໍຮັກສາແລະເສີມຂະຫຍາຍທາດແທ້ມູນເຊື້ອປະຕິວັດ,ເປັນ່ກຳລັງຫລັກແຫລ່ງ,ຄ້ຳປະກັນໃຫ້ປະເທດຊາດມີສະຖຽນນະພາບທາງດ້ານການເມືອງດີ,ເສດຖະກິດເຕິບໃຫຍ່ຂະຫຍາຍຕົວ,ເປັນເຈົ້າການປັບປຸງຕົນເອງ,ມີຄວາມຫນັກແຫນ້ນເຂັ້ມແຂງປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາແລະສ້າງສາພັດທະນາປະເທດຊາດໃຫ້ມີຄວາມມັ່ງຄັ່ງເຂັ້ມແຂງ.

ກຳລັງອິດທິປໍລະປັກຍັງສຶບຕໍ່ເຄື່ອນໄຫວກົນອຸບາຍຍຸທະສາດຫັນປ່ຽນໂດຍສັນຕິ,ພວກມັນໄດ້ເຄື່ອນໄຫວທຳລາຍມ້າງເພ້ແນວຄິດ-ຄວາມສາມັກຄີພາຍໃນ,ໂດຍພະຍາຍາມນຳໄຊ້ຊ່ອງຫວ່າງກົນໄກເປິດກ້ວາງການຮ່ວມມືສາກົນເພື່ອກົດດັນ-ແຊກແຊງ,ທາງສາສະໜາ,ສິດທິມະນຸດ,ບັນຫາຊົນເຜົ່າເປັນຂໍ້ອ້າງເພື່ອໂຄສະນາທັບຖົມໂຈມຕີແນວທາງນະໂຍບາຍປ່ຽນແປ່ງໃໝ່ຂອງພັກ-ລັດແລະກໍ່ໃຫ້ເກີດມີປະກົດການຫຍໍ້ທໍ້ໃນສັງຄົມຫລາຍຂື້ນ.

ຕໍ່ກັບເຫດການດັ່ງກ່າວ:ພາຍໄຕ້ການນຳພາອັນສະຫລາດສ່ອງໃສ່ຂອງພັກເຮົາຈື່ງຖືສຳຄັນວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປ່ວງຊົນຮອບດ້ານຂອງພັກເປັນບຸລິມະສິດແຖວໜ້າຕິດຜັນກັນວຽກງານ 3 ສ້າງຂອງພັກໃນການສ້າງແຂວງເປັນຫົວໜ່ວຍຍຸທະສາດ,ສ້າງເມືອງເປັນເປັນຫົວໜ່ວຍເຂັ້ມແຂງຮອບດ້ານແລະສ້າງບ້ານເປັນກຸ່ມບ້ານພັດທະນາ,ໃນນີ້ເວົ້າສະເພາະຢູ່ກອງບັນຊາການທະຫານແຂວງໄຊສົມບູນແມ່ນ ກຳລັງຂຸ້ນຂ້ຽວສຸ່ມໃສ່ຂໍານັບຮັບຕ້ອນວັນສຳຄັນຕ່າງໆຂອງຊາດ-ຂອງພັກ,ເວົ້າສະເພາະແມ່ນອອກແຮງແຂງຂັນສ້າງຜົນງານຕ້ອນກອງປະຊຸມໃຫຍ່3ຂັ້ນຂອງພັກແລະການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ່Iຂອງອົງຄະນະພັກແຂວງໃຫ້ມີບັນຍາກາດພົດຟື້ນກ້ວາງຂວາງຕໍ່ເນື່ອງ.

ສະຫາຍ ພັນເອກຄຳອີ້ງ ກິ່ງແກ້ວ ຄະນະປະຈຳພັກແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງໄຊສົມບູນໃຫ້ຮູ້ວ່າ: ເພື່ອຮັບປະກັນເຮັດໃຫ້ສະພາບມີຄວາມສະຫງົບ,ຄະນະພັກ-ຄະນະບັນຊາພວກເຮົາໃດ້ຖືສຳຄັນວຽກງານສຶກສາອົບຮົມການເມືອງນຳພາແນວຄິດສອດຫ້ອຍເຂົ້າທຸກຂົງເຂດວຽກງານລວມຂອງກົມກອງເຮັດໃຫ້ພະນັກງານ-ນັກຮົບມີຄຸນທາດການເມືອງຫນັກແຫນ້ນ,ມີຄຸນສົມບັດສີນທຳປະຕິວັດ,ມີແນວຄິດອຸ່ນອ່ຽນທຸ່ນທ່ຽງ,ມີທັດສະນະຫລັກຫມັ້ນຊົນຊັ້ນ,ພິເສດກົມກອງຍັງໄດ້ສຸ່ມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງພັກ,ກອງປະຊຸມໃຫຍ່ຄັ້ງທີ່ Iຂອງຄະນະພັກແຂວງ,ກໍ່ຄືມະຕິກອງປະຊຸມໃຫຍ່ຄັ້ງທີ່ I ຂອງຄະນະພັກກອງບັນຊາການທະຫານແຂວງໂດຍປີ່ນອ້ອມ 4 ຫນ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກບົນຈິດໃຈບຸກທະລຸ,ເພື່ອຮັບປະກັນເຮັດໃຫ້ສະພາບທົ່ວແຂວງມີຄວາມສະຫງົບ,ຄະນະພັກ-ຄະນະບັນຊາໄດ້ຊີ້ນຳ-ນຳພາຫັນເອົາກຳລັງລົງກໍ່ສ້າງຮາກຖານການເມືອງແບບທາງເລີກແລະທາງກ້ວາງ ຕາມ 4 ເນື້ອໃນ 4 ຄາດຫມາຍ,ສ້າງທ່າສະໜາມປ້ອງກັນຊາດ-ປ້ອງກັນຄວາມສະຫງົບ 3 ຂັ້ນຕິດຜັນກັບການສ້າງບ້ານປ້ອງກັນຊາດເຂັ້ມແຂງແລະວຽກງານ 3 ສ້າງໃນການເຕົ້າໂຮມບ້ານນ້ອຍໃຫ້ກາຍເປັນບ້ານໃຫຍ່ແລະເຕົ້າໂຮມບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ,ປັດຈຸບັນໄດ້ມີພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານກວມເອົາຈຳນວນບ້ານແມ່ນ90%ຂອງແຜນການ,ສ້າງຄອບຄົວປ້ອງກັນຊາດເຂັ້ມແຂງ 2.104 ຄອບຄົວແລະບ້ານປ້ອງກັນຊາດສູ້ຮົບເຂັ້ມແຂງໄດ້10ບ້ານ,ທຽບໃສ່ແຜນການປີ2020ບັນລຸ ໄດ້25%.

ໄປຄ່ຽງຄູ່ກັນນັ້ນຍັງຫັນເອົາວຽກງານ ປກຊ-ປກສ ຮອບດ້ານຕິດຜັນກັບໜ້າທີ່ການເມືອງແຕ່ລະຮາກຖານປະຊາຊົນແລະບັນດາຫົວໜ່ວຍອົງການຈັດຕັ້ງທັງພາກລັດແລະເອກະຊົນ,ເປັນຕົ້ນແມ່ນໃດ້ສຳເລັດການຝືກອົບຮົມວິຊາສິລະປະຍຸດ-ຍຸດທະວິທີໃຫ້ນັກຮຽນ-ປະຊາຊົນແລະກຳລັງກອງຫລອນຢູ່ຂັ້ນແຂວງ,ເມືອງແລະບ້ານສາມາດຮັບປະກັນຄວາມປອດໄພ100%,ພ້ອມກັນນັ້ນຍັງໃດ້ຊີ້ນຳ-ນຳພາກອງຫຼອນ-ປກສບ້ານທີ່ຢູ່ແຕ່ລະເມືອງ,ຫົວໜ່ວຍທຸລະກິດຕ່າງໆຫັນເອົາວຽກງານປ້ອງກັນຊາດ-ປ້ອງກັນຄວາມສະຫງົບເປັນໜ້າທີຂອງໝົດທຸກຄົນ.

.

ສະຫາຍຫົວໜ້າການທະຫານ ຍັງໃຫ້ຮູ້ຕື່ມອີກວ່າ:ຜ່ານການຈັດຕັ້ງປະຕິບັດວຽກງານ ປກຊ-ປກສ ທົ່ວແຂວງເຫັນວ່າມີຄວາມສະຫງົບດີໂດຍພື້ນຖານ,ສາມາດແກ້ໄຂໄດ້ໜໍ່ແໜງທີ່ກໍ່ໃຫ້ເກີດຄວາມບໍ່ສະຫງົບ,ສົມທົບກັບກົມກອງເພື່ອນເຄື່ອນໄຫວຊອກຄົ້ນຕາມຈຸດເປົ້າໝາຍຂອບເຂດຮັບຜິດຊອບເພື່ອກຳຈັກຮັດແຄບພື້ນທີຂອງກຸ່ມຄົນບໍ່ຫັວງດີທັງເປັນການຕັດແຍກເສັ້ນທາງເຄື່ອນໄຫວຕິດຕໍພົວພັນຂອງກຳລັງອິດທິປໍລະປັກທີຕ້ານຕໍແນວທາງນະໂຍບາຍຂອງພັກ-ລັດເຮົາ,ສາມາດຮັກສາຄວາມສະຫງົບທົ່ວແຂວງມີຄວາມປອດໄພ100%;ນອກຈາກວຽກງານດັ່ງແລ້ວຄະນະພັກ-ຄະນະບັນຊາພວກເຮົາຍັງຖືສຳຄັນວຽກງານສຶກສາອົບຮົມການເມືອງນຳພາແນວຄິດໃຫ້ພະນັກງານ-ນັກຮົບຮູ້ແຈ້ງຕໍ່ແນວທາງ ປກຊ-ປກສ ໃນໄລຍະໃຫມ່ຕາມແນວທາງນະໂຍບາຍຂອງພັກສົມຄູ່ກັບວຽກງານການກໍ່ສ້າງພັກ-ພະນັກງານຕາມ 5 ຫລັກການ 3 ທິດນຳເປັນໄມ້ຫລາວັດແທກຄຸນທາດການເມືອງຂອງພະນັກງານສະມາຊິກພັກໃນການສ້າງກອງ3ປອດ(ປອດໃສປອດໄພປອດຄະດີ)ຍູ້ແຮງການສ້າງໜ່ວຍພັກປອດໃສເຂັ້ມແຂງໜັກແໜ້ນ;ກອງວັດທະນາທຳ-ນັກຮົບວັດທະນາທໍາ,ເຊີ່ງຜ່ານການຈັດຕັ້ງປະຕິບັດຕົວຈີ່ງມີຫຼາຍກົມກອງໄດ້ຮັບຮອງຈາກຄະນະປະຈຳພັກແຂວງເປັນໜ່ວຍພັກປອດໃສເຂັ້ມແຂງໜັກແໜ້ນຫຼາຍສະໄຫມຕິດຕໍກັນ,ໃນນີ້ມີສຳມາຊິກພັກແຂງຮອບດ້ານກວມເອົາ 75%,ແຂງກວມເອົາ25%,ໄປຄຽງຄູ່ກັນນັ້ນຍັງໄດ້ກໍ່ສ້າງພະນັກງານສຶບທອດປ່ຽນແທ່ນ 3 ລຸ້ນແຕ່ບົນພື້ນຖານຕ້ອງມີ3ໜຸ່ມ,5ກາງແລະ4ອາວຸໂສເພື່ອໃຫ້ເໝາະກັບການຊີ້ນໍາບັນຊາ,ໃນນັ້ນຍັງໄດ້ກໍ່ສ້າງກັບທີແລະຢູ່ວິທະຍາຄານ,ໂຮງຮຽນໃນກອງທັບທັງພາຍໃນແລະຕ່າງປະເທດໂດຍສະເພາະແມ່ນປະເທດເພື່ອນມິດຍຸດທະສາດ,ພ້ອມນັ້ນຍັງໃດ້ກະຕຸກຊຸກຍູ້ຊາວຫນຸ່ມ-ແມ່ຍິງເຄື່ອນໄຫວຕາມພາລະບົດບາດຕົນຢ່າງແຂງແຮງແລະຕໍ່ເນື່ອງໂດຍປະຕິບັດນ້ຳໃຈເພີ່ງຕົນເອງ,ກຸ້ມຕົນເອງແລະສ້າງຄວາມເຂັ້ມແຂງດ້ວຍຕົນເອງໃນການປູກຝັງ-ລ້ຽງສັດຕາມເງື່ອນໄຂທ່າແຮງຂອງກົມກອງຕິດຜັນກັບວຽກງານປ້ອງກັນຊາດ-ປ້ອງກັນຄວາມສະຫງົບຮອບດ້ານ.

ໂດຍ:ວັນໄຊ ໄຊສະຫັວດ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here