ໃນວັນທີ 10 ທັນວາ 2020, ທ່ານ ພັອ ສີເວີນ ແກ້ວສີວົງສາ ຫົວໜ້າກອງບັນຊາການ ປ້ອງກັນຄວາມສະຫງົບ ແຂວງອັດຕະປື ໄດ້ໃຫ້ກຽດປະດັບຊັ້ນ ໃຫ້ແກ່ນາຍ ແລະ ພົນຕຳຫລວດ ຜູ້ທີ່ຄົບມາດຖານເງື່ອນໄຂ ແລະ ຮອດອາຍຸການເລື່ອນຊັ້ນ ໂດຍເລື່ອນຊັ້ນພັນຕີຂຶ້ນເປັນຊັ້ນພັນໂທ ຈຳນວນ 12 ສະຫາຍ, ເລື່ອນຊັ້ນຮ້ອຍເອກຂຶ້ນພັນຕີ ຈຳນວນ 9 ສະຫາຍ ຍິງ 2 ສະຫາຍ, ເລື່ອນຊັ້ນຮ້ອຍໂທຂຶ້ນເປັນຊັ້ນຮ້ອຍເອກຈຳນວນ 25 ສະຫາຍ ຍິງ 2 ສະຫາຍ, ເລື່ອນຊັ້ນຮ້ອຍຕີຂຶ້ນຊັ້ນຮ້ອຍໂທ ຈຳນວນ 4 ສະຫາຍ ແລະ ເລື່ອນຊັ້ນສິບເອກຂຶ້ນວາທີ ຈຳນວນ 2 ສະຫາຍ.

Image may contain: 1 person, sitting

ທ່ານ ພັທ ສີອຸດົມ ອາລົມຈິດ ຄະນະພັກກອງບັນຊາການ ຫົວໜ້າຫ້ອງການເມືອງ ປ້ອງກັນຄວາມສະຫງົບ ແຂວງ ກ່າວວ່າ: ການເລື່ອນຊັ້ນໃຫ້ນາຍ ແລະ ພົນຕຳຫລວດ ຄັ້ງນີ້ ແມ່ນປະຕິບັດຕາມຂໍ້ຕົກລົງຂອງລັດຖະມົນຕີກະຊວງ ປ້ອງກັນຄວາມສະຫງົບ ສະບັບເລກທີ 3122, 3123, 3124/ປກສ ລົງວັນທີ 24 ພະຈິກ 2020 ເຊິ່ງທັງໝົດໄດ້ມີສຳເລັດໃນການປະຕິບັດໜ້າທີ່ ແລະ ມີຄຸນງາມຄວາມດີ ໃນໄລຍະຜ່ານມາ.

Image may contain: 5 people, people standing

ໂອກາດນີ້, ທ່ານ ຫົວໜ້າກອງບັນຊາການ ປກສ ແຂວງອັດຕະປື ກໍໄດ້ໂອ້ລົມຕໍ່ພະນັກງານຜູ້ທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້ ເຊິ່ງກ່ອນອື່ນໄດ້ຍ້ອງຍໍຊົມເຊີຍຜົນງານການຈັດຕັ້ງປະຕິບັດ ວຽກງານວິຊາສະເພາະໃນໄລຍະຜ່ານມາ ທີ່ສາມາດແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນສັງຄົມ ອັນເປັນຜົນງານໃຫ່ຍຫລວງ. ພ້ອມນັ້ນ ຍັງໄດ້ເນັ້ນໜັກໃຫ້ສືກຕໍ່ຮັກສາມູນເຊື້ອອັນດີງານນີ້ໄວ້, ໃຫ້ພ້ອມກັນປັບປຸງແກ້ໄຂດ້ານອ່ອນອັນທີ່ຍັງເປັນຂໍ້ຄົງຄ້າງໃຫ້ໝົດໄປເທື່ອລະກ້າວ ເພື່ອເຮັດໃຫ້ກຳລັງປ້ອງກັນຄວາມສະຫງົບແຂວງອັດຕະປື ໄດ້ຮັບການພັດທະນາໃນຕໍ່ໜ້າ.

ຂ່າວ: ສົມຊາຍ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here